حد يدلنى انا محتااااااااااار

[Bendary]

المشاركة الأصلية كتبت بواسطة corsair نصيحة ابعد عن المستعمل ممكن الفيرنا الزيرو تكون احسن بمراحل من بي ام دبليو مستعمله وبعدين الفيرنا عربية ملهاش حل وجميله جدا وابعد عن الفيفا والاستاذ زوما بيقول ان الانوس احسن من الفيرنا علي ما اعتقد انها وجهة نظره لكن لو سئلت اللي راكب لانوس هتلاقيه باعها وجايب فيرنا الفيرنا تتقارن بالافيو والاكسينت لكن الانوس تتقارن باللوجن والساجا وتقبل تحياتي

لأ يابوحميد مش اوى كده
انت معجب بعربيتك الفيرنا - ماشى ماقلناش حاجه
الفيرنا فعلا عربيه جميله لكن لا تدخل مع فئه النيو اكسنت - اما لو قصدك الاكسنت القديم فيبقى كده كلهم فئه واحده ( اكسنت قديم - فيرنا - لانوس - ساجا - لوجان )
كما ان اللانوس مش وحشه برده ولا تقل عن الفيرنا - وانا لما افكر ابيع اللانوس مش هشترى فيرنا لان لازم التغيير يكون لفئة اعلى طبعا لو الظروف تسمح .

تقبل مرورى يا صديقى بدون زعل - انها وجهات نظر

حبيبي انتا يا ابو مروان بس فعلا التعديلات الجديدة اللي علي الفيرنا جعلتها تحفه زي العتب الرياضية والاسبويلر وكمان شكل التابلوه لكن الانوس من سنة 98 متغيرش فيها غير الفانوس الخلفي والشعار بتاع الدايو وبعدين لو قدامي فيرنا استار ولا اكسينت الشكل القديم هجيب الفيرنا وبعدين انا كنت هجيب الاكسينت بس بسبب ان مفيهاش عداد للحرارة انا مجيبتهاش ومن غير زعل بردك يا ابو مروان

[galilioooo]

انا نزلت امبيارح واتفرجت على العربيات ولقيت ان الفرنا الكاملة سعرها اصبح 67.5 وبعدين ضيقة بطريقة خرافية من فى الكنبة الى ورا لدرجة انى حتى معرفتش ادخل فيها اصلا
علشان كده انا دلوقتى بشوف فى النيو اكسنت هى سعرها عالى شوية 76 بس عربية كويسة على ما اظن
هيا واسعة من جوة
وشكل التابلوه بتاعها جميل مش وحش
وبعدن سمعت انها ثابتة ومش بتاكل بنزين وطبعا اهم خاجة التكييف بتاعها (انا مجربتوش بصراحة بص انا اعرف ان اى هيونداى بتبقى جامدة فى التكييف بتاعها)
ايه رايكوا؟
ارجة الافادة ومتشكر جدا على اهتمامكوا الجميل ده

[dr_youssifomar]

توكل على اللة وهات فيرنا او لانوس
هم الافضل فى هذة الخيارات
ونصيحتى الشخصية هات فيرنا
لان هيونداى الان اصبحت شركة لها سمعة عالمية وبتصنع سيارات عالية الجودة

[zoomaa&mizaa]

أكيد طبعا دة رايك أنت ومن حقك تدافع عن العربية بتعتك لاكن رأى السوق مختلف تماما اللانوس أقوى أوسع سباتها على الطريق أفضل من الفيرنا بمراحل وبعض الناس يجدون اللانوس أجمل فى الشكل وأهم شىء أن اللانوس بياعة اكثر وعند أعادة البيع لا تخسر مثل الفيرنا وشكرا ...