لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

[eng_karim_moh]

اولا مادام انت سليم يبقى كل شئ بعد كده بسيط
ثانيا من الواضح جدا ان مهاراتك فى القيادة لاتزال فى فترة النمو
ثالثا الاخطاء البسيطة من هذا القبيل تفيد كثيرا فى اكتساب الحذر والمهارة فى القيادة فيما بعد
رابعا هذا درس لك ان تستخدم الاشارات جيدا وفى مواقفها بشكل سليم
خامسا هذا خطأ مشهور فالطبيعى انك قبل الملف تنتقل الى اليمين او الوسط لتتفادى التزاحم الذى يحدث على الملف
سادسا اذا اضطررت ان تسير على اليسار وتراكمت عليك السيارات التى تريد ان تدخل الملف ولم تستطع انت ان تهرب منها فاعطى اشارة حتى يعلم من حولك انك لن تدخل الملف ولا مانع من استخدام اله التنبيه للفت الانتباه اكثر مع النظر جيدا فى المرايات وعبور هذه المنطقة بحذر وببطء
سابعا هذه الخبطة غالبا يمكن ان يتم اصلاحها على البارد بتكلفة بسيطة وشكل مقبول تماما
ثامنا ليست هذه نوعية الحوادث التى تحزنك واذا اردت ان تعلم ما شكل الحوادث الحقيقية تأمل ما يحدث على الطرق السريعة
تاسعا تأمل السيارات التى تسير حولك فى الطريق وانظر الى كم الخبطات والحكات التى تزينها
عاشرا مبروك على خبرتك المكتسبة وان استطعت ان تكتسب مثلها ولكن من خلال الاخرين وبدون ان تخوض التجربة بنفسك فافعل


تحياتى

[NicEgypt]

السلام عليكم ورحمة الله
الاخوة قاموا بالرد بتفسير ما حدث
وبالتالى مشاركتى هتبقى بخصوص التكلفة .. اعتقد بوجهة نظري ف حدود 20 ج
ايوة عشرين ج .. تترد ع البارد .. الرفرف يترد ع البارد وبدون فك .. هيفك بس الكرتيرة اللى تحت
ويخلصها ف نص ساعة بالكتير .. بس عايزة سمكري نضيييف ومحترف

[pharm45]

تصدق بالله انا حصلت معايا قبل كدة ولكن مش على طريق سريع كان طريق صغير وفيه uturn فلما قربت منه وكنت برده واخد الشمال اديت اشارة يمين ومكنش ينفع انقل عشان كان فى عربيات يمين وفعلا انتظرونى لحد ما اعدى...وانا تقريبا فى نص اللفة وانا بعديها لقيت حيوان قام ناطط قدامى بعربيته وانا مشغل الاشارة وصحبى اللى جنبى مطلع يديه طبعا كالى الاكصدام كله وبقى فى الارض وانا خبطهله البابين الشمال وبصلى وقعد يضحك ..طبعت وقفت ونزلت اهزقه لقيته جرى!!!!
متزعلش انك هتلاقى البهايم كتييييير لكن لازم تكون حذر...يعنى انا بقولك موقفى ده مع انى كنت مشغل الاشارة وهديت لحد لما اطمنت انم مفيش حد هيعدى من قدامى حتى اللى حنبى استنونى بس مرة واحدة لقيت عربية جاية جرى من قدامى!!!!!بس برضه انت اللى غلطان المفروض تشغل اشارة يمين او تهدى لحد ما تتأكد ان مفيش حد من جنبك هيعديك ويلف

[waelbaha]

اولا حمد الله على سلامتك
ثانيا الحمد لله الخبطه بسيطه
ثالثا نصيحتي ليك اوعى تفكر تصلحها وخليها على حالها كده وبكره تعرف اني معايا حق في اللي باقولهولك
ليه بقه؟
لما تيجي تبيعها كده حتقول انها فابريكه لكن لو صلحتها حتى في التوكيل لازم ساعتها تقول للمشتري انك راشش الرفرف اليمين وساعتها لو قعدت تحلف للمشتري مليون يمين ان هي دي الخبطه اللي دهنتلها الرفرف لايمكن يصدقك وحيفتكر ان الخبطه كانت اكبر من كده بكتير وممكن يصرف نظر عن الشراء
لو عاوز بقه تصلحها في التوكيل يبقى حتدخل على 700 جنيه لانه حيسخن ويسمكر ويرش الرفرف كله علشان فرق اللون مايظهرش وكمان يسرق حته من الباب علشان كده حتلاقي المبلغ كبر منك
ونصيحتي ليك بالنسبه للرد على البارد اوعى تفكر فيه لانه حيشوه العربيه اكتر من كده وحيكون شكلها وحش لان الرد على البارد مش ممكن يرجعها زي الاول ابدا
ده رايي وفي النهايه لك مطلق الحريه في الاخذ به ام لا
وربنا يحمينا ويحميك من شر الطريق يارب

[pharm45]

حضرتك مين اللى قالك ان الرد على البارد لا ممكن يرجعها للاصل...حضرتك انا خدت مرة خبطة فى الرقرف الشمال كلللللله دخل لجوة ..وادتها لسمكرى عندنا اعرفه ايديه تتلف فى حرير والله رجعا زى الاصل بالظبط بالظبط لو عاوزنى اصورك الخبطة بعد لما اتعملت على البارد مش هتعرف هى فين...حضرتك دى عاوزة سمكرى محترررف...وسيبك من التةكيل روح اعملها عند سمكرى شاطى مش هياخد غير 50 جنيع ومش هتحتاج ترش اى حاجة زى ما قال...انصحك تعملها على البارد ووالله ما هتحتاج رش خاااااالص...اسمع نصيحتى عشان انا مجرب خبطة انأح من دى والعربية رجعت زى الاصل والله...شوفلك واحد نضيف يعملهاك فى نص ساعة ولما تبيع اللى هتبيعلوا مش هيعرف انها اتخبطت ان شاء الله او لو عرف هيعرف انها مردودة على البارد مش على السخن ومرشوشة كماان..اوووووووعى اوعى