تجربتى السعيدة الحزينة مع سبيركار

[tarek bahgat]

يوم الجمعة الماضي رحت فرع الشيخ ريحان أنا و المدام بعربيتى speranza M11 الفضي اللي لسه مستلمها من يومين لتركيب فرش ودواسات للارضية والشنطة.. وهناك قابلت مجموعة منى الشباب الرائع وعلى رأسهم الاستاذ أمير.. أدب ايه ..وذوق ايه..ومعاملة ايه..والله مش عارف أشكر الناس دى أزاى على حسن معاملتهم ورحابة صدرهم واحترافهم فى عملهم.. أما بالنسية لأمير..فهو شاب يفرح والله..وأنا أتمنى ابنى يطلع زيه
حاجة مهمة عاوز أحزر اعضاء المنتدى منها وهى أن لا يغلطوا غلطتى ويتركوا مفتاح العربية مع عمال الجراج حيث تسبب ذلك فى حدوث خبطة شكلها وحش قوى فى الرفرف اليمين والاكصدام الامامي بعد أن غيروا وضع العربية في الجراج وأنا مش موجود معاهم..وبالطبع لم يقل لى اى واحد ما حدث ولم اكتشفها الا بعد أن ذهبت للمنزل..قدر الله وما شاء فعل..ومنه لله اللي تسبب فى ضياع فرحة العربية الجديدةptmnlo123per144

الف مبروك الاول علي العربية والاكسسوارت وبجد حاجه تحرق الدم انك تلاقي واحد جارحلك العربية والموضوع ده يعلم اي حد انه ميديش مفتاح عربيته لجنس مخلوق لان العربية ديه زي المدام بالظبط مينفعش تديها لحد

[بدر بسيونى]

قدر الله وماشاء فعل والحمد لله على كل شئ وربنا يباركلك فيها ويكفيك شرها وشكرا للتوعية

[SpareCar]

شكرا جدا انا معملتش غير الواجب ودى شركتك ابل ما تكون شركتى
وشكرا لتعاملك معنا
وتم التحقيق فى الموضوع وتم جذاء قاسى للمشؤل
وبما ان هضرتك شفتها لما روحت البيت ممكن متكونش مننا ومع ذلك احنا مستعدين لاى حاجة تطلبها سبير كار فى خدمة حضرتك

[khaled al sharif]

سبير كار شركة محترمة وفيها ناس ملتزمين كتير .... وسرعة رد الأستاذ أمير شيء طيب .. بس إسمح لي رد متناقض ... منين تم التحقيق في الموضوع وتوقيع الجزاء المناسب علي المتسبب ومنين ممكن متكونش من عندكم ... في رأي تكلمة سرعة الإستجابة الطيبة وللحفاظ علي سمعة الشركة كان ينبغي أن تتحمل الشركة تكاليف الإصلاح ... أنا والله ما أعرف صاحب السيارة ولا عمري شفته ... ولكن يا جماعة لازم نحترم بعض مفيش واحد ها يدعي علي حضراتكم مثل تلك الموضوعات ولا يكون خبط عربيته في السكه وهو مروح وناسي .... من أتلف شيء فعليه إصلاحه ولا ضرر ولا ضرار....وشكرا....... كلمة حق