المشاركة الأصلية كتبت بواسطة mostafa.ghobara
على فكره يا استاذ اكرم الموضوع مش حوار ولا حاجه وشكرا على رد حضرتك وانا على فكره مكتبتش الموضوع ده غير لما رحت التوكيل 5 مراات فى ثلاث شهور لعيوب فى العربيه ولو حضرتك عاوز تتأكد حتلاقى على صفحه رينو على الفيس بوك انا باعت وطالب ميعاد من الصيانه وكاتب رقم شاسيه العربيه ورقم تليفونى وعلى فكره لو رجعت لموضوعاتى زى مانت قلت حتلاقينى بشكر فى العربيه لانى كنت لسه جايبها فى الاول بس بعد كده ابتدت تظهر مشاكل كتيره ابسطها كان مشكله فى دهان العربيه وكان ردهم فى التوكيل ان العربيه دى مش هاى كوليتى بس عربيه شغل واستمتع بعربيتك وبالنسبه لموضوع اناى حرقت بالعربيه فى البدايه فى على كلامعم فى التوكيل ان العربيه مش محتاجه تليين لانها متلينه وعلى فرض انى حرقت عليها فهل معنى ذلك ان مسمار غطا التيكهات يفك ؟؟؟؟؟؟؟؟
وعلى فكره انا مبحبش حد يقعد يدافع عن العربيه على طول الخط انا عارف ان العربيات كلها فيها عيوب بس توصل للدرجه دى ده كتير وبطلب منك مره تانيه تراجع صفحه رينو على الفيس وحتلاقى البوست بتاعى باسم mostafa said ghobara ورجاء بلاش اتهام لحد قبل متتأكد الاول لان بعض الظن اثم وشكرا ملحوظه على فكره من امثله على العيوب العربيه اللى معايا اوتماتيك وبانت فيها النتشه فى الفتيس وكان رد التوكيل هو الجير بوكس بتاع العربيات دى كده
|
معلش هدي نفسك ياباشا، أكيد أكتر حاجة تدايق الواحد إنه يلاقي مشاكل في عربيتة وهي لسه زيرو، بس أصل اليومين دول منتشر حبتين إن ناس تقعد تعيب في العربية لأغراض دعاية مضادة وكده.
معلش خليك ورا التوكيل وإن شاء الله العربية حتتظبط، والله لي قريب بيحكيلي كان معاه أكسنت أول موديل من زمان وبعد مشتراها زيرو لقاها بتسخن بشكل غير طبيعي، وبعد الكشف في التوكيل إكتشفو إن جسم الموتور مش متفتح فيه بعض مجاري مياه التبريد وتم تغيير نصف الموتور لهذا السبب، تصور بقا؟ أقصد أقولك شوف بلوة غيرك تهون عليك بلوتك.
وعلى فكرة موضوع نتشة الفتيس الأوتو مش عيب والله دي طبيعة معظم صناديق التروس الأوتوماتيك الأوروبي وده إكتشفتة بعد حوار دار بيني وبين صديق معاه سيات إبيزا أوتو سبع نقلات وفيها نفس الكلام إللى في اللوحان بالضبط، ممكن ناس متحبش الإحساس ده لاكنه مش عيب غلى الإطلاق، وكامن فيه ناس مش حساه أو مركزه معاه زيي وزي ناس كتير خصوصا إن نفس الفتيس موجود في اللوجان mcv ومحدش إشتكى منه.
يارب تطمنا قريب إن مشكلتك إتحلت.
06-06-2012, 10:26 PM
رد: خدعه اللوجان السياره الوهم
