ABS خبر أبيض و زي الفل لو صحيح

[khaled_1993m]

يا جماعة ثواني بس عشان افهم يعني اللمبة موجودة في التابلوه و مش بتنور و لا بتنور ؟؟!!
اصلها لو بتنور يبقي اكيد فيها abs (دي حاجة طبيعية يعني)
بس بردو في طريقة كده انا بجرب بيها اي عربية اركبها اول مرة (بغض النظر صح و لا غلط يعني هههه ) عشان اعرف ايه اخبار فراملها
انك تيجي في مكان واسع (لازم يكون واسع انا قولت اهو ) و تجري بالعربية بسرعة و تكبس فرامل مرة واحدة لو متزحلقتش و خمست و عملت حاجة غريبة كده يبقي فيها Abs يعني هتلاقي العربية ماشية في خط مستقيم

[mohamed selem]

المشاركة الأصلية كتبت بواسطة khaled_1993m يا جماعة ثواني بس عشان افهم يعني اللمبة موجودة في التابلوه و مش بتنور و لا بتنور ؟؟!! اصلها لو بتنور يبقي اكيد فيها abs (دي حاجة طبيعية يعني) بس بردو في طريقة كده انا بجرب بيها اي عربية اركبها اول مرة (بغض النظر صح و لا غلط يعني هههه ) عشان اعرف ايه اخبار فراملها انك تيجي في مكان واسع (لازم يكون واسع انا قولت اهو ) و تجري بالعربية بسرعة و تكبس فرامل مرة واحدة لو متزحلقتش و خمست و عملت حاجة غريبة كده يبقي فيها Abs يعني هتلاقي العربية ماشية في خط مستقيم

مش معني انها مشيت في خط مستقيم يبقي فيها ABS
عشان تحس فعلا بالـ ABS
لو دوست فرامل وموجود في العربيه ABS هتحس وانك دوست علي حاجه طريه فيها سوسته رجلك هتترعش بسرعه وتحس بهبد ورزع في العربيه هههههههههه
ولو اول مره تركب عربيه فيها اي بي اس ممكن تخاف من الفرامل هههههههههه

[ahmedashraf]

هو أكيد كنت أتمنى يكون فيها ABS وأكيد التوكيلات في مصر بتجيب لنا أقل الإمكانيات وبيسرقونا على حس الجمارك الظريفة في بلدنا.
بس بجد مش عارف ليه نسيب كل الحلو والجميل إللي في العربية ونمسك بي الحاجتين تلاتة إللي مش فيها ونقعد نولول عليها ههههههههه.
يجماعة كده إللي يقرأ الموضوع يحس إن العربية متنفضه مع إنها ناقصة بس (إير باج للراكب الأمامي، ABS، تدفئه في المقاعد الأماميه) غير كده هي هي إللي بتنزل كامله بره، مش متنفضة بمعنى الكلمة زي مابيعمل غبور في هيونداي وخلافة. إللي مش مصدق يقلب في النت.

إللي يسمعنا يفتكر إن كل العربيات في فئة ٧٠ و ٨٠ ألف بتنزل ب ABS وإتنين إيرباج ماعدا اللوجان! ده الأكسنت آر بي الفئه إلي ب ١١٤ ألف مفهاش إيرباج واحده توحد ربنا!

[tham1010]

مش عارف ليه الناس بتحب الكمليات اللى مش لها لزمة دى. أنا عندى العربية فيها ABS وكما نظام TCS وكمان 2 وسائد هوائية فى الامام رغم أنها ماتركس 2001 يعنى قديمة. الأنظمة دى ولا ليهم لزمة لواحد بيسوق فى شوارع مصر الزحمة والطرق السريعة الضيقة المكسرة. دى حاجة زى حزام الامان والوسائد الهوائية عاوز الناس اللى بتسوق العربيات بسرعات فوق 140 كيلوا وفى طرق ممهدة.

اللى كان ينفعنا اكثر نوع من العفشات اللتى تتحمل المطبات. أو زجاج عازل للحراة فى الصيف الرهيب دة.

العيب على مصر مش على الشركات اللى بتجمع ولكن على القانون المصرى الذى لا ينص على وجود الوسائد الهوائية وانظمة الامان زى ABS كتجهيز أساسى فى السيارات كحزام الامان. احنا اللى حكومتنا وقانونا بيبهدلنا مش الشركات. فى الخارج كل العربيات فيها هذ التجهيزات فى الموديلات الأساسية مش الهاى لين... والأسعار مش يعنى فارقة جامد

[محمدصلاح القاضى]

اولا حصل خيير والحمد لله على قد كداااا
بصى يا فندم لو عندك الجهاز دا فى الموتور يبقى ابشر معاليكى ان عربيتك فيها ABS
ودا شكل الجهاز وهتلاقيه جنب سيرفو الفرامل وطالع منه مواسير صغيره معدن





[COLOR="rgb(139, 0, 0)"]ودا بالظبط نفس اللى حصل معايا فى الاسبرانزا
قالى ان فيها ايرباج ولكن الحمد لله مش موجود وربنا ما يكتب علينا استخدامه ابدا
السماعات بتاعت الكاسيت 6 سماعات لقيت 4 بس
والحمد لله انا عندى ABS وشغال
مش مشكله خالص اهم حاجه ان العربيه تمام سيبك بقى من الكماليات

[/COLOR]