|
#21
17-02-2010, 01:21 AM
|
||||
|
||||
رد: حكايتى مع التأمين...و النصب العظيــم !
بس انت عارف حساسية المواضيع دي الشركة هي AIG Egypt و دي طبعا فرع من AIG العالمية (American Insurance Group) و دي طبعا معروفة و مشهورة خصوصا انها كانت علي وشك الافلاس في خضم الازمة العالمية و تم انقاذها من قبل الحكومة الامريكية. و النسبة اللي احنا مامنين بيها و ده من 3 سنين هي 4.5% من سعر العربية و حسب العقد بتاخد تخفيض عند التجديد لو لم تستخدم البوليصة خلال المده و ده طبعا محصلش معانا لاننا استخدمناها ده موقع الشركة و فيه معلومات الاتصال بيهم http://www.aigegypt.com/Contact.htm
__________________
Sharief Mansy
 Farewell my Cayenne, you were the best car i ever had and driven |
|
#22
17-02-2010, 01:27 AM
|
|||
|
|||
|
رد: حكايتى مع التأمين...و النصب العظيــم !
ربنا يكون في عونك ....
والله واحد قريبي كنت راكب معاه في رمضان اللي فات وعمل حادثه ... وكان مامن تبع كونت.... والعربية طلعت توتال لوس ...وقالوله هانديك 60 الف طبعا راح منهم تقسيط العربية 40 الف يبقى رسي عليهم 20 الف ...وهو لما راح يودي العربية مقبرة العربيات نزلت من ونش وراحت لونش وباعوها ب 20 الف ...وكلو نصب في نصب والعربية كانت ما تركس تخيل بالتقسيط وصلت اكتر من 100 ورسيو على 20 الف ... |
|
#23
17-02-2010, 02:12 PM
|
||||
|
||||
|
رد: حكايتى مع التأمين...و النصب العظيــم !
السلام عليكم يا دكتور الف سلامة عليك
ربنا معاك فى الموضوع دة طبعا بس عاوز اقول لحضرتك حاجة صغيرة كل مهنة فيها ناس كويسة و ناس وحشة و منها مهنة التامين وولهى اى خدمة اعملهالك انا تحت امرك من غير ما تضايق من التامين و لا الناس الى بتامن الشركة المحترمة بتادى خدمة ممتازة فى الاصدار و التعويض فى جميع المراحل و المنتج المحترم يتابع عميلة و يخدمة و دة اولا لمصلحة المنتج التامين مجال محترم ولهى مش كل الى فية وحشين و من غير اى حاجة انا بساعد اى حد من اعضاء المنتدى بدون اى مقابل تحت امرك فى اى مشورة او مشوار اجى معاك فية و نشوف المشكلة و نحلها ان شاء الله نفهم بس منهم لكن انا معاك ان فى ناس مش كويسة اما موضوع العمولة دى حاجة بين الشركة و الموظف بتاعها و دة موجود فى البنوك و فى بيع و تسويق السيارت يعنى مثلا لو عرفت المبيعات عمولتة كام على السيارة المرسيدس او البى ام دابليو او الكيا هاتتخض من الرقم دى ارزاق مش حاجة عيب يعنى العيب انى ما اعرفش اقدملك خدمة جيدة و يفترض انى حتى لو ماعرفتش اقدملك الخدمة كاملة الشركة تقدمهالك كام ينبغى ان تكون وانا تحت امرك و اعزر تطفلى على موضوعك دا مجرد راى لحضرتك فقط و نية منى ان شاء الله لمساعدتك و الله المستعان
__________________
عمرو احمد
01003388954 |
|
#24
17-02-2010, 06:41 PM
|
||||
|
||||
رد: حكايتى مع التأمين...و النصب العظيــم !
والاثنين من الآخر بياكلوا فى الزبون ! و مين قال ان الآرزاق كلها حلال ؟؟؟ يعنى الحرامى اللى بيسرقك فى الآتوبيس ولا يتم الامساك به وبيصرف فلوسك وبيدخلها على بيته بالحرام ! ماهو ده رزق برده ! ان الله يعطى المؤمن و الكافر ! و يرزق من يشاء بغير حساب ! والا أصبح المؤمنون أغنى الآغنياء و المجرمون أفقر الفقراء ! وهذا ما لانراه بالواقع ! أحترم بعض المحلات أو الشركات التى تعطيك فاتوره بها نسبة حق المحل ونسبة مقابل خدمة العمال ! وأنت حر تدفع أو لا تدفع ! بس تبقى على بينه ! و كتر خير حضرتك وأنت لست متطفلا ولا حاجه ! ده منتديك زى ما هو منتدانا ! بس على الآقل أنت زكى جدآ لآنك برأت نفسك ! لآنك لو الشخص المقصود ! أكيد ردى عليك كان سيكون مختلفآ ! Dr. Bolbolan ptmnlo123per122
__________________
ليت الشباب يعود يوما  فأخبره بما فعل المشيب بى ! ptmnlo123per1127 |
|
#25
17-02-2010, 07:41 PM
|
||||
|
||||
|
رد: حكايتى مع التأمين...و النصب العظيــم !
ودعت الرجل بالسلامه ! ولم أنم الا وكنت نقلت بيانات الوثيقه بحذافيرها فى ورقه ووضعتها فى شنطة السفر !
و أعطيت زوجتى الوثيقه و أرقام تليفونات الرجل ! و قلت لها لو حصل للسياره شىء اتصلى به علشان يقول لك تعملى ايه ! و لم أذكر لها شىء عن شكى فى الرجل ! علشان دى ليلة السفر و ماتبقاش دندره و قلة قيمه ! توكلت على الله و سافرت وبعد يومين أرسل لى الرجل ايميل به صورة ايصال سداد جماعى ل 3 سيارات ! وغير مذكور فيه أرقام السيارات أو أى بيانات سوى المبلغ و رقم القسيمه ( طباعة ) و بدون أسماء ! بس وجدته يضع دائره على رقم وثيقه ( اللى المفروض ) انها بتاعتى ! و كاتب اسمى بالقلم الجاف أمامها ؟؟ فضاهيت رقم الوثيقه بالرقم اللى أنا مسجله ! وجدته مختلف !! وللدقه مشابه و قريب لكن مختلف تمامآ ! برده مارضيتش أكلمه فى التليفون لآنه ممكن يختلق لى ألف عذر وان أنا اللى ما بفهمش ! و كمان ح ياخد حذره ان أنا أخدت بالى ! و ح يبتدى فى الاجراءات المضاده ! لذلك سكت فى سرى و لم أخبر أحدآ حتى زوجتى ! أنا طبعآ مش بأخاف من حد ! ptmnlo123per1106بس ربنا أمر بالستر ! وكفايه أنا أتعكنن و مش لازم هيه كمان ! على اعتبار انها صاحبة الفكره ! وقلت فى نفسى لما أنزل بعد شهر يبقى يحلها الحلال و نتصل بأقاربنا ( الجامدين والشداد ) و نخلص الموضوع ! و حتى لو لم ينتهى على خير ! فيعلم الله أنى كنت راضى ! لآنى لم يضربنى أحد على يدى والقانون لا يحمى الآغبياء ! مضى3 أسابيع و معى زميل شاب دمث الآخلاق من طنطا كنت دايمآ أقول له بس لما أشترى السياره الجديده ح أزورك و لما عرف انى اشتريتها فكرنى بالوعد وقلت له أنا جايلك يعنى جايلك ! ثم هوب فجأه كده من عند ربنا افتكرت انه من طنطا ( بلد الفيلم ده كله ) فحكيت له الحكايه و قلت له سأعطيك جميع البيانات التى لدى عن الوثيقه و صورة الآيميل بتاع الفاتورة المضروبه واسم المندوب و تذهب الى مقر الشركه ( لعل و عسى ) ! و لتقريب الخطوات عندما أنزل لآنه كان نازل قبلى ب 10 أيام كامله ! و فعلا ذهب صديقى العزيز الى الشركه واتصل بى تليفونيآ وقال لى ما يلى :- قابل أحد المسئولين و حكى له الحكايه و طلب منه الرجل صورة الفاتورة وقال له بالحرف :- ان الرقم غير مطابق لرقم الوثيقه ! و يخص شخص آخر و سياره أخرى ! وأنه لم يدفع ولا مليم لهذه الوثيقه فى الخزنه ! و هوه عملها تانى ؟؟ ده عملها كذا مره قبل كده ! طبعآ كنت أبتسم على خيبتى و صاحبى بيحكى لى الكلام ده فى التليفون ! و صدق حدثى ! لكن زميلى طمأنى بأن الرجل قال له :- اطمأن خالص و اعتبر الفلوس اندفعت ! دى فى وشنا كشركه و موظفين ! و لو سمحت اعطينى صورة الايميل واحنا ح ننده له بكره و نعمل له تحقيق و نجبره على دفع الفلوس ! و تعالى بعد بكره الخميس نعطيك ايصال الدفع و تصبح الوثيقه سليمه و ساريه ! فقلت له ينصر دينك يا شيخ ! اتصل بى الخميس لما تخلص ! لكنه لم يتصل لا الخميس ولا الجمعه ولا السبت ! فاتصلت به الآحد فلم يرد ! قلت العمليه باظت ! لكنه مساء اتصل بى و تأسف لعدم الرد لآنه كان نايم ( بيحب النوم قوى بس جدع ) ! و مبروك عمل فاتورة السداد ! و جاب الآصل و الصوره ! و طلب هوه من عنده كمان خطاب رسمى مختوم بسريان الوثيقه ! و كفى الله المؤمنين شر القتال ! الدروس المســتفاده :- 1- لا تأمن أى شخص يتصل بك على النت فى أى أمور ماليه ! ما لم يكن لك به معرفه سابقه قويه جدآ ( وبلاش أحسن ) ! 2- حرص ولا تخونش ! يعنى خد كل الضمانات كامله ! و مافيش حاجه اسمها ( كلمة رجاله ) الا فى الآفلام ! 3- ما حك جلدك مثل ظفرك ! ولا داعى للتسرع فكل شىء بميعاد ! 4- التأمين ده كله لعبه كبيره ( لا تدرى فيها من الظالم من المظلوم ) ! 5- القانون لا يحمى الآغبياء ولا المغفلين ( وأعترف انى للحظه كنت منهم ) ! 6- فى هذه القصه ! هناك احتمالين ( أحدهما ضعيف و الثانى قوى ) :- الآول و هو الضعيف :- ان المندوب كان ناوى يسدد الفلوس حين ميسره لآنه مزنوق فى قرشين أو اتسرق و كل الآفلام دى ! بس طبعآ ده احتمال ضعيف لآنه كررها قبل كده ! ولآنه عارف انى مسافر يعنى مش ح أسأل على حاجه ! ولآنه يعتبر عمليآ زور فاتورة الدفع ! يعنى بيسكتنى ! يعنى النيه مش سليمه ! خاصة مع علمه بأن السياره لو حصل لها شىء و بدون دفع ثمن الوثيقه ! يبقى ما عملناش حاجه و ضاعت فلوسك يا صابر ! الثانى :- انها مقصوده و ملعوبه ! لمعرفته انى مسافر على طول و فيه سياره تانيه ! يعنى احتمال حدوث شىء لا قدر الله للسياره ضعيف ! ( ودى وجهة نظر شخص مقامر بطبعه ) ! واحتمال انى أكون قوى الملاحظه و ألاحظ ان رقم الوثيقه مختلف ضعيف ! واحتمال لنى حمار بأه ومش واخد بالى ان اسمى مكتوب على الفاتوره بالجاف ( دى حاجه تانيه) ! و احتمال كبير انه كان يأكل الفلوس نهائيآ ! ماهو الوثيقه بتطلع عادى لآى انسان ! لكن لا تكون ساريه الا عند الدفع ! واذا لم تدفع ! كأنها لم تكن ! ولا يوجد ما يثبت انى دفعت له شىء ! هوه ده اللى عايزكم تاخدوا بالكم منه ياللى ناويين تأمنوا ! و عاوزين نصيحتى ؟؟ ( بلاش أحســن ) ! اللهم بلغت ! اللهم فاشهد ! والله على ما أقول شهيد ليس هناك زياده فى الكلام ان لم يكن هناك نقص أو سهو ! و أرجوا الثواب من الله لو انتفع أحد بهذا الكلام ! Dr. Bolbolan ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127التعديل الأخير تم بواسطة Dr. Bolbolan ; 17-02-2010 الساعة 07:47 PM |
 |
|
|
