اسمعوا ايه اللى حصل معايا النهاردة :-
روحت المرور بتاعى الساعة 8.3 ص واشتريت ملف الفحص واخدنا بصمة الموتور والشاسية وكله تمام ودخلنا على الاستاذ اللى بيطالب المرور التانى ( السويس ) بمطابقة البصمة قام قايلى روح للظابط خليه يئشرلك دخلتله طلب شهادة بيانات
وهوبااااااااااااااااااااا اااااا شهادة البيانات اللى عملها البياع مكوب فيها موجهه للشهر العقارى والظابط راسه والف بلغة ماهو مئشروعاوز شهادة بيانات متوجهه للمرور بتاع سعادته ونقوله دى عربية مرور السويس يعنى كده كده هنروح نطابق بصمة فئشرلنا بالمطابقة واحنا هناك هنجيب شهادة البيانات عشان يبقى المشوار واحد حرام عليك مشوارين فى الراس بتوجع ( ومتهيالى مافيهاش حاجة لو كان ظابط عاوز يتعاوز مع المواطنين ) وهو راسه والف بلغة مانيش ماضى الا لما تروحوا تجيبوا شهادة البيانات متوجهه للمرور بتاعى ( وحسبى الله ونعم الوكيل ) خبطنا مشوار للسويس عشان شهادة البيانات وهناك بقى الدنيا ايه قمة الهرجلة والهرج والمرج وواخدين شقة (كانت استراحة كبار زوار الاول ولما المرور اتحرق عملوهالهم مؤقتا ) طب يا جماعة عاوزين شهادة بيانات من الشباك ده حلو طب عاوزين مخالفات لا المخالفات مش من هنا
خااااااااااااااالص امال منين من مجمع محاكم السويس يا نهار ابيض طب الاستعلام الامنى ايه اللى انت بتقوله ده مفيش حاجة هنا بالاسم ده ولا اقولك روح مديرية امن السويس وطبعا بعد اللف والدوران والسؤال والدوخة خلصنا شهادة بيانات للمرور وكمان للشهر العقارى وكمان المخالفات ( اللى هى طبعا بتطلع بدون مخالفات عشان المرور اتحرق ولما يبقى يتظبط هيبقوا يحطوا المخالفات على الرخص باثر رجعى طبعا ( طبعا كله اى كلام وخلاص والكلام ده بيتكتب فى الشهادة )وطبعا الاستعلام الامنى بخخخخخ ورجعت للمرور هنا كانت الساعة 3.3 العصر وشكرا للمروروللبيه الظابط اللى مورهمش حاجة غير العكننة مع الناس وكان هيجرى ايه لو كان تعاون وجبنا المطابقة بالمرة .
والى لقاء اخر لاستكمال المعاناة ان كان فى العمر بقية .
اه انا نسيت اقول على المرور العظيم اللى انا تبعه وهو مرور الوراق مش مرور العجوزة المحترم حتى لا نظلم احدا( وعشان مرور العجوزة خف الضغط عليه بعد عمل مرور الوراق المجيد ) .
: sd:
22-04-2013, 11:33 PM
رد: اختلاف المرور
شهادة البيانات اللى عملها البياع مكوب فيها موجهه للشهر العقارى
