اتنصب علياااا من ناااافع بتاع اول شاارع دمشق الحراااامى ( سااااعدوونى )

[hatem_eg]

المشاركة الأصلية كتبت بواسطة egy4arb مشكورييييييييييييين اوى يا رجالة انا خلاص بعت العربية من زمان و يكفينى انى عرفتكم انو نصاب و ربنا يعوض عليا

هههههههههههه مبروك انك بعت العربية وربنا يعوضك خير في العربية اللي معاك ويديك خيرها ويكفيك شرها ،،،،، بس بعد اذنكم انا ليا تعليق بسيط
ودي شهاده لله بصراحه ،، انا عربيتي كيا واتعاملت معاه اكتر من مره بصراحة بس استغربت اوي لما شفت التوقيع بتاعك ده في مشاركه تانيه فجيت اشوف ايه الموضوع لاني اعرف المحل ده.
بص انا جبت من عنده مره حاجات كتيره طنابير خلفية وتيل فرامل قدام وورا ومساعدين وكده ،،، الميكانيكي قالي الفرامل ورا بالطنابير بتاعتهم سلام ومافيهمش حاجه مجرد شوية تنضيف وظبط وحرام يتغيرو لسه فيهم عمر ، ولقيت عندي تهريب زيت فرامل من بستم صغير فقالي رجع الفرامل والكلام ده الخلفي مش محتاجينه وهات بداله البستيم ده ، فرحتله اديته الحاجه وقولتله معلش الراجل كشف عليهم لقاهم سلام حرجعهم واخد بدالهم البستم ده فقال مافيش مشكله ، فقلتله طيب اديني البستم التاني بالمره اكيد عمره قرب هو كمان ( بفتي من دماغي ) فأخدت اتنين الواحد تقريبا ب 90 في اتنين يبقا 180 ورجعت الطنبورتين والفرامل بحوالي 430 ورجعلي الفرق ، المهم رحت للميكانيكي قالي يابني حرام عليك انا قلتلك واحد والتاني اهو سليم حرام ، نغيره ليه ؟ على الاقل بتاع الفبريكه ومش بيبوظ اصلا غير فين وفين ،، رحتله تاني يوم ورجعتله قولتله معلش اصله التاني طلع سليم ، الراجل ولا قال اي حاجه ورجعلي فلوسي من غير بدل حاجه تانية.
اسف للإطاله بس الخلاصه ان الراجل بيرجع عادي مافيهاش حاجه في حالة ان الحاجه راجعاله مقفوله بكيسها ،، اما في حالتك مرجعله حاجه متركبة فمن حقه يشك ايه عرفه مش يمكن الميكانيكي وهو بيركب حاجه بوظها ؟ وطبعا اكيد هي طرمبة كهربا يمكن عمل حاجه بالغلط عملة قفله باظت منه ؟ ((( ده مجرد احتمال ))) وجايز هي عيب تصنيع بردو وده وارد جداااا ، بس ما تزعلش ، انت المفروض ما كنتش تمشي ، اتدبست في 40 جنيه كمان كهربائي يفحصها كنت قلتله لاااااا يا حبيبي (( ده الكهربائي )) كنت ركبته معاك في العربية وطلعته يجرب العربيه وتشوفها اذا فعلا بايظه والا لأ قبل ما تمشي وتدفعله اجرته وهو ساعتها اللي كان حيروح يقول لنافع ده انها فعلا بايظه وكان رجعها واخدت فلوسك وساعتها نافع يدفعاجرت الكهربائي فوقيها كمان لانه مش زمبك انت ، هو يحب يتأكد وماله لكن ما تدفعش انت لو هي بايظه فعلا ،،، طب انت مشيت والعربية عطلت بعد 200 متر بالكتير كنت رجعت ((((( في وقتها على طول )))) لو ماشي حته واخدت الكهرائي في تاكس يبص على العربيه ويغير الصيني التانيه بنفسه ويرجع لنافع بيها ويقوله ، غلطتك انك ضيعت حقك بنفسك والراجل بصراحه اتعاملت معاه كذا مره ما غشنيش في مره ،، واحيانا بلاقي عنده الاصلي والكوري والتقليد ابو مشي حالك ، ولما اسأله يقولي ده كويس وده يعني يمشي الحال وكله ليه سعره وانت حر وعموما هو خبره ما بيجبش المضروب عشان ليه سمعه كويسه لانه قديم ،، كون بقا عيوب صناعه ده عادي حتى في العربية الزيرو ممكن تحصل عادي بس ما كنتش تمشي يومها وكنت خلصت الموضع في وقتها مش تمشي وبعد كده تدور على حقك بالروتين المصري الممل.
فنصيحه عشان حرام شيل التوقيع ده مالوش لازمه ، ده مجرد رأيي يعني وانت براحتك.
نأسف للإطاله بس انا ما اعرفوش شخصيا والله بس قلت شهادة حق في راجل اتعاملت معاه اكتر من مره ما شفتش منه حاجه مش اللي هي يعني. والله اعلم ...

[egy4arb]

شكرااا لاهتمامك يا باشا اوى

بس عايز اقولك حاجة هوا و الكهربائى نصابين اساسا يعنى جنب بعض و متعودين شكلهم كدا و بيطبخوها سواا ..

الكهربائى طلعلى العيب مش طرنبة قالى دا السيكس بلف بايض و غيرة و طبعا هيفتحلى حوارات و يشتغلنى ... حسبى الله ونعم الوكيل دا انا شهرت بية

[Ahmed Sami mohamed]

لا طبعا مينفعشى تسيب حقك ....... حتى لو ربع جنية !!!!

[albashaalmohands]

الساكت عن الحق شيطان اخرص وحتي لو مرجعتش الطرمبه يكفي الي انت عملته علي المنتدي وكل الي يشوف رسالتك هيقول لصحابه كلهم ويبقي خربت بيته يستاهل النصاب ده
والله حاجه غريبه ده التاجر ماهو الا سمعه ان لله وانا اليه راجعون:w6w200504112246446 a

[egy4arb]

متشكر ليكم اوى يا جماعة

up
up
up