اية رايكم في الديهاتسو تريوس 2010

[بومحمد]

السلام عليكم ورحمه الله

اخواني الكرام

اية رايكم في الديهاتسو تريوس 2010 4 باب سعرها في مصر حوالي 150 الف جنيه

ممكن اعرف ميزت التريوس وعيوبها

ولو في سيارة سعرها قريب من سعر التريوس ومميزه عن التريوس

بس اهم حاجه تكون السياره عليا عن الارض مش شرط تكون دفع رباعي

افيدونا جزاكم الله خير

اخوكم ابومحمد

[بومحمد]

ولا واحد قادر يفيدني يا جماعه اللي جرب التريوس ياريت يقول رائيه فيها

اتوكل علي الله ولا ايه افيدوني ارجوكم ....ptmnlo123per144

[hazem_khidr]

التريوس الصغيره تقفيل ياباني
و الكبيره تقفيل اندونيسي و تقفيلها اقل من الاخري بالتأكيد
لكن العربيتين لم يظهر منهم اي مشاكل
لو عاوزها توكل علي الله عربيه ممتازه

[luckyman]

الدايهاتسو التيريوس هى سيارة مدمجة الحجم تنتمى الى فئة سيارت الدفع الرباعى مقارنة بطرازها السابق البسيط تجد انها سيارة عصرية جدا ومميزة كما ان حجمها المدمج لا يتعارض كونها سيارة متينة جدا ورشيقة والاهم انها سهله القيادة كسيارات الهاتشباك مما يمكنك من قيادتها بمنتهى السهوله داخل مدينة القاهرة او مدن مصر المزحمة تتمتع هذة السيارة بطول 4075 ملم وعرض 1745 ملم والارتفاع 1760 ملم مع قاعدة عجلات يبلغ طوله 2580 ملم مع ملاحظة انها تمتلك رفاريف قصيرة لجهة المقدمة والخلف مما يعطى انها سيارة هاتشباك ويبعد هنها مظهر الرهبة الذى تتمتع به سيارات هذة الفئة وبالتالى تلاحظ ان العجلات الاربعة كانها فى اقصى زوايا السيارة لكن دة بيبرز حجم العجلات الضخمة دة من ناحية التصميم الخارجى داخليا تاتى بعدادات مجوفة مميزة بطابع رياضى كبيرة الحجم مما يسهل من مرقبتها دون الانشغال عن الطريق كمان اعتمد فى تصميم الكونسول الوسطى على العملية ولبساطة وممكن تاخد العربية دة خمس ركاب بكل راحة علما انة برغم صغر حجم السيارة العام الا انها تتمتع بكابينة فائقة الحماية وبها كافة عوامل الامان بسبب متانة بناء مقصورة الركاب نروح دلوقتى للمحرك تتمتع بمحرك مكون من اربع اسطوانات سعة 1.5 لتر يتمتع باداء عالى وموثوق ومميز جدا حتى على السرعات المنخفضة مما يوفر تسارع ملحوظ خذ بالك انة محرك من تويوتا بيستخرج طاقة 105 حصان عند 6000 لفة لكل دقيقة وعزم جيد يبلغ 14.3 كلغ /م المحرك بقى يتمتع بنسبة انضغاط عالى تصل الى 10 الى واحد يعنى تستخدم بنزين عالى الاوكتين علشان تاخد احسناداء من محرك سيارتك طبعا بقى المفاجأه انة اقتصادى بشكل فريد 8.6 لتر لكل 100 كيلو متر كمتوسط لكل السرعات تعتمد السيارة اجهزة تعليق مستقله للعجلات الاربعة وبالتالى ممكن تعمل مناورة بها بكل راحة طبعا يعزز الاداء دة كما قلت فيما سبق الطاقة العالية المستخرجة من المحرك على سرعات بطيئة مما يضمن تسارع جيد الفرامل الاماميةديسك والخلفية طبله اتمنى انى اكون قدمت اهم ما تتميز بة هذة الرياضة المتعددة الاستخدمات خالص الامنيات لك ولكل اعضاء المنتدى وافر الشكر والاحترام تحياتى

[خالداعزالناس]

السياره مش حلوه خالص
مدمجه جدا جدا
هتتخنق منها
انا سقت شكلها الجديد
طبعا هتعجبك
عشان عاليه
وجديده
بس ضيقه من الداخل