وداعا لجشع التجار ،، قطع غيار اكورد 85 - 89 واردة السعودية باسعار تحفه

[hossamhussein0]

عزيزي لاكي مان

طبعا اشكر لك كثير الشكر علي تكرمك بالمرور علي مشاركة عضو مستجد زي حلاتي ،،، انا معجب كثيرا بارائك في كثير من المواضيع بالمنتدي و اعتقد كده من اسلوبك انك راجل دارس عربيات كمان (هندسه يعني) ptmnlo123per184،،،

بالفعل العربيات دي بالذات الاكورد هي الافضل علي الاطلاق بالذات (الشكل اللي كنت امتلكها أو الشكل اللي قبله زي عربيتك ) فعلا و حقا طاسة العجل فيها برقبة العربيات الجديدة ،،

كلامك كله مضبوط جدا جدا و يدل علي انك راجل فاهم و ركيب كمان ،، و انا ما كنتش هبيع العربية دي لولا الظروف ptmnlo123per172 خاصة و انها كانت اعلي فئة في الكماليات و كانت فبريكة و كل كمالياتها شغالة و لمست فيها خلال السنتين التي كانت معايا فيهم ، انها جديرة بالاحترام بكل ما تحمله الكلمة من معني ،، ففيها من الجودة و الكماليات ما يندر وجوده حتي في موديلات 2010 ptmnlo123per111

و احب اقول للاعضاء اللي ممكن يكونو بيزورو القسم و ما ركبوش هوندا قبل كده ان العربيات دي محترمة جدا جدا و خصوصا الاكورد ( أنا ركبت اكورد مرة واحدة بس و ركبت موديلين من السيفيك و همه حلوين برضه بس الفرق كبيررررررررررررر ) و هي سيارة كانت في الرخص بسعر 10 فيات فلكم ان تتخيلوا ،، ptmnlo123per1106 فعلا كل مسمار فيها مصنوع بجودة عالية جدا جدا غير باقي الياباني كله ،، و مثالا علي ذلك لكم ان تتخيلوا أن شئ مستهلك زي الصالون مثلا في بلد زي بلادنا لها نصيب الاسد من التلوث و التراب و عوامل التعرية وما شابه كان من الفبريكة (88) وحتي تاريخ البيع فبراير 2010 زي الفل مفيهوش لا قطع و لا كسر و لا تنسيل و لاداب من الشمس و لا حتي لونه اتغير مع العلم بان اولادي لسه صغيرين 7 و 4 سنين ptmnlo123per170و همه اشقياء جدا ptmnlo123per111و كثير من المرات تعرض هذا الصالون لكوارث منهم سواء اثار الاقدام للوقوف علي الكنبة او لاخراج الراس من فتحة السقف و الماكولات و حتي لم تكن تنجوا من تراب البحر اثناء المصيف الا و انه مع النظافة المستمرة كان زي الجديد ،، متخيلين مدي جودة المكونات ؟ بحالته كالجديد بعد 22 سنة استخدام ،،،، فما بالكم بالميكانيكا (اول مرة كانت تغير طلمبة مياه كانت عام 2009 و الموتور استاندر لم يفتح من قبل و العربية ماشية قرب 300000 كم ) و البودي (دواخل فبريكة و سقف فبريكة و بدون بارومة و ده الاهم ) و التصميم الفريد الرياضي للبودي و الانسيابية الكاملة ؟؟؟ العربية دي كانت هوندا عملاها علشان تغزوا بها السوق الامريكية و فعلا في وقتها ابهرتهم بذلك التصميم

العربية دي هي أيضا أول عربية اجري بيها في حياتي علي سرعة 200 كم في وصلة العالمين و انا مطمئن و حاسس انني و اسرتي في امان و العربية شديدة الثبات .

الحمد لله علي كل نعمة و كل حال و ربنا يبارك للي اخذها بس بصراحة هوه اللي كسبها فعلا ،،، أصل اخوكم في الله مدمن عربيات و عندي الرغبة و الميول في التغيير بشكل مستمر (كل سنة او سنتين كحد اقصي) و نفسي اتخلص من الداء ده لانني بخسر فيه كثير ptmnlo123per191و مش عارف ازاي


صور الموديل حتي تعم الفائده و اللي ما يعرفش الموديل ده يبقي عارف احنا بنتكلم علي ايهptmnlo123per122

[dego_story]

شكر ياجماعه على الشرح بس انا عندى استفسار هو الموديل الاكورد85 بكام دلوقتى فى مصر وموديل 86 وشكر ياجماعة عايز حد يفيدنى

[luckyman]

هو مالهوش سوق وسعرة نازل جامد ليس لعيب فى السيارة لكن مصر لها معايير اخرى غير العالم كله ممكن تلاقى الفيات 128 والفيورا مطلوبة جدا 127 وبالتالى سعر السيارة لا يحدد مدى جودتها
لكن فى الاخر والاول مش اى حد يركب العربية الا الناس الركيبة ومثلا فى بلدان زى المانيا تلاقيها مكتسحة السوق ولبنان والاردن وامريكا وكندا والهوندا اللى عملت سمعة كويسة لكل العربيات اليابانى وللحق يقال هى مختلفة فى تصميمها عن كل العربيات كل عربية بالذات من هوندا بطلع كانها بتطلع مخصوص لشخص مخصوص تصدق لو قلت لك انى مش برط العربية ابدا ودة اثبت لى ان العربيات التانية معموله من مسامير وصواميل بجودة سيئة او عادية فعلا فى حاجات اسمها راحة البال انا ما شفتهاش الا فى الهواند والله حتى السرعات العالية مش بتحس انك ماشى بسرعة والعربيات الجديدة بتتحسر لما تحاول تشد معايا بيعرفوا حجمهم مهما اتكلم واشرح فعلا سيارة للناس المتطلبة
وشوف مثلا الكورولا والصانى واللانسر مع احترامى لهم مع نفس فئة السيفيك لكن عند المقارنة العربية فوق مستوى المنافسة يتنافسوا هما مع بعض للصبح لانها تكنولوجى تانى خالص وهوندا من الشركات اللى مش طلعت واحدة واحدة من بداية انتاجها وهى فعاله لان مهندسين الطائات الحربية اليابانية بعد هزيمة واستسلام اليابان التحقوا بالعمل لدى هوندا وهذا يفسر سر التقنية المتقدمة والفكر الابداعى تماما كما فى التجربة الالمانية سيارات بديعة وجامدة وقوية لكن لما نتكلم عن بى ام دبليو يعنى بتتكلم عن تقنية مختلفة خالص بتتكلم اداء جبار فى جميع الموديلات حتى لو كانت سيارة سيدان عادية معندهمش عربية اداء رياضى واخرى سياحية كل سياراتهم بنفس وروح رياضية ربما تختفى وراء مظهر سيارة ركاب حتى المتعة فى القيادة منفرد وتلاقى مثلا بى ام دبليو بتصنع موتسكيلات او درجات نارية بديعة وكذلك الحال لدى الهوندا فعلا هوندا يعنى قوة الاحلام خالص امنياتى انك تقتنى واحدة ودمت سالما

[luckyman]

hossamhussein0 اشكرك اخى العزيز على مداخلتك الرائعة واسلوبك المبهر وانا مش من طبعى الشكر والمدح والانحياز لسيارة ما لكن للحق والحق يقال انا لا اهول واللى ركب هوندا يعرف الكلام دة كويس ومعظم المصريين بيركبوا السيفيك من الهوندا محل بقى لو فكروا يركبوا الاكورد اداء مختلف وعالى وعلى فكرة اللى يركب هوندا ينزل منها علشان يغير لهوندا برضة صعب انة يرضى بشىء تانى
بس الغلطة الوحيدة هى هوندا سيتى سيارة جميله وممتازة بس لا تليق باداء هوندا المبهر سبحان الله كل شىء بتمنة اتمنى ان هوندا تفضل تصنع سيارات من النوع التنفيذى المميز ذو نكهة خاصة ولا تحيد عن هذا المبدا ولك منى فائق الشكر والاحترام ودمت بخير وود

[hossamhussein0]

المشاركة الأصلية كتبت بواسطة dego_story شكر ياجماعه على الشرح بس انا عندى استفسار هو الموديل الاكورد85 بكام دلوقتى فى مصر وموديل 86 وشكر ياجماعة عايز حد يفيدنى

بص يا باشا ،،،

الاسعار دلوقتي في الارض العربيات دي ممكن تلاقي منها من أول 25 الف الي 35 الف حسب الحالة و الكماليات ،،، و انا هوصفلك عربيتي باستفاضه لعل و عسي تفيدك في المقارنة و استشفاف الاسعار


الموديل: سيدان 4 باب سنة الصنع 88

البودي الخارجي :
مرشوش من الخارج النصف التحتاني و حالة الدهان كويسة بس الاكصدامات بها تقشير و تحتاج لرش و فيها خربوش واحد في الباب الخلفي يمين يحتاج سمكرة و دهان،، باكيتات الابواب بتوع الفبريكة و كذلك دلايات المياه بتوع الفبريكه برضه

الدواخل :
فبريكة بالكامل زي ما قال الكتاب ما عدا الشنب الامامي و جزء من عضم الكبوت من الداخل ( حوالي 20 سم × 20 سم) كان به عضعضة ناتجة عن استعدال علي البارد لصدمة امامية خفيفه من المالك اللي قبلي


الصالون:
فبريكه حتي انوار الابواب و كل شئ ،، و كان كل اللي فيه هوه ان فرش السقف بدأ في الوقوع من المنتصف


الميكانيكا
الموتور 1800 سي سي جيد و استاندر و لم يتم فتح من قبل و كان كربراتير مش انجيكشن و كذلك الفتيس (اوتوماتيك 4 غيار للامام + كيك داون) و لكن الاداء العام مش قد كده "بنزين كثير بالذات مع التكييف و داخل المدينة و الجري و السحب ابطأ من العربيات الجديدة" علشان الفتيسات القديمة "ضغط زيت مش كهرباء" بتستنفذ قدر كبير من عزم الموتور و كمان كانت عاوزة ريداتير جديد.


العفشة
حالتها متوسطة ،،، يعني لو واحد ركيب و بيفهم قوي هيغير80% منها في خلال 6 شهور مثلا ، اما لو حد مكبر دماغه و كان راكب قبل كده عربية متواضعة شويه فهيفرح بيها جدا و مش هيعمل فيها حاجة و لو سألته علي العفشة هيقول زي الفل


الكماليات
تكييف تاتش (ثلاجة في السرعة العالية) و اداء متواضع في السلانسيه - باور (أحلي و اقوي باور شوفته في حياتي) - 4 زجاج ك - فتحة سقف ك (الزجاج الاصلي و لكن به شرخ خفيف جدا و غير مؤثر تماما) - مثبت سرعة - تعديل القطمة - اريال كهرباء بايونير "بتاع الفبريكة" بس موتوره محروق - كاسيت و سماعات صيني - تعديل مقعد السائق في جميع الاتجاهات - مرايات كهرباء و اليمين كانت تالفة من حيث التحكم فيها كهربائيا - 5 جنوط اسبور هوندا الاصلي و بهم 5 فرد كاوتش حالتهم 85% - بطارية جافة ايطالي 70 امبير حالتها 85%


سعر الشراء في 2008

39500 جنيه بالفصال ووجع القلب


سعر البيع في فبراير 2010

كنت طالب 38000 ج و قعدت 4 شهور و للاسف الناس بتبص علي السعر قبل اي شئ و الدنيا معظمها تجار و ناس فاكرة ان الهيونداي و الهوندا ماركة واحدة و حاجات تجنن ،،،، ptmnlo123per111و بعدين في الاخر علشان انجز بعت فعلا بـ 31000 جنيه و كان فيه ناس بتبيع علي 26 و 27 بس تكييفات بايظة ، و بدون فتحة سقف و عربيات متهانة شويه مش زي حالة عربيتي و فيه ناس برضه معاهم عربيات نظيفه و ماسكين علي 35 و مش مستعجلين في البيع.