وداعا لجشع التجار ،، قطع غيار اكورد 85 - 89 واردة السعودية باسعار تحفه

[DR_ALIMO]

انا مش عارف اشكرك ازاى فعلا سرد مفيد جدا
بس سؤالين
هل قطع الغيار متوفرة وسهلة فى الصيانة خصوصا لو مكان العربية مش منتشرة فيه
وهل هى عملية فى موضوع الشوارع الترابية والمطبات الغشيمة ولا الريجاتا والبيجو 504 افضل
وشكرا

[luckyman]

المشاركة الأصلية كتبت بواسطة hossamhussein0 بص يا باشا ،،، الاسعار دلوقتي في الارض العربيات دي ممكن تلاقي منها من أول 25 الف الي 35 الف حسب الحالة و الكماليات ،،، و انا هوصفلك عربيتي باستفاضه لعل و عسي تفيدك في المقارنة و استشفاف الاسعار الموديل: سيدان 4 باب سنة الصنع 88 البودي الخارجي : مرشوش من الخارج النصف التحتاني و حالة الدهان كويسة بس الاكصدامات بها تقشير و تحتاج لرش و فيها خربوش واحد في الباب الخلفي يمين يحتاج سمكرة و دهان،، باكيتات الابواب بتوع الفبريكة و كذلك دلايات المياه بتوع الفبريكه برضه الدواخل : فبريكة بالكامل زي ما قال الكتاب ما عدا الشنب الامامي و جزء من عضم الكبوت من الداخل ( حوالي 20 سم × 20 سم) كان به عضعضة ناتجة عن استعدال علي البارد لصدمة امامية خفيفه من المالك اللي قبلي الصالون: فبريكه حتي انوار الابواب و كل شئ ،، و كان كل اللي فيه هوه ان فرش السقف بدأ في الوقوع من المنتصف الميكانيكا الموتور 1800 سي سي جيد و استاندر و لم يتم فتح من قبل و كان كربراتير مش انجيكشن و كذلك الفتيس (اوتوماتيك 4 غيار للامام + كيك داون) و لكن الاداء العام مش قد كده "بنزين كثير بالذات مع التكييف و داخل المدينة و الجري و السحب ابطأ من العربيات الجديدة" علشان الفتيسات القديمة "ضغط زيت مش كهرباء" بتستنفذ قدر كبير من عزم الموتور و كمان كانت عاوزة ريداتير جديد. العفشة حالتها متوسطة ،،، يعني لو واحد ركيب و بيفهم قوي هيغير80% منها في خلال 6 شهور مثلا ، اما لو حد مكبر دماغه و كان راكب قبل كده عربية متواضعة شويه فهيفرح بيها جدا و مش هيعمل فيها حاجة و لو سألته علي العفشة هيقول زي الفل الكماليات تكييف تاتش (ثلاجة في السرعة العالية) و اداء متواضع في السلانسيه - باور (أحلي و اقوي باور شوفته في حياتي) - 4 زجاج ك - فتحة سقف ك (الزجاج الاصلي و لكن به شرخ خفيف جدا و غير مؤثر تماما) - مثبت سرعة - تعديل القطمة - اريال كهرباء بايونير "بتاع الفبريكة" بس موتوره محروق - كاسيت و سماعات صيني - تعديل مقعد السائق في جميع الاتجاهات - مرايات كهرباء و اليمين كانت تالفة من حيث التحكم فيها كهربائيا - 5 جنوط اسبور هوندا الاصلي و بهم 5 فرد كاوتش حالتهم 85% - بطارية جافة ايطالي 70 امبير حالتها 85% سعر الشراء في 2008 39500 جنيه بالفصال ووجع القلب سعر البيع في فبراير 2010 كنت طالب 38000 ج و قعدت 4 شهور و للاسف الناس بتبص علي السعر قبل اي شئ و الدنيا معظمها تجار و ناس فاكرة ان الهيونداي و الهوندا ماركة واحدة و حاجات تجنن ،،،، ptmnlo123per111و بعدين في الاخر علشان انجز بعت فعلا بـ 31000 جنيه و كان فيه ناس بتبيع علي 26 و 27 بس تكييفات بايظة ، و بدون فتحة سقف و عربيات متهانة شويه مش زي حالة عربيتي و فيه ناس برضه معاهم عربيات نظيفه و ماسكين علي 35 و مش مستعجلين في البيع.

سرد تمام امين واقعى اشكرك جزيل الشكر انت راجل 100 % واضح لك منى كل الشكر والاحترام

[hossamhussein0]

المشاركة الأصلية كتبت بواسطة luckyman سرد تمام امين واقعى اشكرك جزيل الشكر انت راجل 100 % واضح لك منى كل الشكر والاحترام

العفو يا استاذ / لاكي مان

انت اللي انسان جميل و ذوق ،،، ما احاوله عمله أنا و انت و الجميع هو التواصل مع الاخرين بهدف واحد وهو ببساطة تطبيق لحديث رسول الله ( خيركم من تعلم العلم و علمه ) أو كما قال عليه افضل الصلاة و السلام وانا علي فكرة حجيت بيت الله واديت العمرة ثلاث مرات و الحمد لله علي ذلك و احاول ان اجتهد كباقي الاعضاء الكرام بأن انصح زملائي بكل الحب و الصدق لعل ذلك يفيد بعضهم و يفرج عليكم كربة من كرب الدنيا و مين عارف ممكن يتكتب كعلم ينتفع به و يكون في ميزان حسناتنا جميعا أو ربنا يهدي لنا من ينصحنا في امورنا الشخصية

و اخيرا لكم مني صادق التحيات ،،،

[hossamhussein0]

المشاركة الأصلية كتبت بواسطة DR_ALIMO انا مش عارف اشكرك ازاى فعلا سرد مفيد جدا بس سؤالين هل قطع الغيار متوفرة وسهلة فى الصيانة خصوصا لو مكان العربية مش منتشرة فيه وهل هى عملية فى موضوع الشوارع الترابية والمطبات الغشيمة ولا الريجاتا والبيجو 504 افضل وشكرا

بص يا سيدي الفاضل

أولا عن قطع الغيار

الهوندا عربية متميزة جدا ما بين الياباني كله حتي في قطع غيارها ،، مش هتلاقيها عند محلات بيع قطع الغيار الياباني بس هتلاقيها عند محلات بيع قطع غيار متخصصة في الهوندا و دي طبعا مش منتشرة اوي في كل حته زي باقي الماركات (ياريت تسأل في الحته اللي جوار سكنك)

بس في العموم قطع غيارها معمرة جدااااااااااااااا جدااااااااااااااااااا وموجودة و فيه منها جديد ياباني و جديد تايواني و استيراد (استعمال الخارج) و اسعارها في اللذيذ (اعلي من الفيات طبعا و لكن في منظومة اسعار الياباني) و لا تقارن باسعار قطع الغيار للموديلات الجديدة .

و عن تجربتي الشخصية لثلاث موديلات من انتاج هوندا (سيفيك 88 و سيفيك 82 و اكورد 88 ) يمكنني ان اقول لك ان سعر قطع الغيار تقريبا واحد بين كل الموديلات دي !!!! فعلا انها حقيقة

و فيما يلي امثلة لبعض اسعار قطع الغيار من واقع معلوماتي الشخصية معظمها عن الاكورد 88 ما لم يكتب خلاف ذلك:-

مساعدين أمامي أو خلفي جداد ياباني 500 - 550 ج (ودول اغلي حاجة في العفشة)
فانوس اكورد خلفي كامل (جديد ) 165 ج
فانوس اكورد 85 - 89 أو سيفك 82 امامي تايواني 65 ج
تيل فرامل امامي (الياباني 120 - 130 ج و الفيتنامي 70 - 80 ج "كنت بجيبه وهوه زي الفل") أما الخلفي فكنت بملاه
طقم اويل سيلات و جوانات للموتور كاملة ( 130 - 150 ج للطقم ) صناعة تايواني و الياباني في حدود (200 - 250 ج)
بلي عجل ( 230 - 240 ج للطقم الامامي او الخلفي)
ماسورة مياه تيواني جديدة ( 60 - 70 ج ) و بتاعت الهيونداي اكسيل بـ 110 ج
طقم بوجيهات بوش أو ان جي كي ياباني ( 50 - 60 ج )
طقم صباب موتور (200 ج)
طقم الشنبر ( 150 ج )
طلمبة مياه جديدة ياباني ( 115 ج ) زي بتاعت الـ 127
مراة باب استيراد (كهرباء) 150 ج
كبوت استيراد (400 - 500 ج )
تابلوه استيراد بالعدادات و الضفيرة (600 ج ) " بتاع الاونو 1000 ج "
العدادات العادية لوحدها كمجموعة ( 300 - 350 ج)


و بمعني شمولي اخر


العفشة كاملة جديدة ( مساعدين و بيض و جلب و بارات 2800 - 3000 ج )
طقم شنبر للموتور بالمصنعيات و الزيت و بنزين التليين ( 1000 - 1200 ج )


ثانيا : هل هي عملية مع المطبات و الشوارع الترابية

الهوندا عربية متميزة بتشبهني إن جاز لي التعبير (بالفتاة التي تلفت نظرك في الطريق كده و تقول عليها بنت ناس و عايقة) اللي لما تجوزها كده تمنحك مميزات كثير ووجاهه اجتماعية و شياكة و اسلوب محترم في التعامل و رقي و قوة في الاداء و طبعا بتطبخ و تنظف البيت و كل الاحتياجات الاخري هي دي الهوندا (قوة الاحلام)ptmnlo123per171 ،،،،

بس يبقي حرام عليك انك تطلب منها ما لا طاقة لها به يعني تبهدلها في طرق مدقات مثلا كل يوم أو تبخل عليها بتوفير قطع الغيار اللي تحتاجها أو توديها لميكانيكي امكانياته ضحلة و كبيره 128 مثلا او تحطلها زيت التعاون ابو 30 ج ptmnlo123per195،،،،

العربيات مثلها كمثل اي معدة ميكانيكية لازم تعملها صيانة مضبوطة علشان تديك اداء كويس و عمر طويل ولو قصرت معاها في الصيانة تبقي اكيد هتقصر معاك في الاداءptmnlo123per1106،،

و من اكثر الموديلات نجاحا هي الاكورد 82 - 84 كما اوصي لك بها زميلنا العزيز لانها تجمع ما بين القوة و الحجم العائلي الكبير و الشاسيه المتين و السعر المناسب و الامان في السفر و خاصة انه سوف يكون بالنسبة لك متكرر الي حد كبير ptmnlo123per1140

واتمني ان يوفقك الله في ان تجد واحدة بس تكون حالتها كويسة اصلا علشان العربيات دي ما تتجبش لو تعبانهptmnlo123per1135

مع تحياتي

[hossamhussein0]

ايه يا جدعان محدش هينفعنا و لا ايه ptmnlo123per111