سكودا اوكتافيا A4 2005 ولا كيا سيراتو 2010 علماً ان الاتنين نفس السعر تقريبا 85 الف ؟

[SSwalid]

المشاركة الأصلية كتبت بواسطة محمد اوبل السلام عليكم بص يا باشا انا كان معايا اوكتافيا 2006 a5 باختصار لو انت بتسافر كتير ويفرق معاك الثبات متفكرش غير فالاوكتافيا وبس وقبليها مرسيدس وبى ام طبعا وانسى اى عربيه كورى مهما كانت اما لو انت تنقلاتك معظمها داخل البلد وسفر مره اتنين فى السنه السيراتو ظريفه وخصوصا لو فأه عاليه (فتحه سقف وجنط) فهى مليانه حركات واشيك واسرع فى الجرى والتكييف تلاجه بس يعيبها انها ناشفه شويه فى المطبات (عفشتها مش مريحه) خصوصا لو جنط 17 وربنا يوفقك للاصلح

شكراً يا برنس بارك الله فيك كلامك مظبوط بس انا تقريبا استقريت علي بريليانس كروس 2013
هي متتقارنش بالاوكتافيا طبعا بس الزيرو ليه رونق خاص و ولا ايه راي حضرتك وياريت لو عندك معلومات عن البريليانس كروس تفيدني بيها ومتشكر جدا يا باشا .....

[محمد اوبل]

توكل على الله علطووووول بص يا كبير الزيرو زيرو انا واحد صاحبى جاب بريليانس frv وهى جميله وفخمه جدا طبعا مقدرش احكم على عمرها الافتراضى بس هى قطع غيارها كويسه وسعرها معقول جدا وعلى فكره انا ركبت الجديد منها فى التوكيل المحرك عليه فعلا علامه ميتسوبيشى تحت الغطا الفيبر وتقفيل وفنيش وصالون وشنطه اكتر من رائع ومش هتحتاج تركبلها غير طقم زينون بس وهى فيها كل الرواشه والحركات توكل على الله وهتاخد خيرها على الاقل 4 سنين وربنا يرزقك خيرها ويكفيك شرها