نظريه المؤامره الكبرى ! عاجل !

[سلفيه]

المشاركة الأصلية كتبت بواسطة كيمو كار كل الحكايات دى هوس من تزوير الانتخابات .. يوجد اشخاص معندهمش ثقه فى حد وعندهم هوس من تزوير الانتخابات بتكتب على الانترنت قصص وهمية عن تزوير الانتخابات .. يا جدعان لو الانتخابات اتزورت اتبان مع اعلان النتيجه .. اتتزور لصالح احمد شفيق .. والراجل ده معندوش شعبيه جامده يعنى بالانتخابات النزيهه مش ايكسب فلو كسب كلنا انعرف ان الانتخابات تبقى اتزوت .. لكن انا مطمئن ان الانتخابات مش اتزور... مش بالدرجه ديه .. كفاية خيال فى خيال .. هو الراجل عبيط علشان يدخل الصيدلية يحكى عن المخطط كده بكل سهوله وكمان يطلع بطاقة من جيبه انه حاصل على دبلوم قصه خياليه شويه وكل ده خوف وهوس من تزوير الانتخابات .. ويا ريت بلاش نقل مواضيع قبل التاكد من صحتها واناشاء الله الانتخابات حتبقى نزيهه ....

بصراحه

حضرتك عندك امور غريبه

ايه بالظبط اللى مخليك متاكد كده من نزاهه الانتخابات

مع ان كل حاجه مريبه

وايه الدفاع المستميت عن ذالك

بصراحه ياريت حضرتك توضح لى

لانى بدات اسئ بك الظن

[nktis]

:p ty:

[samirayad]

المشاركة الأصلية كتبت بواسطة كيمو كار كل الحكايات دى هوس من تزوير الانتخابات .. يوجد اشخاص معندهمش ثقه فى حد وعندهم هوس من تزوير الانتخابات بتكتب على الانترنت قصص وهمية عن تزوير الانتخابات .. يا جدعان لو الانتخابات اتزورت اتبان مع اعلان النتيجه .. اتتزور لصالح احمد شفيق .. والراجل ده معندوش شعبيه جامده يعنى بالانتخابات النزيهه مش ايكسب فلو كسب كلنا انعرف ان الانتخابات تبقى اتزوت .. لكن انا مطمئن ان الانتخابات مش اتزور... مش بالدرجه ديه .. كفاية خيال فى خيال .. هو الراجل عبيط علشان يدخل الصيدلية يحكى عن المخطط كده بكل سهوله وكمان يطلع بطاقة من جيبه انه حاصل على دبلوم قصه خياليه شويه وكل ده خوف وهوس من تزوير الانتخابات .. ويا ريت بلاش نقل مواضيع قبل التاكد من صحتها واناشاء الله الانتخابات حتبقى نزيهه ....

كلامك طبعا مقنع بشكل كبير

ويخاطب العقل بشكل جيد

بدليل بسيط جدا

من غير المنطقى أن من ينوى على التآمر

لايعلن هذا على الرأى العام

فكل الأمور دى من مؤمرات وتزويرات وخلافه

بتتم فى الخفاء بعيدا عن الأعين

وبحيل شيطانيه

ولايفصح عنها نهائيا

---------------------

نقدر نقول

أن أمور الخباثه والسيكو سيكو

متتقالش كده وبهذا الشكل الساذج

[سلفيه]

المشاركة الأصلية كتبت بواسطة silverlite أغرب من الخيال .. لا أريد أن أصدق !! منقول كنت قاعد فى صيدليتى... فى امان الله ودخل عليا صديقى امين شرطة اسمالله فلان الفلانى ولما لقانى مغرق صيدليتى صور ابو الفتوح وكمان كانت صورته على عربيتى قاللى : والله يا دكتور انتم صعبانين عليا قوى قولتله : ليه ؟ قاللى : يعنى تاعبين نفسكم على الفاضى والموضوع محسوم لصالح واحد ومنتهى من زمان قولتله : مين؟ قاللى : ماعلينا على العموم اللى هتجيبه الصناديق هنصقفله كلنا قولتله : ماعدا شفيق وعمرو موسى قاللى : هتعمل ايه يعنى ؟ قلتله : انا اول واحد هكون فى ميادين التحرير ده حتى الغاز المسيل للدموع وحشنى قاللى : اطمن يوم 17 او 18 يونيو قرار اعلان النتيجة هيكون مصاحب ليه قرار حظر تجول فى الجمهورية كلها لاى حد خارج من بيته والضرب فى المليان طبعا انا ضحكت وسخرت من امكانية حدوث ذلك ولان الضحكة استفزته قاللى : انت مش مصدق طيب اقسملك بالله ان تم حشد ضعفين عدد الامن المركزى القديم لحد ما وصلوا دلوقتى 8 مليون وكمان طوروا انواع الاسلحة سخرت اكتر منه وقولتله : الشعوب ما بتخلصش وزى ما قال عمر المختار قبل كده ننتصر او نموت لكننا لا نستسلم قاللى : ماهى المعركة المرة دى مش هتبقى الشرعية معاكم لانكم ببساطة ساعتها اللى هتبقوا ضد الديموقراطية ده غير ان الناس زهقت منكم على الاخر ولا انت فاكر يا دكتور ان احنا لما سيبنا الاخوان ينجحوا فى الانتخابات التشريعية (خلى بالك بقه من الحتة دى) ولما سكتنا عن توجيههم للناس ومخالفاتهم لفترة الصمت الانتخابى واللى كان بيحصل قدام اللجان من استغلال للدين واللى كان كفيل بان مرشحين الاخوان كلهم يستبعدوا وكل ده متصور عندنا وسايبينه بمزاجنا علشان الاوامر كده علشان مايبقاش ليهم عين يتكلموا يوم انتخابات الرئاسة . حبيت استفزه اكتر قولتله : اطمن احنا مستقتلين قدام صناديق الانتخابات ومش هنسمح بالتزوير وان شاء الله الفلول مش هينجحوا لقيته ضحك على الاخر و قاللى : ده نجح خلاص ومش بعيد من اول مرحلة كمان قولتله : هو مين ده؟ قاللى : احمد شفيق قولتله : استحالة على جثتى لو قولت عمرو موسى ممكن اصدقك انما الاهبل بتاع قتلت واتقتلت ده لا قاللى : انت مش مصدقنى طيب وراح حاطط ايده فى جيبه ومطلع محفزته وطلع منها بطاقته وقاللى : اتفضل قولتله : ايه ؟ قاللى : اقرا خانة الوظيفة كده قريتها لقيت مكتوب فيها حاصل على دبلوم فنى صناعى قولتله : مش فاهم !! قاللى : مش الجيش والشرطة مالهومش تصويت قولتله : ايوه قاللى : تم تغيير الوظيفة لاكتر من 8 مليون جندى ام مركزى وفرد شرطة وامرهم بالتصويت لشفيق وانت لو حبيت تبحث عن اسمى كمان مش هتلاقى اى علاقة ليا بالشرطة فى يوم من الايام قولتله : انت بتتكلم جد ؟ قاللى : ماهى البطاقة بين ايديك اهيه فضلت باصص للبطاقى وانا مذهول لحد ما اخدها منى قاللى : فوق يا دكتور .. المهم هاتلى الفوار بتاع البلغم للحاج روحت جبتله الاستيل سيستايين فوار اللى ابوه بياخده ومشى وانا مذهول وبفكر اللى انا فيه ده حلم ولا علم. اقسم بالله العظيم ان هذا حدث معى اليوم الاثنين ليلة الثلاثاء 22 مايو 2012 والله على ما اقول شهيد وانا لا ادرى نتيجة ما كتبته ولا ما قد يحدث لى الا ان دماء الشهداء تحاصرنى ولم استطع الصمت . اللهم انى قد بلغت اللهم فاشهد وانا لله وانا اليه راجعون

هذه القصه ان كانت صادقه

فدى عندى احساس كده بانها مؤامره

لجس نبض الناس

[kimo10]

ويمكرون ويمكر الله والله خير الماكرين