الفانتزيا اتخبطت..حسبي الله ونعم الوكيل :(

[احمد على 1999]

المشاركة الأصلية كتبت بواسطة ah_boba_ly بس بأمانه نفسي اعرف رأيكو ف البني ادم الي يخبط عربيه حد واقفه ف الشارع والشارع واسع ومش ملطش يعني وياخد بعضه ويمشي ويعمل فيها عبيط ؟؟؟

رايى حرام و لن يفلت من عقاب الله لو انت مسمحتوش
لان كلنا معرضين للخطأ بس كونه يمشى من غير ما يسيب اى بينات ليه لحد من الشارع او حتى حتة ورقة يحطهالك تحت المساحة يكتب فيها اعتذار و نمرته فكده يبقى خيانة

[Kemo Kono]

للاسف ...محدش يعرف ظروف الناس ....عموما انا الشارع عندى ضيق شوية بس يعدى عربيتين مرتاحين ....من كام يوم بليل الساعة 1.30 تقريبا ...سمعت بم و ازاز بيتكسر ... طلعت لقيت عربية واحد جارى ( شيفروليه افيو موديل 2009 ) متغطية وواقفة ف حالها ...وواحد معاه نص نقل ( دبابة ) و خبط المراية بتاعتها و حكها على خفيف ف الباب اليمين ....بس طبعا هو كان مستعجل و رايح المستشفى ( قريبة جدا من بيتى على بعد 150 متر فقط ) و معاه واحد متعور ف ايده عند الشريايين و بينزف .....بس هو وقف و سأل على صاحب العربية اللى اتخبطت ( بس طبعا صاحبها مستناهوش يسأل عليه لان صاحب الافيو بص من فوق و شاف الحكاية ) و نزل له صاحبها و بعتنا واحد من الشارع يسوق النص نقل و يوصل الراجل المصاب للمستشفى ..اما السواق فضل واقف مع صاحب الافيو و كلموا التوكيل و عرفوا سعرها .......بس للامانة معرفش اذا كان السواق بتاع النص نقل صلح المرايه على حسابه ولا لا .....
طبعا كل اللى معاه عربية واقفة ف الشارع اتفزع و انا اولهم .....ربنا يسترها بس احنا لازم نقدر ظروف الناس ....مع ان مفيش مبرر ان حد يرزع عربية حد واقفة ف الشارع و يمشى .....اكيد ضمير اللى خبط عربيتك بيأنبه ...بس بعد فوات الاوان ...و ممكن ( كل شىء جايز ) تلاقيه جاى كمان يومين و يسأل عليك و يتأسفلك ( مع ان المصرى مش بيتأسف بسهولة كده )
ربنا يعوض عليك
اكيد اسف على الكلام الكتير ده ...

[mtaiea]

احمد ربنا انها جت على اد كده ويا ريت لو تسبها شوية عشان تغزى العين انا عندى واحد صحبى معاه لانسر 2009 وكانت ركنة تحت البيت ومش قادر اقولك بقى على وسع الشارع يعدى حوالى 6 عربيات جنب بعض وعيل صغير بتاع 15 سنة كان سايق عربية نص نقل ودخل فيه من ورا انا مش هقولك حصل ايه كل اللى هقولهولك ان موتور النص نقل وقع واللانسر دخل فى سور البيت وعدت من الناحية التانية ولك ان تتخيل ايه اللى حصل فى اللانسر

[ah_boba_ly]

يا حول الله يا رب للدرجه دي الناس بقيت مستهرتره ... بصرف النظر عن الي بيحصل دا اهم حاجه صاحب العربيه طظ ف العربيه كلها...ربنا يسترها معانا جميعا يا رب والشعب دا يتغير والي مش يرضاه ع نفسه مش يرضاه على غيره وكمان يبقى عندنا مبدأ الاعتذار وكمان الي يبوظ حاجه يصلحها انتا مش ضامن ظروف الشخص الي انتا روقتله العربيه دا يمكن مش بتاعته او مش معاه فلوس يصلحها ساعتها هيدعي ع الي خبطه دا دعوه مستجابه ع طوووووول...وشكراااا ع ردودكم جميعا

[محمد شهاب]

يا حول الله يا رب للدرجه دي الناس بقيت مستهرتره ... بصرف النظر عن الي بيحصل دا اهم حاجه صاحب العربيه طظ ف العربيه كلها...ربنا يسترها معانا جميعا يا رب والشعب دا يتغير والي مش يرضاه ع نفسه مش يرضاه على غيره وكمان يبقى عندنا مبدأ الاعتذار وكمان الي يبوظ حاجه يصلحها انتا مش ضامن ظروف الشخص الي انتا روقتله العربيه دا يمكن مش بتاعته او مش معاه فلوس يصلحها ساعتها هيدعي ع الي خبطه دا دعوه مستجابه ع طوووووول...وشكراااا ع ردودكم جميعا


الصح انك تقول
لا حول ولا قوة الا بالله
اخوك محمد شهاب




تحياتى للجميع