المشاركة الأصلية كتبت بواسطة mrastra
تبدا الحكاية يوم 28/4/2010 طلب منى زميل لى على خلق سيارتى لقضاء مشوار هام بالسنبلاوين ومعة اسرتة ...بدون تفكير وافقت نظرا للصداقة التى تربطنا ببعض وكمان عندى عربية تانية على فكرة اشتريت العربية دى من شهر واحد 2010 والرخصة باسم صاحبها من طنطا زميلى وهو فى اتجاهه الى السنبلاوين وقف فى كمين اسمة القاسمى وسالوة عن رخصتة ورخصة العربية اداهم للظابط قالو العربية دى مش باسمك فين صاحبها قاله انة واخدة من صحبى رايح بيها مشوار قالوة لا لازم يجى صاحبها العربية دى انت سارقها .....تخيلو عملة محضر وقبضو علية وعلى العربية واتصل علية وهو فى قمة الخجل وحكى لى اللى حصل المهم وكيل النيابة اشر انة يتم التحفظ على العربية وزميلى دخل الحبس فى مركز السنبلاوين والموضوع كبر اوى المهم كان يوم اربع تقريبا وانا عندى شغل مش هاعرف اروحلة المهم افرجو عن زميلى ومشي هو واسرتة حوالى 3 بليل من هناك رحت مركز السنبلاوين يوم السبت قابلونى صراحة كويس اوى وقالو ان تقشيرة وكيل النيابة انها لازم يتفرج على العربية من ادارة المرور متخفش جنبنا هنا مش بعيد المهم رحت لقيت العربية فى حتة مهجورة كدة واللابع فرد كاوتش على الارض نسيت اقولكم ان امين الشرطة اللى عملى الورق اخد عشرين جنية والحارس بتاع المكان المهجور اخد 5 جنية .....فى مشكلة دلوقتى ازاى انفخ الكاوتش ركبت توك توك ورحت عند بتاع كاوتش وجه معايا فى التوكتوك وفك الفرد اللى ادام ورحنا للمحل ونفخناهم ورجعنا ركبناهم واخدنا الفردتين اللى ورة ورحنا نفخناهم ورجعنا ركبناهم المهم طلع معايا عسكرى عشان نروح ادارة مرور السنبلاوين بالمحضر اللى معمول الحقيقة مهما وصفت المرور دة مش هاوفية حقة فى حتة مهجوزة كدة وشارع عرضة حوالى اربعة متر وكلها عربيات نقل تقيل بتفحص المهم قابلنا هناك مساعد شرطة قالى رخصتها سارية قلتلة اة قالى هاطلعهالك النهردة بس انت شخلل ادتله عشرين جنية .... نسيت اقول انة عشان يستلم مننا العربية قلنا استنو سعتين عشان رئيس الوحدة بيفحص العربيات وهو اللى بيقشر انى استلم العربية قلت اشرب كباية شاى انا والعسكرى الغلبان اللى معايا ....والله بدون مبالغة المجارى ضاربة فى المكان اللى كنا بنشب فية الشاى والسعتين عدو اكنهم يومين على .....اول ما مساعد الشرطة استلم الورق راح جايب الاربع فرد كاوتش على الارض اللى انا لسة نافخهم وكلفونى 30 جنية نفخ وتوكتوك وكتب على ازاز العربية من ادام جنايات رقم كذا كذا انا مستغرب جدا هو فى اية بالظبط .......معلش استحملونى شوية لو كنت طولت بس انا والله محروق ونفسي كنت اطلع اى جنسية تانى غير انى مصرى .....مساعد الشرطة قالى هات ورق فحص عشان العربية لازم تفحص ومالة جبت ورق فحص وطفاية اكنى بجدد بالظبط وهنا بدات المشكلة اخر رقم فى الموتور من على اليمين غلط لازم يا باشا تجيب شهادة بيانات من المرور التابع لية العربية اللى هو فى طنطا..... قلتلوة ماشي ادينى جواب لادارة مرور طنطا اجيب بية شهادة بيانات لفك الضبط ادانى الجواب بس معرفتش انة مش مختوم الا تانى يوم اما رحت مرور طنطا والحقيقة هو مبنى شيك صراحة بس موظفين مش بشر اى حاجة تانى غير انهم بشر بيفهمو او كدة .....هناك مقسمنها بالارقام ورقم سيارتى عند واحد اسمة عبد النبى او اسف اسف الاستاذ عبد النبى انا اصلى جالى حالة نفسية وبقوم باليل مسروع بديلة الجواب بدون كدب رماة فى وشي وقالى لازم يكون مختوم
طبعا كنت متفائل انى هاجى بعربيتى فا رحت بالمواصلات ما اخت العربية التانية نزلت من هناك واقرب بيجو لمرور السنبلاوين عشان اختم الجواب طبعا لازم اركب للمنصورة الاول واغير من هناك لغاية السنبلاوين وبنزل فى حتة واركب تكتك وقبل المرور يجبى بكيلو الواد بتاع التكتك مش بيرضى يدخل جوة عشان بيقبضوا على التكاتك رحت وختمت الجواب بس الوقت كان عدى روحت القاهرة ومن النجمة بالمواصلات رحت طنطا عشان اجيب شهادة بيانات تخيلو عبد النبى باشا بيقبل الورق من الساعة 9 الصبح لغاية 11 الصبح برضة المهم اديتة الجواب ودفعنى 30 جنية لزوم شهادة البينات لفك الضبط وحصل ما كنت اتوقعة شهادة البينات طلعت بنفس الرقم اللى فى الرخصة اللى هو غلط ومش مطابق للبصمة بتاعة الموتور قلت لالالالالالالالالالالا بقى لازم اشوف حد مسؤل دخلت على نقيب هناك اسمة محمد بية بس للاسف معمل اى حاجة وقالى كلمنى من الشباك ببص على الشباك لقيت انى عقبال ما اوصل الوقت هايكون عدى المهم قلت اروح السنبلاوين وانا ونصيبى رحت فعلا وقالى فى غلط فى شهادة البيانات انت مغير الموتور قلتلة لو انا مغيرة ازاى هاجيب موتور كل ارقامة واحدة واخر رقم بس اللى متغير المنطق بيقول انة اتنقل غلط لالالا هو انت مغير موتور طب والعمل اعمل اية دلونى
دخلت على قائد الوحدة طردنى ولا فلوس نافع ولا اى حاجة نافعة وخلاص الساعة بقت اتنين ونص اليوم هايروح فين وفين اما قلتلة انا معتصم عندك هنا فى المكتب وهاتلى امن الدولة تشوف مشكلتى الظاهر صعبت علية قالى ماشي ادفع خمسين جنية غرامة واستلم العربية ياااااااااة اخير هاستلم العربية اللى ما بقتش عربية من الركنة فى المكان اللى وصفتهلكو المفجاة بقى انى ادانى العربية صحيح بس الرخصة قالى تستلمها من المرور بتعها طنطا طب يا عم ادينى اى ايصال لا ادينى شهادة فك الضبط لا ادينى فى سنانى حتى لا ونفخت العربية بنفس الطريقة السابق ذكرها وانا راجع القاهرة خفت لحسن اتمسك فى كمين القاسمى اللى العربية اتمسكت فية قبل كدة المهم انا عارف ان الملف والمحضر هايخدو يجى اسبوع عشان يروحو طنطا وبينى وبينكم انا كنت غبت من الغشل بتاعى كتير وسببلى حرج
قلت استنىى شوية بس فى مشكلة الرخصة هاتنتهى يوم 5/9/2010 ولو انتهت فى مشكلة كبيرة المهم رحت طنطا اواخر شهر 8 سالت على الرخصة قالى اة جت طب يا عم ادهالى قالى ( عبد النبى باشا ) لازم تفحص يا عم انا هانقل ملكية اية لزومة الفحص هو كدة انت سمعتنى طب ماشي افحص والفحص بتعه هناك غريب شوية بعيد عن المرور بحوالى 3 كيلو كدة ومالة رحت واشتريت طفاية عشان الطفاية اللى فيها دمها تقيل حبتين دة من وجهه نظرهم طبعا المهم فحصت وتمام التمام ادينى يا عم الرخصة قالى لا لازم تدفع غرامة مش عارف اية كدة ومالة ادفع انتو الحكومة ولازم نسمع كلامكم قالى روح للظابط خلية يديلك توريدة وادفعها الظابط قالى لا معنديش والله توريدة وخدو بالكم عشان توصل للظابط لازم تقف طابور اد من هنا واسكندرية كدة وبمنتهى البساطة يقلى لا مش عندى وصفلى مكان كدة اروحة وادفع هناك رحت للمكان دة بتاكسي بعيد اوى عن المرور قالولى انت اية اللى جابك هنا هو الظابط ابن الـ..... بيدوخك لية يلة يا فندى رحلة هناك وخلية يدفعك رجعت على طول بتاكسي ووقفت نفس الطابور تانى المهم دفعت هى هى هى هى عمركم شوفتو واحد بيضحك عشان دفع فلوس اهو انا رحت للباشا تانى ادى الفحص ادى ايصال الدفع ادى البيضة واللى شواها ادينى بقى الرخصة ههههههههههههههه ضحكة كبيرة اوى من قلبة وقالى ما ينفعش لازم صاحبها اللى يستلمها طب منا معايا توكيل لالالالالالالالا طب صباح الفل لالالالالالالالالا يا عم انا هانقل ملكية يعنى ملوش لزوم اللى بيحصل دة قالى ماشي هاتنقل ملكية يبقى فكلى النمرتين واديك شهادة بيانات للمرور بتاعك فكرت شوية كدة وقلت طب انا لو فكيت وسلمت النمرتين ومعرفتش اجدد فى المرور اللى انا تابع لية هاتبقى مشكلة والعربية خلاص كدة هاتنتهى واولع فيها احسن خفت بينى وبينكم اعمل كدة المهم من التوكيل اللى معايا جبت عنوان اللى بعهالى ورحتلة البيت لقيتة بيشتغل فى اسكندرية جبت رقمة وكلمتة قالى انا جاى السبت ونشوف الموضوع دة فعلا اتقابلنا السبت ادام المرور طنطا وقالى عاوز الف جنية طلع انسان معدوش دم من هنا لهنا وصلت 500 جنية وفعلا استلمت الرخصة ما بقتش مصدق والله العظيم معقولة انا مش هاجى عند عبد النبى تانى اةةةةة اسمة عبد النبى مش الباشا منا خلاص بقى مش عاوزة فى حاجة ورحت مرور مدينة نصر بتاعى والله ربع ساعة دفعت الضريبة والتامين بس قالى لازم تسلم اللوح فى المرور هناك وتجيب منهم شهادة بيانات يالهوىىىىىىىى تانى طنطا وتانى عبد النبى رحت اداى ورقة اروح بيها للمكان الغريب اللى بيفحصو فية العربيات عشان يقولو ان فعلا النمر دى بتعتنا اسمها مطابقة بصمة للنمر بخلاف تماااااااااااااااما مطابقة البصمة ورحت لعبد النبى انا يا عن سلمت النمر تصدقو انا نسيت حاجة اية هى شهادة المخالفات برضة غريبة اوى عندهم شهادة المخالفات فى المحكمة مش فى نيابة المرور فى وحدة المرور لالالا وكيل النيابة هناك بيجى 11 ونيابة المرور اللى فى المحكمة فى الدور السابع بس الحمد لله فى اسانسير وقفت عادى مستنى دورى فى طابور اسانسير بس للاسف اى وكيل نيابة يجى او مستشار او قاضي ما ينفعش تركب معاة الاسانسير تستنى عشان تقريبا رحتنا وحشة او حاجة زى كدة والله معرف السبب كل اما خلاص قربت للاسانسير يجى واحد منهم ويطلع الاسناسير بية هو ختها من اصرها وطلعت سابع دور ونزلت اعدت على قهوة لان المخالفات هاتطلع الساعة 11 بس الحمد لله ما طلعش عليها حاجة ........ بس ادى حكيتى مع مرور طنطا اتعذبت اوى والله واثر بالسلب على شغلى ونفسيا وحياة ربنا فعلا بجد بجد انا مستغرب خصوصا انى صميم شغلى الكمبيوتر وقواعد البينات والربط جالى شلل من اللى حصل معايا لانى مهما حكيت مقدرش اوصف مثلا طابور انا وقفتة او كلمة جارحة اتقالتلى او توصل لغاية شباك ويؤلك هاتلى طابع شرطة وتعالى تانى هو لية بيحصل معانا كدة انا حاسس ان الموضوع بسيط اوى لو ان موظف عاوز يستعلم عن سيارة فى اى حتة فى الجمهورية لية ميكنش من كمبيوتر متصل بشبكة وان كان نفسي احمد زويل يكون رئيس الوزراء بتعنا يلة اترككم فى رعاية الله
|
و هو ده سبب اني بارخض 3 سنين حتيلو الضريبه هاتبقي 10 الاف مش الف واحد .. و هو ده نفس سبب اني لما باشوف كامين بارجع و الف و اخد طريق تاني حتي لو الطريق البديل ده هايوديني محافظه تانيه.
__________________
Why?...Cause I can
The Raise of the Don ... Don Johnny
Don Capone
Everything is personal ...every bit of Business , every piece of Crap every Man has to eat everyday of his Life is personal..
///
01-11-2010, 11:28 PM
رد: تحبو تسمعو حكايتى مع مرور طنطا؟
