استفسار عن المارش

[zmzm0000]

المشاركة الأصلية كتبت بواسطة moca_moca طب لو العربيه دايره وبدل ما ابطل العربيه رحت مدور المارش بالمفتاح بالغلط يعني ايه اللي يحصل للمارش ؟

انت وحظك ممكن ترس المرش يتكسر منه سنان او ترس الفلام يتكسر منه سنان بس دي نادرا ما بتحصل الا لو اتكرر الموضوع كتير

[ahmed_eng2001]

المشاركة الأصلية كتبت بواسطة mr_astra حضرتك تقصد تركيب المارش من الدخل لو اللى فهمتة صح المارش عبارة عن جزئين او عضوين عضو دوار الروتر وعضو ثابت سيتاتور العضو الثابت عبارة عن جسم المارش من الخارج وبداخلة شرائح حديد معزولة عن بعضها تشكل الجسم الداخلى وملفوف عليها سلك البوبيناج وهو سلك نحاسي معزول اما ذو مساحة مقطع مستدير او مستطيل وفى الغالب بيكون 2 قطب شمالى وجنوبى ايضا مثبت على جسم المارش جلب الدوران ( طبعا 2 جلبة من الجهتين ) ومثبت على الوش الحاكم الشربون وفى الغالب عبارة عن 2 او 4 وهو عبارة عن قطع من النحاس او الكربون تسمح بانزلاق الكروكتور عليها ووظيفتها توصيل الكهرباء ذات الفولت المستمر الى العضو الدوار ( الروتور ) الروتور :- عو عبارة عن شرائح حديد معزولة عن بعضها من نفس خامة العضو الثابت ولكن ذو فتحات للخارج عكس العضو الثابت ويوضع فى تلك الفتحات قطبان من النحاس المعزول ذو مساحة مقطع اكبر من العضو الثابت وتجمع نهايات تلك القطبان فى حلقة مستديرة تسمى الكروكتور المشارة الية باعلى ويمر بداخل شرائح الحديد المذكورة اكس المارش ويثبت على احدى نهايتة ترس يسمى ترس البندكس لنقل الحركة من المارش الى حدافة او فلام الموتور يوجد جزء كهربى اخر مثبت على جسم المارش من الخارج يسمة "الاوتوماتك" ووظيفتة تحريك ترس البندكس لاعلى اثناء ادارة الفولام وبعدها ارجاع ترس البندكس الى مكانة لتلاشى حدوث احتكاك بعد اتمام دوران المحرك تقبل مرورى

الله ينور عليك
موضوع تستاهل الشكر عليه

[ابو حازم]

تركيب المارش بالصور مش عارف اررفع الملفات حد يدلنى لو سمحتوا يا اخوان

[samirayad]

أدخل على هذا الموقع الخاص بالمنتدى

http://www.masr1.com/

وأعمل browse للصور عندك بجهازك ( وحدد صوره واحده )

ثم أعمل upload

وبعد التحميل

خد direct link

فى صورة copy

وروح بيه على مربع الردود بعد ماتعلم على أيقونة رفع صوره

وأمسح الحروف دى http:// من السطر الموجود فى شباك الصوره إللى هيطلعلك

مع الضغط على أيقونة رغبتك فى وضع صوره

وأعمل past للينك إللى معاك مكان مامسحت بعنوان الصوره

ثم دوس ok ( الموجوده فى شباك رابط الصوره المباشر)

هتلاقى كله فى السليم

والصوره راحت لوحدها على مريع الردود للمشاركات

[abo abdallah]

حصلت معايا .. دورت الموتور وهو أساساً داير
اتحرق طقم الشربون فى المارش وكنت مضطر أرميلها ( زق يعنى ) علشان تدور .. بس بعد كده اكتشفت ان الموضوع بسيط جدا .. وديتها عند كهربائى غير طقم الشربون ونضف الرواتر .. واشتغلت احسن من الأول .