تجربتي مع الماتريكس(حازم خضر)

[sam ram]

على حد علمي ففلتر البنزين تحت الكنبه مش في التانك
ويمكن انا رحت التوكيل اكتر من 15 مره وساعات كنت بقعد لحد ما العربيه تخلص ... يعني مش اقل من 4 ساعات و طبيعي اكلم الناس و ادردش معاهم .. بس يمكن ما قابلتش الناس اللي حضرتك قابلتهم وبيشتكو من ريحه البنزين
في النهايه والحمد لله طول عمري من الناس اللي بتحكم عقلها مش عواطفها بحكم خبرتي كمهندس معماري هههههه ودي علشان حد يقدر يحكم عليا فيها لازم يكون عارفني كويس اوي
الماتريكس من اول اجيال الام بي في من سنه 2002... فشكلها صندوقي فعلا ..
لكن وقتها كان شكلها احسن كتير من عربيات من نفس الفئه ... لو عايز تتفرج علر كائن فضاني دور على صور الفيات مالتيبلا
هما اتأخرو كتير في تغيير شكل الماتريكس لكن اخيرا حينزل بديل ليها الاي اكس 20
بس انت برضو مرديتش على سؤالي
واحب برضو اعرف منك لما تخلصت منها جبيت ايه كويس علشان الافاده
عموما كل سنه وانت طيب .... عيد سعيد

[ramy01011]

بصوا انا علاقتي بالماتريكس اني كنت بشوف شكلها عاجبني و دي اذواق غير اني عملت تست دريف لموديل 2007 لفه موش اكتر بس هقول بالعقل كدة لو كانت العربية وحشة ازاي كانت انتشرت الانتشار الكبير ده في مصر ؟ و ازاي سعر اعادة بعها فوق الممتاز انا بتكلم علي اللي بشوفه علي كونتاكت كار غير اني عايش حاليا في الامارات و اكتر عربية عليها علامة هيونداي ماشية في الشوارع هنا هي الماتريكس يبقي ازاي بعد ده كله تبقي عربية سيئة اوي كدة ؟
موش بردو في عقل ؟؟؟؟؟؟

[كاكا]

المشاركة الأصلية كتبت بواسطة ramy01011 بصوا انا علاقتي بالماتريكس اني كنت بشوف شكلها عاجبني و دي اذواق غير اني عملت تست دريف لموديل 2007 لفه موش اكتر بس هقول بالعقل كدة لو كانت العربية وحشة ازاي كانت انتشرت الانتشار الكبير ده في مصر ؟ و ازاي سعر اعادة بعها فوق الممتاز انا بتكلم علي اللي بشوفه علي كونتاكت كار غير اني عايش حاليا في الامارات و اكتر عربية عليها علامة هيونداي ماشية في الشوارع هنا هي الماتريكس يبقي ازاي بعد ده كله تبقي عربية سيئة اوي كدة ؟ موش بردو في عقل ؟؟؟؟؟؟

اولا لا وجه للمقارنة بين العربيات اللى بتنزل الخليج و اللى فى مصر لان مصر بينزل فيها ازبل حاجة بسبب التجار الجشعين مثل غبور يا رجل فى اكتر من ان غبور فى سنة من السنين وفر التندة اللى فوق الشنطة فى الماتريكس و نزل العربية من غيرها علشان يبيعها لوحدها و يعذب اصحاب الماتريكس و لو طال يشيل الفرامل و الكراسى كان شالها و انا شوفت الماتريكس الخليجى كان هيغمى عليا من الصدمة و من كمية الحاجات اللى سرقها غبور من عربيتى و مش موجودة عندى دة غير ان الخليجى موتورها اعلى من عندى و سيبك من لكل دة اذا كنت بتحكم على سوق تعبان كالسوق المصرى بالانتشار تبقى الشاهين تفوز عن الماتريكس و الفيرنا تفوز و هى عربيات تعبانة جدا و متخلفة تكنولوجيا و تصميما و خاصة الشاهين و الفيرنا كمان مليان كوارث لا تحصى و رغم كدة منتشرة اى ان السوق المصرى ليس مقياس جيد للسيارات و اللى بيتحكم فيه السعر فقط و ليس الجودة و على العموم انا تخلصت من غبور نهائيا و جبت مرسيدس مستعملة تحفة فرق شاسع تخليك فعلا تحس انك كنت فى الحضيض مع الماتريكس .

[dr_eslam_66]

المشاركة الأصلية كتبت بواسطة كاكا اولا لا وجه للمقارنة بين العربيات اللى بتنزل الخليج و اللى فى مصر لان مصر بينزل فيها ازبل حاجة بسبب التجار الجشعين مثل غبور يا رجل فى اكتر من ان غبور فى سنة من السنين وفر التندة اللى فوق الشنطة فى الماتريكس و نزل العربية من غيرها علشان يبيعها لوحدها و يعذب اصحاب الماتريكس و لو طال يشيل الفرامل و الكراسى كان شالها و انا شوفت الماتريكس الخليجى كان هيغمى عليا من الصدمة و من كمية الحاجات اللى سرقها غبور من عربيتى و مش موجودة عندى دة غير ان الخليجى موتورها اعلى من عندى و سيبك من لكل دة اذا كنت بتحكم على سوق تعبان كالسوق المصرى بالانتشار تبقى الشاهين تفوز عن الماتريكس و الفيرنا تفوز و هى عربيات تعبانة جدا و متخلفة تكنولوجيا و تصميما و خاصة الشاهين و الفيرنا كمان مليان كوارث لا تحصى و رغم كدة منتشرة اى ان السوق المصرى ليس مقياس جيد للسيارات و اللى بيتحكم فيه السعر فقط و ليس الجودة و على العموم انا تخلصت من غبور نهائيا و جبت مرسيدس مستعملة تحفة فرق شاسع تخليك فعلا تحس انك كنت فى الحضيض مع الماتريكس .

ألف مبروك عليك ياباشا المرسيدس وأكيد كلنا عارفين وضع السوق المصري وعارفين كمان إمكانيات المشتريين. ياعني مش محتاجين تفكرنا بوضعنا لأليم.
بانسبة للعربيات المتخلفة تكنولوجيا أو تصميميا فاحضرتك بتتكلم عن أرخص سيارات من فئتها في السوق وأنا شخصيا أحد المستخدمين الغاويين توفير ياعني لو جه الوكيل وقالي هشيل الطاسات من عربيتك وأوفرلك في تمنها 300 جنيه هوافق.
ولولا إختلاف الأذواق لبارت السلع.
عايزين قريب ان شاء الله تبقى تعملنا تقرير ياباشا عن المرسيدس كدة إن شاء الله.

[ستين]

عندى عيب فى السيارة هونداى متركس 2010 تركى مع زيادة البنزين rpmيوصل ال 3 ومفيش سحب وشوية بتتظبط لوحدها هى اتوماتك
ارجو الرد سريعا وبتدورمن تانى مرةهل ترمبة البنزين او البيجوهات لها علاقه