السايس (وظيفة من لا وظيفة له)

[mesho70]

فعلا ً موضوع جامد وتسلم ايدك
وكمان اضافة لكل اللى حضرتك ذكرتة انا نمر عربيتى ارقام صغيرة و بيبان عليها انها مش من القاهرة وبشوف العجب من البلطجية اللى حضرتك حللتهم تحليل رائع
وبحس كدة اول ما الاقية جاى على بيقول فى نفسة " جبرنا "

ده يا ميشو تنزل تاخده جوزين اقلام هيعرف علطول انك مصري ابن مصري وتقبل تحياتي

[يسري أبو الخير]

بصراحة موضوع جميل و دراسة وافية عن البلطجية ( السياس ) و تحليل راق .. بس ياريت حد يقولنا .. حلول لتلك المشكلة .. أنا عن نفسي بركن كل يوم في ميدان الأوبرا ( العتبه ) أمام محطة المترو .. و خلاص عرفوني و حفظوا العربية .. حتى لو مكنتش راكن و معدي فقط .. الأقيهم يصفروا لبعض بصفارة الحكام .. و الاقي واحد منهم على كبوت العربية .. و بعد ما أديله المعلوم .. يقولي خلاص بقى يابيه .. ههههههههههههه و بيني و بينكم بخاف احسن يعملوا حاجة في العربية .. يضربولي كاوتش .. او تجريح للبوية .. أو كسر مراية ..

تحياتي للجميع

فعلا يا استاذ يسري عندك حق انتا ممكن تنفضله ومتدلوش فلوس بس هتلاقيه حفظ شكل عربيتك ولو شافها اودامه هيلعبلك فيها البخت ومش هتعرف تعمل معاه حاجه واثبت انه عمل فيها حاجه هما بيلعبوا علي النقطة ديه الخوف من ان يعملك فيها حاجه علشان كدا هما انتشروا اوي اليومين دول مع انتشار العربيات والزحمه والكارثه ان الحكومه مساعداهم علي كدا ولو السايس عايز عربية تركن صف خامس هيخليها تركن واطمن ان عربيتك مش هتتاخد مخالفة وجرب كدا تركن مع نفسك ومتحضنش عربيتك جنب الرصيف وهتلاقي امة لا اله الا الله بتاخدك مخالفات

[atgps]

تسلم ايدك على الموضوع الهائل ده
بس على فكرة السايس (أو البلطجى) ميقدرش يحجز مكان لنفسه فى الشارع كده، ده بيدفع يوميه لمسؤولى الحى أو قسم الشرطة (يعنى بيأجر المكان ptmnlo123per19) ، يعنى هو محمى منهم، وعلشان كده هو بلطجى، ولى سؤال واللى يجاوب عليه ليه هديه منى، ليه السياس ماتلقيهومش فى أيام الإنتخابات؟؟؟؟