محتاج المساعده يا اجمل منتدي في زينون النيو سيراتو

[simon659]

مسا الخير ليكم يا اجمل منتدي وكل سنه وانتو طيبين بمناسبه عيد الحب
كنت عاوز استفسر انا ركب زينون للنيو سيراتوو عندي وبعد ما ركبته الusb عندي بتهنج فا سألت قالو لازم اركب مكثفات فا المكثفات دي اجيبها منين وتقريبا بكام ؟
وكنت عاوز استفسر لو انا ركبت 3 اطقم زينون في السياره وانا مركب كتاوت ومكثفات الي هاجيبها بأزن الله ده ممكن يعيب الكومبيوتر محتاج الرد يا شباب وكنت محتاج العنوان ضروري لاي شخص عارف مين الي بيبيع المكثفات دي واسف علي الاطاله

[AbOnOrA]

بصراحة مش متاكد تجيبها منين بس اسال فى الجندى وده ليه كذا فرع منهم فى شارع دمشق روكسى او قدام فندق السلام جسر السويس
نظرياً طول ما البطاريه كفايه للى هتركبه ومركب الكتاوت وكل الشغل صح المفروض ده ميأثرش خالص على الكمبيوتر بس ممكن بعد ما تركب تشكف لزيادة الاطمأنان

[Badr Salah]

بص يا باشا المعروف ان النور الزينون بياكل في البطارية وده عن تجربة
انا مركب طقمين في الماتركس واحد في الشبورة وواحد في النور الواطي ومركبتش اي حاجة معاهم وشغلين زي الفل بس بغير البطارية كل تسع او عشر شهور
قبل ما تزود حاجة او تغير حاجة اسال كهربائي بيفهم في الحاجات دي لان معظمهم مش فاهم حاجة عن الزينون