الللحقووووونيييييي العربية كده باظت؟؟ مش عارفة اعمل ايه!!! مساعدتكم بسرعة يا ناااس

[Mai.Mohamed.Farid]

ميرسي جحا لحضرتك يا استاذ عمرو!!
انا كنت فعلا محتاجة اشوف صور الحاجات دي عشان ابقى عارفة الميكانيكي بيعمل ايه
انا اصلي مش عايزة اتعب والدي معايا وعايزة اعتمد على نفسي ف ميرسي مرة تانية

هو فعلا العامود بتاع الكامة بالظبط زي اللي في الصورة و مقطوم من النص كده
والصبابات انا شوفتها قبل كده بس الحاجات التانية ﻷ

هو عامود الكرنك ده بتاع ايه وليه باظ هو.كمان

[amr elsisi 1]

المشاركة الأصلية كتبت بواسطة Mai.Mohamed.Farid انا اقصد اني احسنلي امشي وانا مطمنة بدل المجازفة انا هلخص الحاجات اللي فهمتها من حضارتكم: 1- بلاش اغير عمود الكامة بس ويستحسن اخلى الميكانيكي يشوف الصبابات كمان لانه ممكن يكون سبب كسر الكامة من الاول سبب الكسر في ثلاث حاجات 1: تفويت ترس الكامة من علي عمود الكامة 2:عمر افتراضي 3:عدم وصول الزيت الي كراسي الكامة 2- بسبب ان الكامة اتكسرت ف انا لازمافك الموتور واتأكد انه الجزء الاسفل مظبوط او at least الميكانيكي ممكن يبص عليه من بره ومن غير ما يفك الموتور انا بقول لو في صباب معوج لازم يفك باقي الموتور لو ما فيش يبئي نغير الوش كلة او نصلح 3- مع اني مش بفضل الحل ده (لاني مش عايزة العملية تفتح معايا) بس في أخوة بينصحوني انس اغير وش السلندر بالكامل و اعمل عمرة للشنابر (مع احترامي بس ممكن حد يشرحلي ايه السبب ف كده) القصة كلها طالما فتحنا في عمرة وش يستحستن بالمرة طقم شمبر لانها السيارة مستعملة واكيد الشنبر خف بس دة كلة علي الطبيعة وحالة المحرك 4- انا قررت انه ان شاء الله لما العربية تتصلح وتدور اني هعمل صيانة كاملة للعربية وهغير السيور والفلاتر كلها مرة واحدة (انا مكنتش اعرف اني لازم اغير الحاجات دي قبل كده) بالتوفيق 5- في ناس نصحتني اني اكمل مع الميكانيكي اللي جنب البيت بس مش متخصص ف الاوبل وفي ناس قالت العكس وانه لازم حد متخصص ف الاوبل ..... انا بصراحة لسة محتارة بس انا ميالة اكتر للميكانيكي المتخصص حتى لو بعيد شوية و غالي حبتين و هضطر اني اقطرهاله كمان الاوبل بالاخص لازم متخصص وانا ارسلت لكم رقم ميكانيكي بتعامل معاة شخصيا في صقر قريش وبعد الحاجات اللي انا فهمتها من حضراتكم دي ف معلش انا طلباتي كترت و (ومشاركاتي بقت طويلة زيادة كمان معلش) ف معلش ليا طلبات كده: 1- بالنسبة لتغيير عامود الكامة كنت عايزة اسأل لو كان حد حصله كده قبل كده او سمع من حد مر بالتجربة دي ، ايه هي الاسباب اللي ادت لكده (غير الالتواء اللي ممكن يكون اتعرضله بسبب الصبابات اللي ف البساتن اللي مكنتش مخلياه ينزل)؟ وعمل ايه بالظبط وغير ايه؟ مش لازم تكون اوبل فكترا انا بتكلم عامة تمت الاجابة اعلاة 2- كنت عايزة اسأل عن احسن مكان متخصص ف الاوبل علشان اعمل للعربية الصيانات بتاعتها (يا ريت لو قريبة من المعادي او حتى ف مدينة نصر) ونمرهم وعناوينهم بليز لو سمحتم مدحت اوبل عن معرفة شخصية وفي زميل قال لكم فادي في المعادي ايضا 3- انا بصراحة مع اني اتعورت من الموضوع ده جامد بس بجد انا استفدت منه كتيييييير قوي، كفاية بس اراء حضراتكم اللي خبراتها لا تقدر بثمن.... انا طلبي ممكن يكون غريب شوية و خارج نطاق الموضوع نفسه ... بس انا عايزة اعرف ازاي ممكن اتعلم اكتر ف ميكانيكا السيارات ... يعني اروح حتة معينة ولا اعمل ايه؟ ممكن حضرتك تشرفينا في القسم التعليمي واحنا ان شاء الله نمشي معكم واحدة واحدة وفي النهاية انا اسفة اني طولت عليكم ف اسألتي وربنا يجعله في ميزانكم ان شاء الله. شكرا

ربنا يجعلها اخر الاعطال
الاجابة في الاقتباس

[amr elsisi 1]

المشاركة الأصلية كتبت بواسطة Mai.Mohamed.Farid ميرسي جحا لحضرتك يا استاذ عمرو!! انا كنت فعلا محتاجة اشوف صور الحاجات دي عشان ابقى عارفة الميكانيكي بيعمل ايه انا اصلي مش عايزة اتعب والدي معايا وعايزة اعتمد على نفسي ف ميرسي مرة تانية هو فعلا العامود بتاع الكامة بالظبط زي اللي في الصورة و مقطوم من النص كده والصبابات انا شوفتها قبل كده بس الحاجات التانية ﻷ اية هيا الحاجات التانية هو عامود الكرنك ده بتاع ايه وليه باظ هو.كمان

عمود الكرنك هوا العمود الرئيس للمحرك وهوا بدورة
يقوم بنقل الحركة الترددية الي الدورانية الي الدبرياج ثم الفتيس
وهوا ما يتم تركيب البستم علية
دة طقم الشنبر الي احنا قصدنا اياة وهوا الفاصل بين جدار الاسطوانة والبستم
وهوا ما يتم علية الاحتكاك ولذلك فانة يحافظ علي المحرك من تاكل اجسامة
ولاكن عندما يتأكل زيادة يتم الاحتكاك الكلي علي جدار الاسطوانة
وعلشان كدة يتم تغييرة علي فترات ولة اسباب يطول شرحها
الحلقات دي هيا الشابر


تخيلي الصورة دي وقولي ما ذا تعلمتي منها

[Mai.Mohamed.Farid]

استاذ عمرو انا لو كتبت نن هنا للصبح مش هقدر اشكرك بجد على اهتمامك و اهتمام الاساتذة الافاضل كلهم

انا فهمت من الصورة الاخيرة انه زي ما يكون 4 حجرات و كل حجرة بتعمل وظيفة (او ممكن هي وظيفة واحدة بس على كذا مرحلة والصورة عايزة تورينا كل المراحل) بس اعتقد انه دي غرف بتحصل فيها الاشتعال وكده صح؟

معلش انا مفهمتش اوي شرح حضرتك بتاع عامود الكرنك عشان انا مش عارفة انواع ال energy دي
انا اعرفهم بالانجليزي بس kinetic energy w mechanical energy w potential energy w electric وكده

عند حضرتك pdf مثلا يشرح الكلام ده بالصور؟ ويفضل لو كان بالانجليزي :S
انا بجد شاكرة جدا لحضرتك و مش عايزة اتقل اكتر من كده
وربنا يكرمك ان شاء الله انا عارفة اني تعبت حضرتك

[amr elsisi 1]

المشاركة الأصلية كتبت بواسطة Mai.Mohamed.Farid استاذ عمرو انا لو كتبت نن هنا للصبح مش هقدر اشكرك بجد على اهتمامك و اهتمام الاساتذة الافاضل كلهم يا فندم ربنا يديم المعروف نحن نستبق الي رضا الله انا فهمت من الصورة الاخيرة انه زي ما يكون 4 حجرات و كل حجرة بتعمل وظيفة (او ممكن هي وظيفة واحدة بس على كذا مرحلة والصورة عايزة تورينا كل المراحل) بس اعتقد انه دي غرف بتحصل فيها الاشتعال وكده صح؟ علي السريع كدة وراجعي علي الصورة تاني المحرك لتتم الحركة به وجب تكوين اربع اشواط وكل شوط متعلق بعمود الكرنك و الكامات عن طريق سير او كذا وسيلة فيما بعد بالترتيب وراجعي علي الفدية بهدوء(معزرة الكلام بالعامية والمختصر الشديد) 1:شوط السحب ويرمز لة بالون اللبني وفية البستم بيكون في اول مشوارة في الاعلي وهوا نازل عمود الكامات بيفتح الصباب ليدخل الهواء والبنزين 2:شوط الضغط ويرمز لة بالون الاحمر وفية يتم البستم بالصعود الي الاعلي ضاغطا امامة الهواء والبنزين 3:شوط الفرقعة ويرمز لة بالنار او النفجار وفية يكون البستم وصل الي اخر مشوار لة الي اعلي ثم تحدث الشرارة عن طريق البوجية مثببة انفجار مما يؤدي الي اجبار البستم الي النزول ومن هنا تتولد الحركة 4:شوط العادم ويرمز لها بالون الرمادي وفية يكون البستم انها شوط القدرة وعند صعودة الي اعلي عمود الكامات يفتح الصباب خارجا امامة العادم طبعا الموضوع بالتناوب علي الاربعة برجاء مراجعة الصورة جيدااااااااااا معلش انا مفهمتش اوي شرح حضرتك بتاع عامود الكرنك عشان انا مش عارفة انواع ال energy دي انا اعرفهم بالانجليزي بس kinetic energy w mechanical energy w potential energy w electric وكده الموضوع مختلف وان شاء الله سوف ارسل لكم بعض الروابط بالغة الانجليزية http://www.engineeringautomotive.com/ عند حضرتك pdf مثلا يشرح الكلام ده بالصور؟ ويفضل لو كان بالانجليزي :S انا بجد شاكرة جدا لحضرتك و مش عايزة اتقل اكتر من كده وربنا يكرمك ان شاء الله انا عارفة اني تعبت حضرتك

ادعلي لمصر ربنا يصلح حالها وحال اهلها