سيفيك مركونة من زماااااان جرالها ايه

[didos]

المشاركة الأصلية كتبت بواسطة NicEgypt استاذى العزيز تأكد ان الصاج العربية " body " مليان برومة بنسبة على الاقل 95 % .. مش عايز احبطك واقولك ان الصاج كلة مينفعش بمليم وانها فعلا " مشنة " وان حضرتك تبعد عنها احسن لان مفهاش توفير .. اولاَ اقل نص دلوقت لسيارة فيات حسب منا سألت لقيتة بـ 4 الالاف ج ومع الفصال 3.5 القصة دى كانت مع صديق .. تلاتة ونص فى نص فيات فما بالك من السيفيك اللى عايزة نصين وعفشة وخلافة .. غير كدة عندك فيلم طويل فى المرور للاثبات الموتور الجديد اللى هيتسقط لها دانا عملت بس عمرة للموتور والفتيس وركبت عفشة جديدة شديت ف شعري والله ومبقتش طايق نفسى من اخطاء الصنيعية ومن اللا مبالاة وتفضل تجري ورا دة وتزعق لدة فيلم هندى .. فمـا بالك من سيارة بتعملها من الصفر ؟؟؟ انت لو حسبتها بالعقل لو قلنا نص امامى بـ 3 الالاف ج ودى مستحيلة ونص خلفي 3 يبقى المجموع = 6 الالاف ج .. ضيف عليهم سمكرة من الصفر بألف ج ودى باردو مستحيلة اسعار قليلة وخيالية مش هتلاقيها اصلا بس بنقول مثلا = 7 الالاف ج الموتور والفتيس حسبة 3.5 = 10.500 العفشة مش هتقل عن ألفين وانت طالع = 12.500 كهربة وميكانيكى وبوهيجي = 3000 = 15.500 .. محتاج قطع غيار طبعا كتير ومحتاج جوز رفارف وحاجات كتير هتلاقيها طلعت لك .. العربية الماشــية بتفتح بقهاااا فما بالك من عربية واقفة .. قول 3000 لاي ظروف وقطع غيار غريبة تظهر لك ف النص 18.500 .. ترخيص وورق وخلافة مش اقل من ألف ج = 19.500 حضرتك دخلت ف العشرين مرتاح وهتعدى العشرين ألف لان الاسعار اللى كتبتها فيها كتير خيالى وقليل جداَ وغير واقعى .. السيارة اصلا بكام ؟ عارف لو بـ 35 ألف مثلا ؟ يعنى فرق 15 ألف؟ هروح اجيبها واريح دماغى من القصة دى كلها صح ؟ " النقطة الاهم : " الاعضاء كلهم هنا اجمعــوا على انك تنساها مش فرد او اتنين .. لاء شوف عدد المشاركات اللى بتقول ابعد قد اية واحسبها كويس ؟

هوا اولا اهلا بيك
ثانيا انا سالت النهاردة لقيت ان حاجتها مش متوفرة فى اسكندرية قوى لذلك لو لقيتها مركونة من اكثر من سنتين هاصرف نظر تماما انما لو دايرة وشغالة ممكن نحسب تكلفتها مع العلم ان العربية دى كبيرها 10 اساسا ده لو جابتهم
ثالثا ليا ملحوظة علشان حضرتك ان قطع الغيار فى الاستيراد فيها تفاوت رهيب فى الاسعار وانا لما قلت نصين (ده عموما لاى عربية فيها شغل كتير ) ما كنش قصدى الصاج بس قصدى نصين كاملين
وخد عندك مثال خالى كان معاه بولونيز عامله حادثة ومحتاجة تغيير نص رحنا سالنا على نص بولونيز صاج بس 1800 ج والموتور بالفتيس 3000 ولو النص شامل كامل 8000 المهم رحنا لواحد بيبيع انصاص كاملة مش قطاعى لقينا النص موديل 2001 ب 3500 !
شامل كامل موتور وفتيس وعفشة وصاج وتابلوه وطنابير وجنوط وقطمة وكل حاجة وحالة زى الفل وورق سليم واعرف واحد راح جاب موتور بالفتيس من بورسعيد ب 1500 جنيه حالة ممتازة ونفس الموتور في اسكندرية بدون فتيس 2500 وغالبا كام شهر ويحتاج طقم شنبر

[hossamhussein0]

المشاركة الأصلية كتبت بواسطة didos هوا اولا اهلا بيك ثانيا انا سالت النهاردة لقيت ان حاجتها مش متوفرة فى اسكندرية قوى لذلك لو لقيتها مركونة من اكثر من سنتين هاصرف نظر تماما انما لو دايرة وشغالة ممكن نحسب تكلفتها مع العلم ان العربية دى كبيرها 10 اساسا ده لو جابتهم

انت كده جبت المفيد ،،، السيفيك الجيل الاول عربية مش مرغوبة اصلا و فيه بينها و بين الجيل الثاني فرق كبير ، و عموما معظم ملاك الجيل الاول طلعان عنيهم في قطع الغيار اصلا

فالموضوع مش مستاهل

و علي فكرة اقول لك علي اللي احسن من ده كله و تقريبا في حدود نفس المصاريف و تقريبا سعر قريب جدا برضه

روح اشتري هوندا اكورد موديل 83 - 85

عربية ممتازة و كبيرة و قوية جدا و سعرها دلوقتي ممتاز (بتعمل من 17 الي 20 الف) و قطع غيارها قريبة جدا للسيفيك و موجودة في كل حته


و عموما الجيل الثاني (من سنة 80 الي 83) بيعمل دلوقتي من 14 - الي 19 حسب السنة و الكماليات و الحالة و انا كنت لسه شايف اعلان عن واحدة 83 سيدان لسه مشدوده و الراجل كان بيتكلم في 16 من بقه ،، يعني ممكن جدا توصل 15 - 14.5 و هتبقي ميه ميه حتي يا سيدي لو طلع فيها شوية شغل بـ الفين ثلاثة هتبقي مناسبة

و علي فكرة الاعلان علي مصراوي

[hossamhussein0]

و أقولك كمان علي حاجة احسن و احسن

روح اشتري هوندا اكورد الجيل الثاني (83 - 85) العربية دي ممتازة و جبارة و كماليات كثيرة و شديدة وكبيرة و عضمها ناشف و كمان سعرها ممتاز ، (من 17 الي 20 الف ) و ممكن كمان تلاقي الهاتش باك بتاعها في حدود 15 - 17 و قطع غيارها تقريبا بنفس سعر قطع غيار السيفيك و كل جنيه فيها حلال

[m_elmasoudy]

فعلا بلاش المركووووووووووووون