خطوة بخطوة اصنع تربو سوبر شارجر كهربى لسيارتك - للمحترفين فقط

[sherif sadeek]

السلام عليكم
هى دى الموضوعات ولا فلا واضح انك متمكن جدا شكرا وجعله الله فى ميزان حسناتك واوعى تفكر ابدا فى الالغاء.

[ramy safwt]

المشاركة الأصلية كتبت بواسطة Abanoub issac طيب سؤال بالشبه كده ... معظم العربيات الي بتنزل مزوده بتربو شارجر فابريكا زي الفولكس مثلا والبيجو .. بتحتاج بنزين 95 ....مفيش عربيه فيها تربو بتاخد 92 حتي ...السؤال هنا لييييييه !!؟ يعني في علاقه بين البنزين ال95 والتربو ولا مفيش !!؟ لان عربيتي فيها تربو وسمعت انك لو حطتلها 95 الموتور هيشتغل لكن التربو مش هيبقي شغال فالقدره الحصانيه للموتور هتقل ولو انت ركبت تربو لعربيه اوكتافيا مثلا (بتاخد 92 عادي ) هل هتحتاج تحط 95 علشان يشتغل !!؟

خلينى اوضحلك 3 نقط

العربيات اللى بينزل فيها التربو شارجر بتاعها بيكون تربو ميكانيكى بيركب على دورة الدينامو و الباور و التكييف و بالتالى بيكون شغال طول ما العربية شغاله التربو شارجر الكهربى ميزته انه بيشتغل وقت ما تحتاجه بزرار فكرة انه يكون في زرار يضاعف عزم الموتور و يفرق وقت الحاجه فقط فى اداء العربية موجودة اساسا فى البى ام دابليو الامات الجديدة و معروفة من زمان

الفكرة كلها فى التربو انك بتغذى هواء اكتر عشان ترفع كفائة عملية الاحتراق لو ال 92 مش مغشوش و نضيف هيتحرق مع الهواء الزيادة بكفائة اكبر لو البنزين مغشوش مش هيتحرق صح و التربو هياخد الهواء بتاعه يرميه فى الشكمان و يا دار ما دخلك شر موضوع ال 95 لأن فيه نسبة شوائب قليلة فبيكون حرقه اسهل و اريح بكتير و بتحس بالفرق و اكيد اللى معاه جولف 5 او حاجات عالية مش هيستخسر فيها

لا هتفضل بردو تحط 92 مش هتحط 95 و بمزاجك تشغل التربو وقت ما تحتاجه و وقت ما تحتاجوش ولا كأنه موجود

المهم ثبت بنزينه نضيفه تفول منها عشان الواحد شاف بلاوى

[ahmed_eng2001]

مجهود رائع ... ربنا يكرمك .. انا ليا سؤال ...

هل التربو ينفع يتركب على اى محرك ؟؟ انا سمعت ان المحركات الى فيها تربو بيكون معمول حسابها فى التصنيع ... بتكون مكوناتها تتحمل اكتر من نفس المحرك لو مش راكب عليه تربو
موتور عربيتى قديم .... ينفع يتركبله تربو ؟؟

[moh-nsar]

تسلم ايدك يا هندسة علي الشغل الجامد دة

ليك عندي اقتراح لية منستغناش عن الانفرتر 12 /220 ونستعمل موتور مروحة تبريد الردياتير بحجم يناسب البلاور وحتي ممكن نخرط الاكس بتاعة علشان يتناسب مع مروحة البلاور ودة يفيدنا في
1- الاستغناء عن حجم الانفرتر لاننا هنستخدم موتور 12 فولت
2- عمر موتور مراوح التبريد بيكون اكبر من مواتير البلاور
3- قلة الاعطال لاننا هنستغني عن الجزئ الالكتروني واللي هوة اكتر جزئ معرض للاعطال في التربو
4- علي ما اعتقد ممكن يكون الضوضاء كمان اقل
ويا ريت تقلي اية رايك في الفكرة دي


و بعد ازنك لو ممكن تكتبلي مكونات الانفرتر 1200وات علي بعضها يعني اكني هروح للنخيلي او الجمل واديلو الورقة فيها الطلبات وهوة يدهالي لاني عايز استخدمة في حاجة بعيد عن السيارات

واللة ينور عليك بجد

[AbOnOrA]

فى رائى الانفرتر تشتريه جاهز وبالامكانيات اللى انت عايزها وهيبقى سعر معقول خاصة لانه أأمن على البطارية والموضوع ده فيه استعراض لانواع المحولات الجاهزة

http://www.masrmotors.com/vb/showthread.php?t=114739