سيت نور الصالون شغال من امبارح

[حبيب الناس]

كل الشكر للأخ احمد على مشرف الصيانه لقي شرح لك فأوفي والشكر موصول للأخ مشمش

[TiTo Sky]

شكرا ياشباب

بسس مانفعش خالص كل المحاولات اللي عملتها

وصلت زي ما حضراتكم قولتو بعربيتي واحد تيريوس والتانية بيجو استيشن

وبرضو منطقتش

بسس في حاجة بقي ان المارش بيتكتك والنور بيضعف

فاتصلت بالكهربائي قالي فك البطارية وهاتها احطها علي التونجر

ياتري بقي ياشباب الصوت دة صوت من المارش ولا البطارية بتاعة العربيتين التانين

اللي مش قادرين يقوموا دي علما بان كل حاجة شغالة الكاسيت والانتظار والتكييف والانذار

مش عارف اية الحل دلوقتي

افكها واروح للكهربائي ولا اعمل اية

ارجو الافادة

[احمد على 1999]

المشاركة الأصلية كتبت بواسطة TiTo Sky مانفعش خالص كل المحاولات اللي عملتها وصلت زي ما حضراتكم قولتو بعربيتي واحد تيريوس والتانية بيجو استيشن وبرضو منطقتش بسس في حاجة بقي ان المارش بيتكتك والنور بيضعف فاتصلت بالكهربائي قالي فك البطارية وهاتها احطها علي التونجر ياتري بقي ياشباب الصوت دة صوت من المارش ولا البطارية بتاعة العربيتين التانين اللي مش قادرين يقوموا دي علما بان كل حاجة شغالة الكاسيت والانتظار والتكييف والانذار مش عارف اية الحل دلوقتي افكها واروح للكهربائي ولا اعمل اية ارجو الافادة

اكيد التوصيلات مكنتش متثبته كويس
هيا كانت بمشابك قوية و كانت الكابلات تخينة و لا سلوك كهربا عادية ؟

على العموم اضمن حاجة فعلا وديها تتحط على التونجر

[tham1010]

Tito Sky لسة الحكاية حصلت معايا من أسبوع. مكنة الأستوب كانت معلقة ونور الفرامل نور طول الليل والصبح لقيت نفس الحكاية اللمبات مولعة ولكن التدوير للعربية مش كان ممكن. وكان فى صوت كدة وهو صوت المارش زى ما يكون بيزن كدة. المهم أخذت البطارية لبتاع البطاريات وشحنها لمدة 5 ساعات على التونجر وخد 5 جنية شحن والبطارية كانت زى الفل. طبعا لو البطارية جافة هتلاقى العين فيها سوداء الأن وبعد الشحن تخضر..............

[TiTo Sky]

انا العين عندي خضرا عادي

بسس لما اجي اوصل بعربية تانية ب تسود

علي العموم انا هوديها للكربائي