استفسار من خبراء مازدا 323

[luckyman]

كفاية عذاب والله عذاب العربية ربنا سخرها لنا علشان نرتاح مش ضغط عصبى ونفسى وعضلى الخ وبعدين الواحد لما يكون رايح مشوار يوصل وهو محافظ على نفسة مش كانة جاى زاحف وعرقان وبهدله لكل وقت اذانة

[mansoub504]

المشاركة الأصلية كتبت بواسطة luckyman كفاية عذاب والله عذاب العربية ربنا سخرها لنا علشان نرتاح مش ضغط عصبى ونفسى وعضلى الخ وبعدين الواحد لما يكون رايح مشوار يوصل وهو محافظ على نفسة مش كانة جاى زاحف وعرقان وبهدله لكل وقت اذانة

انا معاك انها بتعذب لكن الحمد لله لما بجيب عربية قديمه بخليها مش ناقصها حاجه غير التكييف بس احلي حاجه في العربيات القديمه انا الواحد بيبقي فاهمها اكتر من الجديد اللي بحث اني بكلم واحد اخرس مش بيقدر يعبر عن اللي جواه

[مهند سالم]

بص يا أستاذي أرجو ما أكونش متأخر في الرد، المسألة نسبة وتناسب واحتياج، لو إنت بتسافر كثير يبقى المازدا طبعا أفضل، وأنا بأتكلم عن ثقة لأني معايا مازدا 323 موديل 1982، وبصراحة أسهل ما يكون إني أجيب بيها 140، عربية ناعمة وثابتة وسحبها جميل واستهلاكها للبنزين حلو، وقطع غيارها مش غالية ولا حاجة هي متوسطة السعر، يعني على سبيل المثال، سير الكاتينة الياباني الجديد ب60 جنيه، الإكصدام الأمامي أو الخلفي الياباني الجديد ب200 جنيه الواحد، طقم الشانبر الياباني ب110 جنيه، طقم الصبابات الياباني 165 جنيه، البلية بتاعتها ب50 جنيه الياباني، طبعا هما بليتين مش بلية واحدة، بليتين لكل عجلة، يعني الأسعار في المتوسط أما بالنسبة للاستيراد فبرده سعره كويس، أنا سألت قريب على طقم بيبان فبريقه فقالوا ب650 جنيه، الدينامو جايبه استيراد ب135 جنيه، وكذا المارش، ماتور المساحات جايبه ب70 جنيه، وهكذا، أما بالنسبة للفيات 131 فأنا أعرف إنها جميلة وما حدش بيشتكي منها، لكن الفيات عموما أضعف من الياباني وبرده الياباني أنعم وسحبه أجمل، وليك الاختيار، ولو عربيتك مريحاك نصيحتي خليك فيها؛ لأنك ببساطة عرفت أولها وآخرها وبقت سهلة عليك، وشكرا وتقبل مروري

[iskandranee]

فى العربيات القديمة العفريت اللى تعرفه احسن من اللى ما تعرفوش
انا معايا مازدا ٣٢٣ ومطلعا عينى و مش كتير يفهموا فيها خصوصا الكهربا

[zadgo]

المشاركة الأصلية كتبت بواسطة مهند سالم بص يا أستاذي أرجو ما أكونش متأخر في الرد، المسألة نسبة وتناسب واحتياج، لو إنت بتسافر كثير يبقى المازدا طبعا أفضل، وأنا بأتكلم عن ثقة لأني معايا مازدا 323 موديل 1982، وبصراحة أسهل ما يكون إني أجيب بيها 140، عربية ناعمة وثابتة وسحبها جميل واستهلاكها للبنزين حلو، وقطع غيارها مش غالية ولا حاجة هي متوسطة السعر، يعني على سبيل المثال، سير الكاتينة الياباني الجديد ب60 جنيه، الإكصدام الأمامي أو الخلفي الياباني الجديد ب200 جنيه الواحد، طقم الشانبر الياباني ب110 جنيه، طقم الصبابات الياباني 165 جنيه، البلية بتاعتها ب50 جنيه الياباني، طبعا هما بليتين مش بلية واحدة، بليتين لكل عجلة، يعني الأسعار في المتوسط أما بالنسبة للاستيراد فبرده سعره كويس، أنا سألت قريب على طقم بيبان فبريقه فقالوا ب650 جنيه، الدينامو جايبه استيراد ب135 جنيه، وكذا المارش، ماتور المساحات جايبه ب70 جنيه، وهكذا، أما بالنسبة للفيات 131 فأنا أعرف إنها جميلة وما حدش بيشتكي منها، لكن الفيات عموما أضعف من الياباني وبرده الياباني أنعم وسحبه أجمل، وليك الاختيار، ولو عربيتك مريحاك نصيحتي خليك فيها؛ لأنك ببساطة عرفت أولها وآخرها وبقت سهلة عليك، وشكرا وتقبل مروري

لو سمحت كنت عاوز اعرف انت بتجيب حاجتها الاسيتراد منين؟؟
انا معايا مازدا برده وكنت عاوز اجيبلها شوية حاجات