|
#176
06-08-2010, 06:16 AM
|
||||
|
||||
رد: أدب الرحلات
توفى عمى امس فى الصعيد وفوجئت باولاد عمى التانى بيتصلو بيا
وبيسألونى هتسافر ازاى فقلت بالقطار ليه ياعم والعربية فقلت المشوار طويل حوالى 450 ككيلو وانا فيا عادة زفت طالما ركبت العربية مش بنزل منها الا فى نهاية المشوار مهما كان طوله ولذلك مرة وصلت الى 12 ساعة قيادةوكنت مسافر اسوان و لم اتوقف الا فى سوهاج لتموين السيارة واشتريت سميطة اكلتها وانا سايق المهم رفضو وقالو عايزين نلحق الجنازة وانت كيف (مزاج) عندك القطار واحنا هنعطل ومش هنلاقى حجز هتروح انت ناطط فى اى قطار(مكيف / مدغدغ /مكسر) وتسيبنا وتسافر المهم انا اتحرجت ووافقت وطبعا 6 ساعات ونص رايح سفر متواصل لدرجة ابن عمى اتخنق منى وقال عايز اشرب شاى فقلت فى البلد ان شاء الله فنام على الكنبة اللى ورا لكن ونظرا لانه بيدخن فقام من النوم بعد ساعتين وعايز يشرب شاى والا هيرمى نفسه من العربية وانا بصراحة طنشت وكان الفجر لسه لم يؤذن واستغليت الفرصة ورفعت السرعة الى 190 على طريق اسيوط الغربى وهو عينه جات على عداد السرعة ونافوخه طاااار بعد عدة محاولات ومحايلات وغلاسة حبيت اخلص منها ركنت بعد م الشمس طلعت والرادارات ابتدت تشتغل لانى هنزل بالسرعة الى اقل من 90 طبعا طرائف وملحوظات الرحلة 1ــ شفت اعجب منظر ممكن اشوفه فى حياتى طريق اسيوط الصحراوى الغربى السرعة عليه لاتزيد عن 90 وانا بصراحة بعد فترة من السواقة بسرعة 85 مليت وزهقت فقررت اجرى وفوجئت بسواق ميكروباس الله يستره (رغم انى مبحبش سواقين الميكروباس لكن لابد من رد الحق اللى اهله ) ادانى نور من الجانب المقابل وفهمت ان فى رادارونزلت السرعة لكن راقبت الطريق ودورت على الكاميرا لقيتها فيـــــــــــــــــــــــ ــن والله دى نكتة لقيتها تحت عربية نص نقل جامبو وملموم حواليها كل سواقين النص نقل والتريلات اللى مخالفين السرعة وغيرهم وبيدو (يعطو)امين الشرطة اللى مسئول عنها اللى فيه النصيب ويمشو 2ــابن عمى بعد م شرب الشاى ومخمخ قرر ينام ففرد نفسه على الكنبة اللى ورا ونام وانا بقيت اتكلم مع اخوه اللى كان قاعد جنبى وعينى مراقبة المراية الداخليه علشان الطريق ورايا وفوجئت براس بنى آدم نطت فى نص المراية وببص لقيته ابن عمى اللى نايم ورا قام من النوم زعلان واتخانق معانا احنا ال2 لان صوتنا عالى وبسلامته مش عارف ينام ولو مسكتناش هينزلنا احنا ال2 ياعم هو انت راكب اوضة نوم و هو انت بتعرف تسوق علشان تنزلنا منها فقال ــ لأ بس هتصرف وبعدين طبعا قلبناها هزار لانه كان بيهددنا بس 3ــ الطريق الزراعى اصبح سىء جداااااااااااا جدااااااااااااااا جدااااااااااااااا لانى مشيته وانا راجع وده عبارة عن سوق خضاراو سيرك مش طريق سريع ومليااااااااااااااان مطبات صناعية من اللى تقسم اى عربية نصين وواضح ان اللى عمل كده عفشجى غالبا وبصراحة سواقين الميكروباس استفزونى اكتر من مرة واضطريت الاعبهم لدرجة ان واحد فيهم كان هيدخل فى تريللا فقررت اعتبرهم شوية عيال واطلع على الصحراوى الغربى لانى واخد من بلدنا لحد المنيا وهى تبعدعن المنياحوالى 170 كيلو فى 4 ساعات وهوشىء لايطاق 4 ــ من اعجب مارأيت على الطريق الزراعى هذا المنظر عربية نص نقل مفيهاش اى انوار والطريق ضلمة ونظرا لان السواق صعيدى عبقرى عمل ايــــــــــــــه علشان نشوف عربيته خلى واحد راكب جنبه فى الكابينة شغل كشاف الموبايل اللى معاه ووجهه امام العربية طبعا بسلامتى جاى اجرى وواخد الاتجاه المقابل (الطريق الزراعى اتجاهين وضيق جدا وضلمة وممكن تاخد الاتجاه المعاكس فى حالة التخطى الأمن لاى سيارة ) وفاهم ان مفيش عربيات لكن لفت نظرى نقطة ضوء رفيعة جدا بتقرب فانا قلت دى عجلة او موتوسيكل والطريق يكفينا لكن ربنا ستر وشكيت فى اللى جاى وبدقق فى الطريق المضلم اصلا واكتشفت الحكاية طبعا بقيت اضحك على المنظر 5ــ دخلت بنى سويف وسالت على محطة الغاز علشان امون العربية فقالو فى آخر البلد وهناك سألت الطريق الغربى اتجاهه ازاى فقالو ده بعيد جدا لكن الشرقى من هنا اقرب او طريق جديد اسمه طريق الجيش بس لو عربيتك مفيهاش الهوا(يعنى مفيهاش اى مشاكل فنية) لان مفيهوش اى خدمات على الطريق وبالليل محدش بيقف عليه لانه ضلمة كحل فكرت شوية لانى رايح البلد معايا 2 فى العربية راجع ومعايا 6 وبعدين قررت وقلت ياواد خليها على الله وربك مش هيكسفك و قد كان طريق لذيذ وجميل والسرعة القانونية عليه 120 واخوكم فتح البرجل فيه وفوجئت فى الظلام الدامس الكحل بعربية راكنة فركنت بس طبعا على م وقفت كنت مشيت حوالى كيلو لانى كنت ماشى بسرعة 170 ابن عمى /رايح فين قلت له/ هشوف الناس دى ربما يكونو محتاجين مساعده فقال ياعم الدنيا ضلمة وممكن يكونو حرامية والله انت م هتحرم الا لما يحصل لك حاجة فقلت له معلش روحت جرى عليهم وهو جاى ورايا ولقيتهم فعلا محتاجين مساعدة ايه الموضوع ياشبا ب فقالو جملة غاظتنى / عايزين صليبة نفك العجل لان العجلة ضربت انا (فى سرى) ايه ده ازاى تمشى من غير حاجة تفك بيها الكاوتش جريت جبت له الصليبة بتاعتى ولقيته جاب كوريك ودخل فيه مفك فقلت له فين باقى الكوريك ده فقال ضايع وانا اتغظت اكتر / لا صليبة ولاكوريك ايه الاهمال ده فجبت كوريك من عندى وركبته فى العربية ورفعتها وابتديت افك فى العجلة واثناء م انا منهمك واحد فيهم قال م تساعدو الراجل ياجماعة خد يااسلام الصليبة من الباشا وفك العجلة وابن عمى طرشق من الغيظ وقال / يظهر اسلام شقيان طول النهار مش قادر يمد ايده على العجلة وفعلا اخدوها منى وابتدو يشتغلو ومسبناهومش الا لما اتطمنت عليهم وجيت امشى حسيت ان فى مشكلة تانية رجعت لهم فقالو البطارية نامت قلت ادوها زقة هتدور فقالو العربية اتوماتيك فقلت شاورو لاى حد من سواقين النص نقل يديكم وصلة للبطارية لان معنديش وصلة وركبنا ومشينا ولقيت ابن عمى انفجر فيا وصرخ ف وشى وقال والله لو ابوك او مراتك اتصلو بيا وقالو خالد مخطوف والله م هدور عليك وضحكت على كلامه وكملت سواقة ولما وصلتهم البيت بص لى بغيظ وقال /صدقنى هنسافر كلنا ف عربيتى بعد كده وانت هرميك فى اول محطة قطارو تلحقنا على البلد 6 ــ الموقف ده من اطرف مواقف الرحلة وحصل قبل بلدنا ب5 كيلو فقط وانا ماشى بالعربية وفى بلد قبل بلدنا ب5 كيلو لقيت ايـــــــــــــــه جوز فراخ واقفين فى وسط الشارع والطبيعى جدا روحت مديهم كلاكس ولا ااااتحركو كمان كلاكس ولاهما هنا حاولت الف حواليهم الطريق ضيق وهما اتحركو شويه قفلوها عليا برضه والاعجب ان اهل القرية واقفين يتفرجو عليا ابن عمى قال عدى عليهم وخلصنى فقلت طبعا لا ساعتها كل اللى بيتفرجو دول هيتحولو لتتار ويكسرو العربية وتيجى عيلتنا تتحمق ليا وممكن يبقى فيها تار واخيرا اضطريت انزل واهشهم علشان نمشى التعديل الأخير تم بواسطة خالدخليفة ; 06-08-2010 الساعة 06:43 AM 
|
|
#177
06-08-2010, 06:38 AM
|
||||
|
||||
رد: أدب الرحلات
رائعة أخرى من روائع خالد باشا, بس الشباب دول تبتين (رذلين) بجد, ومتهيألى كانوا حرامية فعلا ومستنيين حد يقع لوحده, وأنت جيت ومعاك "ناس"  .
__________________
|
|
#178
06-08-2010, 06:44 AM
|
|||
|
|||
|
رد: أدب الرحلات
ههههههههههههههههههههههههه ههههههههه
والله انا قولتلك من الاول انتا مش هتبطل اللي انتا بتعمله ده الا لما تحصلك حاجه بعد الشر عليك وبعدين انا بردك عملت زيك كدا لما كان معايا ال 128 وقولت اروح مغاغة زراعي خدتها في 9 ساعات لما جالي بواسير من كتر السواقة ولزقت في الكرسي معرفتش اطلع منه ولما خدتها من علي الصحراوي بالظبط ساعة و 10 دقائق كنت في مغاغة شوفت الفرق قد ايه وبعدين البقاء لله في عمك يا عم خالد وربنا يرحمه
|
|
#179
06-08-2010, 06:48 AM
|
||||
|
||||
رد: أدب الرحلات
فعلا دول كانو محتاجين مساعدة لانى شفت العجلة نايمة وواضح انهم جايين من راحلة او رايحين رحلة لانى لقيت شنط كتير جدا وحاجات كتير مطلعينها من الشنطة وواضح ان كل ده طلع علشان يطلعو الاستبن ثم انا فعلا حاولت ادور العربية م دارتش لان بسلامتهم غلطو غلطة شنعاء (غلطتها انا قبل كده) انهم سابو الانتظار شغال و انوار العربية شغالة وواضح انهم بقى لهم مدة واقفين لان البطارية نامت بس هما تقدر تقول كده خايبين يعنى كل و احد خايف ايده تتوسخ او هدومه متفهمش على فكرة انا لسه جاى حالا من البلد بعد يوم طويل وسواقة لمدة 6 ساعات ونص رايح و7 جاى بس قلت لازم اتطمن على حبايبى هنا قبل م انام
|
|
#180
06-08-2010, 06:56 AM
|
||||
|
||||
رد: أدب الرحلات
وفعلا توبة من الزراعى بتاع الصعيد وسفر الصعيد بالعربية فليحيا القطار والسكة الحديد
|
 |
|
|
