صور سيارة خالد خليفة رحمه الله بعد الحادثه

[sam ram]

اللهم ارحمه و ادخله الجنه و قه عذاب النار

مؤيد لاقتراح فتح حساب لاصلاح العربيه
بس ياريت الاول حد متخصص او اللي حيتناول اصلاح العربيه يتعمل ليها مقايسه مبدئيه بعد ما يشوف العربيه على الطبيعه كويس جدا و يحدد كل اللي محتاجاه علشان ترجع تاني زي الاول وعلى اساسها نفتح الحساب ويتجمع قيمه المقايسه فيه
بحيث نغطي قيمه الاصلاح المطلوبه قبل ما يبداء الاصلاح الفعلي
وان شاء الله مساهمات الاعضاء تغطي وتفيض و ممكن بالمتبقي نعمل صدقه جاريه باسمه

متابع .. و ياريت يا كورسير لو اتعمل موضوع جديد لاصلاح العربيه تنزلو الرابط بتاعه هنا
جزاك الله خيرا و جعله في ميزان حسناتك

المشاركة الأصلية كتبت بواسطة mrastra راى مع راى الاعضاء العربية تتصلح الحل المناسب وانا مؤيد جدا اننا نصلحها على حسابنا واقترح فتح حساب فى اى بنك باسم الاستاذ كورسير ويدينا رقم الحساب وكل واحد فينا يتبرع باللى يقدر علية ومن اى محافظة وفى النهاية الاستاذ كورسير يشوف اى مركز ثقة العربية تتشد عندة

جزاك الله كل خير وانا معاكم في اي حاجه تتفقوا عليها وبأذن الله نساعدهم علي قد ما نقدر وربنا يجعلها في ميزان حسناتكم

المشاركة الأصلية كتبت بواسطة BASSEM BESO لا اله الا الله سيدنا محمد رسول الله رحمك الله يااستاذ خالد كنت خير الناس وانفعهم للناس ودائما وابدا يد العون ممدوده لكل من يحتاجك رحمك الله واسكنك فسيح جناته يااطيب الناس وانا شاكر ليك يااحمد لأنك بجد انسان رائع وانسان جميل وانا عارف المرحوم كان بالنسبه ليك ايه لكن المبلغ اللى هتتباع بيه ده حرام بجد لو بحالتها كده والقوايم سليمه فى الجنب التانى والشاسيه سليم يبقى حرام جدا تستحق اكتر من كده العربيه وانا رأيى اننا نناقش اقتراح استاذ محمد جنيدى اما للأخوه اللى بيستفسروا عن الأيرباج فالعربيه فيها ايرباج فعلا لكنه فتح قبل كده مره ولم يقوم بأرجاعه واصلاحه المرحوم وهذا هو سبب عدم فتحه

جزاك الله كل خير يا باسم وانا معاك في كل اللي قولته وان شاء الله اعرض عليهم الموضوع النهارده واشوف رائيهم ايه

المشاركة الأصلية كتبت بواسطة mahranahm اولا الله يرحمك يا خالد معأنى مشوفتهوش شخصيا بس كفاية سماحة وجهه الله يدخلة فسيح جناتة اللهم وسع له فى قبرة وابدلة خيرا من الدنيا وما عليها والهم اهلة الصبر والسلوان . انا مع رأى تصليح العربية ومع رأى الاخوة المحترمين انننا نصلحها وكل واحد يدفع الربنا يقدره علية واحنا الحمد لله رب العالمين مش قليلين وان شاء الله المبلغ اليتلم يكون اكتر من المطلوب . والباقى يروح لاهلنا اهل اخونا خالد الله يرحمة . وانا مع رأى الاخ المحترم ان يتم فتح حساب بأسم اخونا كورسير لتسهيل عملية تجميع المبلغ من كل المحافظات . بارك الله لكم وبارك لاخونا خالد فى اخواتة فى المنتدى . وجعلنا له عملا صالح فى الدنيا بالاستغفار والترحم علية .

جزاك الله كل خير يا استاذ مهران وربنا يجعله في ميزان حسناتك وان شاء الله هرد عليكم النهارده بعد ما اعرض علي اهله الموضوع

المشاركة الأصلية كتبت بواسطة mmffor وما تدري نفس ماذا تكسب غدا وما تدري نفس باي ارض تموت اللهم ارحمه يا جماعة رجاءا رجاءا الاهتمام بحزام الامان واضح جدا ان صالون العربية سليم مما يوضح ان القائد لم يكن مرتديا لحزام الامان و الله انا بعد فضل المولى عز و جل حزام الامان انقذ حياتي و كان في عربية 128!!!

جزاك الله كل خير يا ممفور وياريت الناس فعلا متستهانش بوسائل الامان وهيه مسافره

المشاركة الأصلية كتبت بواسطة mahmoudey ربنا يرحمه، وفى الجنة إن شاء الله وربنا يصبر أسرته ويكرمهم بالخير --

امين يا رب وتسلم يا استاذ محمود وجزاك الله كل خير

المشاركة الأصلية كتبت بواسطة sam ram اللهم ارحمه و ادخله الجنه و قه عذاب النار مؤيد لاقتراح فتح حساب لاصلاح العربيه بس ياريت الاول حد متخصص او اللي حيتناول اصلاح العربيه يتعمل ليها مقايسه مبدئيه بعد ما يشوف العربيه على الطبيعه كويس جدا و يحدد كل اللي محتاجاه علشان ترجع تاني زي الاول وعلى اساسها نفتح الحساب ويتجمع قيمه المقايسه فيه بحيث نغطي قيمه الاصلاح المطلوبه قبل ما يبداء الاصلاح الفعلي وان شاء الله مساهمات الاعضاء تغطي وتفيض و ممكن بالمتبقي نعمل صدقه جاريه باسمه متابع .. و ياريت يا كورسير لو اتعمل موضوع جديد لاصلاح العربيه تنزلو الرابط بتاعه هنا جزاك الله خيرا و جعله في ميزان حسناتك

بأذن الله يا استاذ سامح هعرض الموضوع علي اهله النهارده وان شاء الله اللي فيه الخير يقدمه ربنا وهبلغكم بكل جديد اول بأول

[AbOnOrA]

ربنا يرحمة ويصبر اهله ويوسع عليه وعليهم برحمتة

انا شايف انهم لو هيقدرو يستخدمو العربيه تاني يبقى الافضل تتصلح

لكن لو كده كده هيبيعوها سواء متصلحة او متكسرة واللى يهمنا هو ان اكبر قيمة مادية توصلهم يبقى الحسبة تختلف

اولاً لازم مقايسة دقيقة تتعمل علشان نعرف بالظبط تكاليف الاصلاح كام ... مينفعش بالنظر كده والصور حتى مش واضحة اوى

القوائم واضح ان بعضها تأثر والسقف متطبق والموتور محدش عارف حالته عاملة ازاى
فممكن العربيه تتكلف اكتر من اللى احنا متصورينة صاج وسمكرة وعفشه وموتور واكسسوارات

فعلشان نفكر صح لازم قيمة الاصلاح تكون واضحة ونخصمها من القيمة المتوقعة للبيع

فيه بعض الاعضاء قال انها تتباع ب 75 انا معتقدش لان السعر ده تتباع بيه موديلات 2008 - 2009 كاملة بحالة ممتازة وديه بعد الاصلاح هتبقى راشة جوه وبره وايرباج مفتوح وقوائم مش عارف مالها ده غير انى افتكر ان العداد كان عامل كتير فعلاً لان الله يرحمة كان بيسافر بيها كتير
فاعتقد السعر ده كتير اوى ولو جابت 60 الف يبقى كويس

نحسب ساعتها مثلا ان الاصلاح هيتكلف 20 الف نطرحهم من ال 60 الف نلاقى ان اهل المتوفى هيوصلهم 40 الف
لو احنا شيلنا من تكلفة الاصلاح النص هيوصلهم 50 لو ربنا قدرنا نشيل الملبلغ كله هيوصلهم ال 60

فاقترح فى الحالة ديه اننا نكون لجنة من عضوين تلاتة او اكتر ينسقو مع بعض للحصول على المقايسة واتمام الاصلاحات بدل ما واحد بس يشيل المجهود ده كله ويشتركو معاه فى الثواب كمان

[sam ram]

متهيألي ان مساهمات الاعضاء حتكون تبرع لوجه الله تعالى
لأن صعب جدا اننا نرجع قيمه التبرع لكل الاعضاء المساهمين خصوصا لو جمعنا تبرعات كتيره من اعضاء كتيره بقيم مختلفه
وساعتها ممكن كورسير يعرض الموضوع على اهله على ان قيمه الاصلاح حيتم خصمها من تمن البيع منعا لاحراجهم ... لكن نكون فاهمين ان التبرع ده لوجه الله تعالى ولاولاده
الا اذا كان في اعضاء يقدروا يساهمو بمبلغ كبير لاصلاح العربيه على اساس انهم يستردوا المبلغ ده من تمن البيع ... ولهم الاجر و الثواب برضو

موضوع ان العربيه تتصلح و يستخدموها تاني ده صعب شويه .. لأن ذكرى العربيه مؤلمه ...
حيكون الافضل يبيعوها و يجيبوا غيرها