معايا حوالى من 30 الى 60 الف جنيه وعاوز عربيه تكون قويه وعاليه الحقونى حمووووت من الحيره .... اختار ايه !!!!؟؟؟؟

[msa667]

بسم الله الرحمن الرحيم
اهلا بكل اللى فى المنتدى وياريت الخبراء يفيدونى علشان انا بجد حموووت من الحيره
اولا انا معايا حوالى من 30 الى 60 الف جنيه وعاوز عربيه تكون قويه وعاليه علشان الطرق عندنا فى الاقصر اجارك الله خاصه انى فى مركز مش الاقصر نفسها وبرده تكون حنينه فى استهلاك البنزين ومتكونش كل شويه تعطل واروح وااجى بيها وتكون قطع الغيار بتاعتها متوفره وفيها تكييف علشان الجو هنا حر جدا
انا شغلى بيتطلب منى طول النهار روح وجاى وساعات بيكون فى سفر وبمشى فى اماكن مايعلم بيها الا ربنا طرق ترابيه وقرف
ليا حوالى اسبوعين بدور وبقارن لغايه لما قربت اتجنن
اول حاجه فكرت اجيب حاجه عاليه من الارض وتكون واسعه قلت بقى اجيب تيجو او حتى تيريوس طبعا كل الكلام اللى بقول عليه ده مستعمل قالو ان التيجو حلوه بس صينى ومتعبه وقالوا ان التيريوس ان هيا توازنها فى الطرق السريعه هوا
بعد كده قلت اجيب حاجه سيدان لقيت انى ممكن اجيب بى ام 316 موديل 94 او 95 قالوا ان اسعار قطع غيارها نااااااااااااااار وغير كده مش موجوده وعندنا مفيش ميكانيكيه بيفهموا فيها
بعد كده قالولى هات شاهين قولت لما ابص عليها لقيت نااااااااس كتير بتقول انها حلوه ونااااااس كتيير برده بتقول انها وحشه وتابلوها زباله وتكييفها عبيط ومش مريحه فى القعده قلت لا كله يهون الا التكييف والقعده ..
بعد كده لقيت عربيه بيجو 405 موديل 2003 قالوا عليها حلوه وجامده واعتماديه وتكييفها حلو وغير كده قعدتها مريحه قلت هيا دى .... بس بتاااااااااااااكل فى البنزين بجد احترت جدا
ياريت تفيدونى
بس بعد اذنكم محدش يجيب سيره اللانوس والفيرنا والافيو واللانسر لانى مش بحبهم بالمره
وشكرا كل اللى حيتعب معايا....

[borio1704]

متهيألي التريوس هي الاختيار الأنسب حسب طلبك

أولا: عربية عالية وتستحمل المطبات

ثانيا: تكييفها ياباني.. ولا يعلى على الياباني في التكييف

ثالثا: أعطالها قليلة.. ماهي ياباني

رابعا: استهلاك البنزين بتاعها قليل لإنها 1300 سي سي

خامسا: موضوع الاتزان ده مش حيبقى مهم إلا لو جريت بيها فوق الـ120

سادسا: قطع غيارها ممكن تكون هي نقطة ضعفها عشان التوكيل القديم ما كانش كويس... لو تعرف حد في الأقصر بيوفر لها قطع غيار.. اسأل على قطع الغيار عنده ومتوسط الأسعار... ولو إن أسعار قطع غيار الدايهاتسو غالية شوية


ولو عايز نصيحتي.. اسأل على التويوتا أفانزا... فيها نفس المواصفات تقريبا إنهم أصلا عربية واحدة.


...

[Emgrand]

انا معايا حوالى من 30 الى 60

طب قول من 55-60
او من 25-30

[tamer.koko]

: 01FDAB~189: سوزوكي فيتارا عربيه جميله جدا وهتلاقي فيها اللي انت عاوزه

[screamseko]

المشاركة الأصلية كتبت بواسطة mazen mazen طب قول من 55-60 او من 25-30

:w6w2 005041113562663