محبي الدايو

[ahmedemoe]

اول مشاركة ليا في المنتدى واتمنى التواصل معاكم دايما
انا اشتريت عربية دايو ليجانزا من اسبوع
وتاريخي مع العربيات هو الاتي :
1 - سيات 133 مو 82
2 - فيات 128 موديل 80
3 - رينو داتشيا موديل 97
4 - دايو لانوس موديل 2001
5 - نوبيرا 2001 اوتوماتيك
6 دايو ليجانزا 2000 مانيوال
لو فية ردود كتير على موضوعي دا هحكيلكم على تجربتي مع العربيات دي وفية عربيات تانية كمان بس احب اتواصل معاكم واحس ان فية ناس معايا في الموضوع من خلال ردودكم

[mhamdy75]

فى إنتظار تعليقك على متانة كل سيارة

[tamer.koko]

انطباعاتك ايه عن الليجانزا وماعيوبها

[الكشفى]

احكى يا باشا احنا معاك للصبح

[ahmedemoe]

المشاركة الأصلية كتبت بواسطة mhamdy75 فى إنتظار تعليقك على متانة كل سيارة

السيات دي شافت ايام الطفولة والشباب كانت معايا واتا في الكلية اتعلمت فيها كل حاجة وعلمتني كتير لان اعطالها كتيرة اوي اوي اوي . بس بصراحة عربية خلاص اعتقد ان المفروض تنقرض انا مش عارف الناس بتشتريها لغاية دلوقتي لية
الفيات بصراحة كانت نقل بالنسبة ليا بس برضوا اعتقد ان خلاص برضوا العربية دي تعبت اوي بالاخص موديلات السبعينات والثمانينات
يعني كفاية عليها وعلى البودي بتاعها كدة بصراحة وبعدين قطع غيارها قلب صيني بشكل رهيبب وكلة مغشوش يعني العربية بتقلب صيني ومغشوش كمان
الداتشيا بقة يا جماعة كانت رهييييييييييييييييييببببب ببببببببببببببببببببببة كانت مع واحد قريبي من الزيرو واشتريتها منة لانها كانت فابريقا برا وجوة
عارفين العربية دي ؟؟ اللي شبة الرينو 9 اللي فية منها تاكسي كتير
كانت عربية زلطة وجميلة وانعم واقوى من ال128 بكتير اوي بس عيبها شكلها الوحش
كنت لما اروح مشوار مع ناس نظيفة كنت اركنها بعيد علشان البرستيج
اما اللانوس فكانت عربية عادية بجد ما حسيتش باي نقلة فيها لاني ركبت قبلها هيونداي اكسيل 1500 لمدة اسبوعين
بصراحة اللانوس سمعة على الفاضي انا اضايقت منها وبيعتها على طول
اما النوبيرا فكانت تحفة اوي كانت فابريقا برة وجوا كاملة اوتوماتيك بس حصلي بيها حادثة كبيرة وبحمد ربنا انها كانت بالعربية دي طبعا بعد ستر ربنا العربية طلعت اصيلة وشالت الصدمة كلها ومحدش جرالة حاجة غير شوية خدوش بسيطة وراحت الحمد لله
اما الليجانزا بقة فعربية مجرمة يا جماع مجرمة بجد
قوة ومتانة وسحب وثبات الحمد لله
وانت راكبها بفضل الله تحس انك راكب دبابة وان الناس اللي ماشية جمبك بتخاف منك
هههههههههههههههه
بصراحة العربية دي مظلومة في السوق اوي اوي الناس هنا بتفتي كانها بتعرف كل حاجة
انا طولت عليكم بس بجد مبسوط اني اتعرفت عليكم اتمنى نتواصل اكتر
اخوكم احمد