توكيل كيا يمتنع عن صياتة الخليجي

[lost2008]

سياسة لوى الدراع ديه تخسر التاجر اكتر متكسبه,,

[AbOnOrA]

هى طبعاً مناورة فى الاساس هدفها الضغط على العملاء لشراء السيارات من الوكيل مباشرة بس انا عايز اسأل ليه الناس متمسكه اوى بالتوكيلات كده

فيه مراكز خدمة معتمدة من التوكيل وغالباً ما بتقدم خدمة افضل من التوكيل وارخص كمان

وفيه شركات بتقدم خدمة الضمان كمان زى التوكيل بالظبط وده مبداء معروف بره باسم extended warranty او الضمان الممتد زى تريبل ايه وامان الشرق والشركات ديه بتديك ضمان وخدمة فى مراكز خدمة معتمدة من الوكيل او فى الوكيل نفسه كمان

http://www.masrmotors.com/vb/showthread.php?t=23686

خلاص السوق بقى مفتوح وهيمنه التوكيلات مبقتش زى الاول

[YaserK]

أنا قدمت شكوى ضد توكيل كيا في جهاز حماية المستهلك وكمان بعت ايميل لكيا موتورز في كوريا ولقيت تاني يوم واحد من توكيل كيا بيتصل بيا وبيحاول يشرح أسباب الإجراء الجديد ده, لكن أنا فهمته ان كل اللي عملوه ده غلط..

أنا مستعد أوصل الموضوع ده للمحكمة عشان ده استهبال من توكيل كيا

يا ريت كل المتضررين يبعتو لجهاز حماية المستهلك وكمان لكيا موتورز كوربوريشن في كوريا لأن إعلان الأهرام مكتوب فيه ان كيا موتورز مش مسئولة عن العربيات الخليجي بالرغم من انها أولا وأخيرا عربياتهم وخارجة من مصنعهم