مشكلة عندى فى 128 هتجنينى وعاوز اعرف حلها اية

[engfathy]

حكاية السفر دي حسب حالة العربية
انا كان عندي 128 لما كنت باطلع بيها مشوار مسافة 10 كم كنت بابقى قلقان
و واحد صاحبي كان عنده برضة 128 وكان بيضرب بيها مشوار 100 كم كل يوم من غير اي مشاكل

[ABCABCABC]

اقول لحضرتك رأى المتواضع - خصوصاً ان انا عندى 128 موديل 80 وعندى لوجان موديل 2011 - الـ128 طبعاً تقدر تسافر مطروح طالما العربية مظبوطة و ما بتسخنش - لكن الموضوع هيبقى مرهق و السواقة هتكون مثيرة للأعصاب خصوصاً ان طريق وادى النطرون الناس بتمشى فيه على 140 كم على الأقل و الناس بتبقى طايرة بالعربيات - والسير بالسرعة المنخفضة بتاعة الـ128 هتكون صعبة و مستفزة و تعرض حياتك و حياة الغير للخطر و هتضطر طول السكة تمشى على اليمن و تلاقى الناس وارك عمالة تدى ككلاكسات علشان تعديك - وخصوصاً ان الصحراوى و طريق وادى النطرون كلهم عربيات نقل و عربيات زيرو عماله تجرى حواليك - لكن لو مضطر تسافر بالـ128 مافيش اى مشكلة ما انا ياما سافرت بالعربية الـ 128 للأسكندرية و دمياط و بورسعيد و كانت العربية تمام - بس اهم حاجة تراجع الرادتير كويس ويكون معاك ميه علشان تذوده لو نقص وتقف كل فترة على الطريق تتأكد من عدم سخونة الطنابير و تراجع حال الكوتش التى قد تودى لسخونة الجنط و انفجار الكوتش نتيجة الإحتكاك و حرارة الجو - و طبعاً تكون مغير زيت و متأكد من مستوى الزيت و حالة الأستبن