|
تعديل السيارات العــام منتدى تعديل السيارات والاكسسوارات والسانود سيستمCar Tuning - Pimp My CaR!!!!! |
|
أدوات الموضوع |
#1
|
||||
|
||||
عمل مساحة واحدة كالسيارات الحديثة للريجاتا معدن وليست فيبر
السلام عليكم ورحمة الله
تأخرت كتير عن طرح بعض الموضوعات للريجاتا .. اولا عايز اوضح سبب عمل " مساحة واحدة للريجاتا كالسيارات الحديثة " اولا . عملية اكتر وصعبة الكسر .. الجو كان صيف وغيرت مساحات كتير بسبب انى بشغلها الصبح بغسل الزجاج غسل سريع بيها وشوية واسمع صوت طقة والاقيها عملت حركة زى بتوع السيرك وطارت .. ومرة طارت وبنت معدية من قدام العربية وفكرت انى بعاكس وكدة ... حد ف الدنيا يعاكس بكسر مساحة ؟ اية الخساير والتكاليف دى .. كانو بيحدفوهم بالورد زمان .. دلوقت بقى بالمساحات .المهم .. السبب الاول انها فيبر وبتتكسر سهل يأما لوحدها مع نفسها .. يأما الاخ العقيد المبجل قائد الضربة المائية لغسيل السيارات وهو بيغسلها يرفعها علشان ينشف تحتها الاقيها ف ايدة وبيدهالى احتفظ بيها على سبيل الذكرى . السبب التانى : شكلا احلي . وعملية جداَ لانها كلها معدن وليست فيبر وقاعدة الزراع اللى خارج من المشترك للمساحات نفسها معدن ايضاَ وليست فيبر .. كما انها قطعة واحدة كلها على بعضها .. مش زى بتاعة الريجاتا اللى عبارة عن زراع قطعة .. والمساحة قطعة تانية .. وفى المنتصف قطعة فيبر ثالثة ماسكة المساحة من الزراع للمشترك التفاصيل والخطوات بشكل مختصر : 1 - هتفك ماتور " المساحات " اولاَ ثم بعد ذلك تقوم بفك المشتترك .. دة شكل المشترك لو مش هتعرف تفك المشترك خلي الكهربائى يفكة واوعة تعرفة هتعمل اية لانة هيفتى عليك وهيحاول يعمل مصلحة منك وياخد لة 50 ج مصنعية غير تمن الحاجة 2 - هتاخد المشترك وتطلع على الخراط تطلب منة يغير لك المسمار بواحد 13 بالنسبة لى دفعت عشرة ج واخدت ربع ساعة 3 - هتطلع على محل اكسسورات تطلب منة بالحرف " مساحة شاهين طويلة " قولة اللى بتكون فى نص الزجاج دى وتقيسها وانت عندة ويفضل تكون العربية معاك علشان تقيسها على العربية وتجيب الــمعدن .. القصة دى كلها احنا بنعملها مش علشان الشكل وبس لاء علشان المعدن بتستحمل وبتعيش ويهبدوها براحتهم فى المغسلة . 4 - هتعكس خطوات التركيب .. يعتى هتركب المشترك ثم الموتور ثم المساحة وخلى بالك متقرصش على صامولة المساحة علشان تظبط شغلها .. بمعنى انك سبها مهوية كدة وشغل المساحات هتلاقى المساحة بتلف من تحت قوي ومش بتوصل لنص البربريز .. فك الصامولة اللى انت مهوية وارفع المساحة فوق واظبطها واربط الصامولة وبس الف مبروك تكاليف الموضوع دة : خراط 10 ج + ممسمار 13 بصامولة ربع جنية + مساحة شاهين طويلة 25 ج = 35 ج وربع شوف بقى الكهربائى هياخد مصنعية كام وهيبعتك للخراط وتشتري الحاجة دى وف النهاية تحس انة فك وركب ولهف خمسين ج وبس . ************************* ******* ملحوظة هامة :: لو الخراط ايدة مش مظبوطة او انت مش واثق فية مش هيعرف يعملها صح .. يبقى الحل للموضوع دة انك تقولة اعمل 2 مسمار 13 .. بدلاَ من واحدة .. وتجيب جوز مساحات شاهين مقاس الشاهين العادى بدل الطويل وكدة تبقى ريحت دماغك من اخطاء الخراط + عدم تعديل اي شيئ ف السيارة .. بمعنى ان حضرتك معتدلتش على الفبريكة مساحتين نفس المقاس هما هما الفرق دى معدن وتقيلة والتانية فيبر . بس لاي استفسارات تحت امركم السجادة دى بتاعتى لذا وجب التنبية وجميع حقوقها محفوظة لدي النساجون التعديل الأخير تم بواسطة NicEgypt ; 20-12-2010 الساعة 04:20 AM |
#2
|
|||
|
|||
رد: عمل مساحة واحدة كالسيارات الحديثة للريجاتا معدن وليست فيبر
جامد جدااااااااااااااااااا
|
#3
|
|||
|
|||
رد: عمل مساحة واحدة كالسيارات الحديثة للريجاتا معدن وليست فيبر
الله عليك يا زعيم ده انتا النهارده امتعتنا بالموضوع الجميل ده وانا بردك كنت بستغرب ان في عربيات فيرنا زي ماشيه وعامله المساحه في النص فافتكرت انهم بيغيرو المكنه كلها
تسلملنا ايدك يا زعيم |
#4
|
||||
|
||||
رد: عمل مساحة واحدة كالسيارات الحديثة للريجاتا معدن وليست فيبر
موضوع جميل ومفيييييييييد جدا.. بجد انت افادتنى كتير لأنى فعلا كنت عاوز أعمل كده عندى.. وخصوصاً انى بأعمل كل حاجة فى العربية بإيدى..
ألف ألف شكر على مجهودك
__________________
مــحـمــــد الـــمــسـعـــودى Microsoft Certified Professional MCP ID#6357858 Certified Since 2008
|
#5
|
||||
|
||||
رد: عمل مساحة واحدة كالسيارات الحديثة للريجاتا معدن وليست فيبر
ناس كتير بدءت تعمل الموضوع دة وكان نفسى اعرف ازاي ولما كنت اسأل كنت بلاقى رد فعل غريب ولا حد فادنى .. يحسسوك انك بتسأل على خطة سرية امنية .. ولازم يبتسم لك ف الاول مش عارف لية كأنك سألتة على نكتة .. رحت محل اكسسورات وسألت على مساحة شاهين طويلة قعدت ساعة اشرح لة واخدتها منة لقيت مقاسها 13 يعنى لازم مسمار 13 يدخل فيها وعجبتنى قوي انها معدن كلها وكان طلبي انها تكون معدن مش فيبر وسألنى هتعمل بيها اية قلت لة وحسسنى انى هخترع اختراع فاشل ومش هتنفع وبلاش افتكاسات وهتصرف ع الفاضى . دة كلة رميتة ورا ضهري ورحت ع الخراط وقلت لة اعمل كذا كذا وخلصت وركبت . يعنى مكنش عندى علم سابق بالقصة كلها فحبيت افيد الناس واقولهم على الخطة الامنية السرية وبدون الابتسامة بتاعتهم |
|
|