اشترى انهى هوندا ؟؟

[didos]

اولا الف الف الف الف شك عل الردود الجميلة دى

المشاركة الأصلية كتبت بواسطة hossamhussein0 بص بقه يا باشا تشتري الهوندا نمرة واحد و تعملها صيانة صح هتريحك و هتحس انها الافضل علي الاطلاق و عموما معظم قطع الغيار متوفرة ما بين جديد ياباني و تايواني و استيراد و فيما يلي أعرض بعض الاسعار للأخذ بها علي سبيل الاسترشاد تحسبا لأسوأ الاحتمالات لا قدر الله : - تكلفة طقم الشنبر بلوازمه (حاجات اصلي) حوالي 1200 - 1400 ج بالمصنعيات و بنزين التليين و الزيت كمان و ده معقول جدا و العمرة الصح الكاملة ممكن تتكلف حوالي من 3000 - 3500 ج ، و المواتير الاستيراد في بورسعيد كثيرة جدا و سعرها (بالفتيس) من 3000 الي 5000 ج حسب تكنولوجيا الموتور (عدد الصبابات و السعة اللترية و خلافه ) امال ايه الموتور ابو 1500 جنيه ده ! العفشة غاليه شوية و غالبا معظم القديم بتبقي العفشة فيه متبهدله لأن الملاك السابقين منهم الكثيرين بيبخلوا علي العفشة ، يعني لو هتغير عفشة كاملة امامي و خلفي هتصرف في حدود 3000 ج (خامات جديدة و ياباني ) و اوعي تفكر تجيب عفشة استيراد لانك هتدفع فلوس في الارض طيب اذا كان المساعدين اللى هما اغلى حاجة كدا عاملين 2*600 = 1200 امال ال 1800 الباقى دول ايه يعنى معقول مقصات وبيضات وجلب بالكلام ده ؟ و علي فكرة انا كنت خايف من الاكورد قبل ما اشتريها لأن الكثيرين يحذرون من قصة قطع الغيار دي و لكن أنا كنت وقتها معايا السيفيك 82 و في مرة اتعرضت عليا الاكورد و روحت لمحل قطع الغيار اللي كنت بتعامل معاه و سألته عن رايه فيها و احوال قطع الغيار و كانت المفاجأة انها زي ما قولت لك كلها موجودة و سعرها زي السيفيك بالضبط و بالتالي ليه اصرف علي عربية صغيرة لما من الممكن ان اركب اخري كبيرة و بنفس المصاريف و ابقي استفدت من الصالون الكبير و الشنطة و الكماليات و فرق قوة الموتور و خلافه و بالفعل اشتريت الاكورد و كانت حاجة ثانية غير السيفيك خالص ، عربية كبيرة و شيك جدا و قوية جدا و كماليات كثيرة الي الان مش موجودة في كثير من عربيات اخري موديل 2010 بس عموما فتيسات الاوتوماتيك بتاعت الثمانينات في الهوندا بتستهلك جزء كبير من عزم الموتور و خاصة اذا كانت العربية مكيفة كمان ، هتحس انها بتستهلك بنزين كثير و العربية متكتفة مع التكييف علي طول غير موديلات التسعينات خالص و ده لان فتيسات الثمانينات تعتمد علي ضغط زيت اما فتيسات التسعينات فهي كهرباء (وحدة تحكم الكترونية) ، و علي فكرة اعطال الفتيسات الاوتوماتيك بتاعت الثمانينات مش كثيرة زي ما انت متخيل بس انت جرب الفتيس و شوفه بيجيب كل الغيارات ام لا و كذلك نعومة الغيارات و قوة السحب و ان كنت انصح بالمانيوال افهم من كده المانيوال افضل ولا الاتوماتيك ولو الفتيس الاتوماتيك باظ يكلف كام تصليح او استيراد ؟ و ملحوظاتي علي الموديلات اللي سيادتك اقترحتها كالاتي سيفيك 82 عربية اقتصادية في البنزين و ناعمة في المشي موتور 1300 ضعيف علي السيارة (مش عارف اخبارها ايه في المانيوال) في منها كثير بمواتير 1500 سي سي و بيقولوا عليها زي الفل واطيه علي الارض ( انسي موضوع 5 افراد و شنط و بتاع ) هيه اخرها اثنين قدام وواحد في الكنبة او اثنين بالكثير و هتلاقيها وطيت جامد منك و هتحك في 99% من المطبات صالونها ضيق نسبيا قطع غيارها الخارجية في الملموم (فانوس خلفي 55 ج و فانوس امامي 30 ج و شبكة امامية 130 ج ) هيا اكتر واحدة عاجبانى بالنسبة للشكل بس طبعا ماركبتش حاجة فيهم وافهم من كلامك انها ماتتجابش اقل من 1500 سيفيك 84 (أنا لم أجربها و لكن بالخبرة كده) صالون اوسع و شنطة اكبر معظم مواتيرها 1500 سي سي نفس تكنولوجيا الـ 83 و دي زي ما قولت بيشكروا فيه جدا شكلها اشيك من الـ 83 أعلي من الـ 83 يعنى ممكن تحمل فيها ؟ الاكورد طبعا اكبر بكثير و اوسع موتور 1600 أو 1800 (أداء مختلف تماما) عاليه عن الارض نسبيا عفشة حديد و تستحمل السفر استهلاك بنزين كبير نسبيا داخل المدينة بالذات لو اوتوماتيك و مكيفة بس تستاهل في نظير الثبات و القوة و السعر المناسب مقابل كل الكماليات دي. طيب لو مكيفة ومش اتوماتيك تبقى عادى ف البنزين ؟ وهل افهم من كده انها افضل واحدة لموضوع التحميل ؟ و نصيحتي لسيادتكم ان تشتري عربية بيتي نمرة واحد و يا ريت تكون اكورد طبعا و عموما ياريت تشرفني بالدخول علي اللينك التالي هتلاقي فيه بعض المعلومات الجيدة و اراء الزملاء ممكن تساعدك :- http://www.masrmotors.com/vb/showthread.php?t=22486 و مبروك مقدما و تقبل تحياتي

المشاركة الأصلية كتبت بواسطة mostafakamal والله أنا مش فاكر أسعار قطع الغيار قوي لأن كل فين وفين لما بشتري، ما تقلقش من أسعارها عشان سعرها والله العظيم معقولة مش غالية قوي، وزي ما قولتلك أشتريت الموتور والفتيس بحالة ممتازة لم يفتح قبل كده بـ 1500 جنيه وسبت الموتور القديم، وفيه قطع غيار تويوتا تمشي مع الهوندا زي ما أنا عرفت

هوا 1500 سعر ممتاز ماشفتهوش فى ال128 حتى وايه التويوتا اللى يمشى عليه ؟

[mostafakamal]

خلي بالك أنا سبت الموتور القديم ودفعت 1500 يعني الفلوس وعليها الموتور القديم، أما موضوع قطع غيار التويوتا فواحد قالي على الموضوع ده بس مجربتش لكن هو قالي المارش والدينامو وجميع السيور والفلاتر، اما الجوانات وغيرها وتكاليف العمرة هي رخيصة إلى حد كبير، بس السؤال اللي عايز أعرف إجابته هو هل السيارة على شاسيه أم علب وأنا هأطرح السؤال ده في موضوع يمكن حد يعرف يفيدني تصدق العربية معايا من خمس سنين وما أعرفش على شاسيه ولا علب

[hossamhussein0]

المشاركة الأصلية كتبت بواسطة mostafakamal خلي بالك أنا سبت الموتور القديم ودفعت 1500 يعني الفلوس وعليها الموتور القديم، أما موضوع قطع غيار التويوتا فواحد قالي على الموضوع ده بس مجربتش لكن هو قالي المارش والدينامو وجميع السيور والفلاتر، اما الجوانات وغيرها وتكاليف العمرة هي رخيصة إلى حد كبير، بس السؤال اللي عايز أعرف إجابته هو هل السيارة على شاسيه أم علب وأنا هأطرح السؤال ده في موضوع يمكن حد يعرف يفيدني تصدق العربية معايا من خمس سنين وما أعرفش على شاسيه ولا علب

الدينامو اه أنا كنت مركب دينامو نيسان كبير في السيفيك 82 علشان يلاحق علي الشحن مع حمل التكييف لان الديناموي الاصلي بتاعها كان تغير قبل كده وراكب واحد امبيره ضعيف ،،، و علي فكرة الدينامو ده اسهل حاجة تتوفق المهم طنبورة السير تبقي نفس الشكل (كنزة أو عريضة ) أما خوصة التثبيت في الموتور فدي امرها سهل و ممكن تتفصل عند حداد نظيف أما المارش فالله اعلم ممكن يتوفق ولا لأ
بس اعتقد انه صعب.

و الهوندا عموما علي علب بس علب ايه حاجة ثانية خالص غير الفيات وهي قوية و متينة لدرجة انك تنسي الموضوع ده خالص (بس ده طبعا لو كانت فبريكه و مفيش حد لعب فيها ) و علي فكرة 80% من العربيات الهوندا هتلاقيهم دواخل فبريكة و صالون فبريكة و نادر جدا لما تلاقي واحدة مثلا كان فيها بارومة دواسات و اتعملت قبل كده و ده ناتج علي حسن معالجة الصاج و كمان جمال التصميم و بالطبع جودة المكونات .

[hossamhussein0]

المشاركة الأصلية كتبت بواسطة didos اولا الف الف الف الف شك عل الردود الجميلة دى

العفو انا في خدمتك دائما و اسمح لي بتنسيق الاستفسارات و الردود حتي يتثني للجميع المتابعة

المشاركة الأصلية كتبت بواسطة didos سعر الموتور وفقا لافادة احد الزملاء : هوا 1500 سعر ممتاز ماشفتهوش فى ال128 حتى وايه التويوتا اللى يمشى عليه ؟

بص طبعا طالما الزميل قال كده يبقي ده حصل معاه بدون شك بس انا باتكلم بناء علي معلوماتي الشخصية و خبرتي في 35 عربية ركبتهم فانا اعرف ان موتور الـ 128 بيعمل 2000 - 2500 ج + القديم

المشاركة الأصلية كتبت بواسطة didos العفشة : طيب اذا كان المساعدين اللى هما اغلى حاجة كدا عاملين 2*600 = 1200 امال ال 1800 الباقى دول ايه يعنى معقول مقصات وبيضات وجلب بالكلام ده ؟

فعلا الحاجات دي غاليه و انت كمان نسيت بارات الدركسيون و بلي العجل و طبعا البيض و الجلب و كاوتش الميزان و بطاحات المساعدين العلوية و المصنعيات ، ده انا كنت مغير بلي عجل خلفي في السيفيك 82 كان بحوالي 250 ج لوحده و كمان كاوتش الميزان كان الواحدة بحوالي 25 ج و بيض المقصات كان برضه غالي بس مش فاكر بكام و جلب العفشة كانت الواحدة باين بـ 40 ج

المشاركة الأصلية كتبت بواسطة didos افهم من كده المانيوال افضل ولا الاتوماتيك ولو الفتيس الاتوماتيك باظ يكلف كام تصليح او استيراد ؟

الموضوع نسبي علي حسب رغبتك انت ، المانيوال بيعطي عزم اكبر وتسارع اكبر و استهلاك بنزين اقل "طبعا اذا كانت قيادتك معتدلة" ،،، و الاوتوماتيك أكثر راحة و رفاهية و لو كان سليم و محطوط له زيت نظيف (موبيل) هتبقي مشاكلة تكاد تكون منعدمة

و انا بصراحة ما احتجتش اني اصلح لاي من سياراتي الهوندا فتيس من قبل و لم استبدله حتي و لكنني اعتقد ان ثمنه استيراد لن يقل عن 1500 - 1700 ج ده للموديلات الثمانينات اللي بنتكلم عنها في تلك المشاركة

المشاركة الأصلية كتبت بواسطة didos

المشاركة الأصلية كتبت بواسطة didos السيفيك 82: هيا اكتر واحدة عاجبانى بالنسبة للشكل بس طبعا ماركبتش حاجة فيهم وافهم من كلامك انها ماتتجابش اقل من 1500

نعم ذلك هيكون افضل لو مكيفة عموما و بالتاكيد لو كمان كان فتيسها اوتوماتيك اما لو كانت مانيوال و فاضيه يبقي 1300 هيبقي ممتاز جدا عليها

المشاركة الأصلية كتبت بواسطة didos السيفيك 84 : يعنى ممكن تحمل فيها ؟

نسبيا اه بس مش زي الاكورد

[mostafakamal]

المشاركة الأصلية كتبت بواسطة hossamhussein0 الدينامو اه أنا كنت مركب دينامو نيسان كبير في السيفيك 82 علشان يلاحق علي الشحن مع حمل التكييف لان الديناموي الاصلي بتاعها كان تغير قبل كده وراكب واحد امبيره ضعيف ،،، و علي فكرة الدينامو ده اسهل حاجة تتوفق المهم طنبورة السير تبقي نفس الشكل (كنزة أو عريضة ) أما خوصة التثبيت في الموتور فدي امرها سهل و ممكن تتفصل عند حداد نظيف أما المارش فالله اعلم ممكن يتوفق ولا لأ بس اعتقد انه صعب. و الهوندا عموما علي علب بس علب ايه حاجة ثانية خالص غير الفيات وهي قوية و متينة لدرجة انك تنسي الموضوع ده خالص (بس ده طبعا لو كانت فبريكه و مفيش حد لعب فيها ) و علي فكرة 80% من العربيات الهوندا هتلاقيهم دواخل فبريكة و صالون فبريكة و نادر جدا لما تلاقي واحدة مثلا كان فيها بارومة دواسات و اتعملت قبل كده و ده ناتج علي حسن معالجة الصاج و كمان جمال التصميم و بالطبع جودة المكونات .

شكرا على المعلومات وعلى فكرة أنا اشتريت الموتور كامل يعني بالفتيس استيراد وبالورق بتاعه وثبته على الرخصة وأي حد عايز رقم التاجر اللي اشتريت منه فأنا معايا رقم التليفون، وأحب أقولك أن العربية 1300 سي سي ومكيفة ولا تأثير على الموتور من التكيف والتبريد كويس جدا، بالنسبة للعفشة انت معاك حق العربية معايا من سنين ومعملتش ولا مرة ضبط زوايا لأنها سليمة