محتاجة نصيحة لوجه الله ، السيارة المناسبة ما بين 70 الف و 80 الف

[AnEngineer]

السلام عليكم و رحمة الله
أول مشاركة فى المنتدى

أرجو ان تتقبلوا قلة درايتى بمواصفات السيارات و ان مصدرى للمعلومات فى الغالب هو الانترنت لذا ربما تكون معلوماتى خاطئة و أرجو تصويب الخطأ لى من وجهة نظركم كأكثر خبرة عنى

أنا فى حيرة شديدة من أمرى
كنت أملك كيا برايد العصفورة (هاتش باك) الكورية المنشأ و التقفيل لسنوات طويلة
ثم امتلكت دايو لانوس جولييت (هاتش باك) الكورية المنشأ و التقفيل
لى فترة بدون سيارة
و لكن أقود بصفة متقطعة ميتسوبيشى لانسر بومة اليابانية المنشأ و التقفيل

- أرغب فى شراء سيارة تتمتع بالأمان و الثبات لإنى دائما معى أبنائى صغيرى السن
- لا أرغب بإن تكون مشاكلها كثيرة حيث انى لا يتوفر لدى الوقت أو الامكانية للتردد الدائم على التوكيل أو ورش الاصلاح
- لا اعتمد فى قيادتى على السرعات العالية جدا جدا و لكن لازلت ارغب فى عربية بامكانيات سحب كويسة
- أرغب فى سيارة قطع غيارها متوفرة و بأسعار معقولة
- أرغب فى سيارة سعر إعادة البيع ليس سيئا فى حالة اضطررت لبيعها لعدم تمكنى من الاسمرار فى اقساطها
- أرغب فى سيارة يكون معدل استهلاكها للوقود معقول
- أفضل ان يكون شكل السيارة جيد من الداخل و الخارج و لكن ليس بأهمية المميزات الأخرى
- أفضل ان يكون الاربع نوافذ بفتح كهربائى و ليس اثنين فقط و لكن ليس بأهمية المميزات الأخرى

كلما فتحت مواقع المقارنة اتسعت مجالات المقارنة و افقد قدرتى على الاختيار

كيا بيكانتو 2013 مانيوال: 74500 جنيه
كنت قد اتجهت لـ كيا بيكانتو 2013 مانيوال لإنها المناسبة لامكانياتى المادية
فضلتها لإن الكيا سعر إعادة البيع جيد بالإضافة إلى انها كورية المنشأ و التقفيل
و لكن لم أكن مقتنعة بثباتها حيث ان ارتفاعها غير مناسب لابعادها
ثم سمعت شكوى من استهلاكها للوقود

هيونداى فيرنا 2013 مانيوال: 75000 جنيه غبور 73250 جنيه
اتجهت بعد ذلك للفيرنا الGLS كورية المنشأ
سعر إعادة البيع ممتاز
قطع الغيار متوفرة و رخيصة
الكل بيفهم فيها و لن ابذل مجهود فى اصلاح مشاكلها
1600 و بشهادة الجميع سحبها ممتاز
قرأت بعض التعليقات السلبية على ثباتها
و اسمع شكاوى متكررة من سوء التقفيل المصرى
و اسمع تعليقات عن احتكاكها الدائم بالمطبات

فى المعرض اصر البائع على اقناعى بالـ
بروتون ساجا 2013 اتوماتيك: 79500 جنيه
موتور انجليزى تقفيل ماليزى
اداء موتورها ال1300 يقترب من اداء ال1600 فى سيارات أخرى
أسعار قطع الغيار متوسطة و متوفرة لدى مراكز الصيانة و ورش الاصلاح
قرأت تعليقات كثيرة تشييد بثباتها
يعيبها الوكيل كونه سئ للغاية
و سعر إعادة البيع ليس جيدا

حين عدت للمقارنات على المواقع ظهرت لى مجددا
رينو لوجان:
رينو سانديرو:
شكل عصرى و لكن ليس هذا سببا كافيا يدفعنى لشراء سيارة
نعومة فى الحركة ثبات على الأرض
رومانى تقفيل مغربى
غلو قطع الغيار نسبيا

اتمنى ان انتهى من هذه الحيرة فى غضون أيام
انتظر نصيحتكم و جزاكم الله خيرا

[abo-gamal]

ارشح لك رينو ستيب واي

او رينو لوجان

[amr_9x]

لوجان و توكل على الله
بس مش تبيع قبل خمس سنوات علشان الخسارة

[محمدالسيدعبدالله]

والله حضرتك انا في نفس الحيرة بتاعتك دي بس انا بقارن بعربيات اعلي شوية بس برضو من فترة كنت بقارن بين نفس العربيات دي و اللوجان بيقولو عليها جميلة بس يعيبها اماكن الازرار و التحكم زي الازاز و الكلاكس و كدة ودي انا حاجة كارها جدا ودة كان سبب اني ابعد عن الرينو بصفة عامة و ارشحلك دلوقتي البروتون ساجا لان في ناس كتير بتشكر فيها و كمان اتوماتيك يعني ممتازة لشوارع مصر وربنا يوفقك ان شاء الله ولا تنسي الاستخارة وربنا يكرمك ان شاء الله بعربية كويسة وتاخد خيرها ويكفيك شرها امين يااااااااارب

[myson medo]

البروتون توكيل سئ جدا وده كلام اللى يمتلكونها
واستهلاك بنزين عالى

ارشحلك اللوجان لو محتاجة شنطة كبيرة او السانديرو اتوماتيك لو مش فارق معاكى حجم الشنطة وهى شنطتها برده مش صغيرة
ومبروك مقدما