رايكم يهمني... هل تتفوق البورش علي اللانسر ؟؟؟

[horas3000]

المشاركة الأصلية كتبت بواسطة luckyman شكرا للرد يا باشا بس كنت عايز اعمل مداخله سريعة للمرة التالتة على التوالى ان فى مقارنة بين البورش والموتسبيشى بتكون لازم وحتما مش بشكل عام لازم تكون بشكل نوعى وتقبل خالص التحية واختيار موفق ان شاء الله

انا فاهم يا زعيم
المقارنه بين الماركتين بتفرض نفسها طبعا
بس انا يمكن وجهة نظري تختلف اكمني برة مصر
لان الايفو هنا تعتبر مميزة عن الكايين
ده يكمن الكايين في الشارع اكتر من اللانسر الشارك العادية كمان

المشاركة الأصلية كتبت بواسطة hazem_khidr انت من اول الشكل الجديد و انت بقيت كاره العربيه و انا حاسس بكده من مشاركاتك و دي حاله بتحصل للواحد لما يشوف موديل جديد من عربيته خصوصا و هو شاريها زيرو لكن بالموديل الجديد او من غيره تمن العربيه حيقل ما تحاولش تشوف عذر لنفسك يا باشا و من رأيي خليك في البورش لان الايفو علي الرغم من قدراتها بس في الاخر لانسر ومش حيفهمها غير اللي عارفها و بس اكتر من كده لاء

ههههههه
لا يا حازم باشا
انا مكرهتهاش و لا حاجة
انا اللي ضايقني السعر اللي جالي فيها لا اكتر و لا اقل و هو ده اللي بيحرك تفكيري
لكن العربية لسه عزيزة علي قلبي و لسه غاسلها يوم الجمعة و مروقها بعد ما اتطرتش عليها شوية مية من الشارع
و بفكر اعملها بولش كمان بس لما افضي كده
ده غير انها علي وش سيرفيس و هعملهولها في اقرب وقت كمان

[hazem_khidr]

و الله انا بين نارين و مش عارف اختار
علامه بورش مميزه برضه و كفايه ان الواحد يقول انا عندي بورش حتي لو موديل 77!!!!
لكن برضه الايفو كعربيه رياضيه لا غبار عليها
و لكن مع كرهي او عدم تقبلي للسيارات الدفع الرباعي الا ان برضه كلمه بورش لوحدها كفايه
ممكن تكون الكايين شكلها عادي شويه يعني لما شفتها في المحله ما انبهرتش بيها مش عارف علشان شكلها
ولا علشان شفتها في الامارات كتير ولا علشان موجوده دايما في صوره توقيعك و كانت نفس اللون ايضا لدرجه اني افتكرتها عربيتك
بس برضه اسمها بووورش

بص يا باشا لو عايز حاجه تديك هيبه لما تنزل مصر يبقي البورش لكن الايفو هيفكروها شارك وبعدين مش كل واحد هتفتحله الكبوت وتفرجه لو بتنزل مصر كتير انا من رأي بورش لو مره في السنه خليك في الايفو بس الايفو شديده عايزه واحد متمكن

[mahmoudnada80]

بص يا حورس باشا
انت الي هتحدد مش احنا
بمعني اخر الناس الي في الشارع مش حتفرق معاهم شارك ولا ايفو
او بمعني تالت ممكن تعمل تست درايف للسياره الجديده (و تعمل تقرير عنها في مصر موتور )
وانت هتعرف ان الفرق بين العربيتيين كبير
ايوه كبير و من رابع المستحيلات انك تجيب تقفيل ياباني زي الاماني و خامات و حاجات تانيه كتير
وبعدين في الكويت بيعشقوا الياباني و ده دليل علي سعر السياره هناك وهنا
يعني العربيه الايفو 10 في مصر ممكن تعمل 650 الف اما البورش ممكن تعمل مليون وشويه
لان في مصر العربيه ليها معايير وفي الكويت ليها معايير تانيه
واهم هذه المعايير هو المستهلك الي هو حضرتك
عشان كده متاخدش برأي الشارع المصري او الكويتي خد برأيك الشخصي
اما رأي رجاله مصر موتور فهو واضح جدا البورش احسن بكتيير

وبالتوفيق باذن الله

[lido123]

أنا رأيي إنك تفضل بالبورش لأنها أفضل بمراحل من أي عربية تانية ولكن طبعاً مأقدرش باردو أغلط في اللانسر.................. ............ (فعلا هو إختيار صعب)
ptmnlo123per111