بى ام دابليو bmw e90 رسالة الماجستير فى الفئه التالتة e90 مو 2005 - 2012

[كومندا]

اسمح لي بأن أرفع لك القبعة تقديرا لهذا الجهد الكبير الذي قمت به سلمت يداك على هذا التقرير

[محمد فيصل]

استاذ .وائل ابو نورا راعى التقدم فى المنتدى
كل الشكر والتحية
ان شاء الله ربنا يكتبلك امتلاك 330 عن قريب

[dr_eslam_66]

هوا دا موضوع ولا رسالة ماجيستير فعلااااا.
لا أنا أنصح بعد كدة إنك يا إما تعمل حاجة متواضعة شوية يإما بلاش إحنى نعمل حاجة تاني.:THUMBS~ 220:

[AbOnOrA]

رداً على استفسارات بخصوص نفس السيارة

- ايه هى مميزات العربيه دى
2- عيوبها
اهم المميزات الحداثة والتكنولوجيا والاداء بمعناه العملى والموفر والرياضى كمان
تصميم العفشه ونظم الامان بالعموم منظومة متكاملة نموذجية رائعة
اداء المحرك والفتيس نموذجى ورائع ايضاً
التصميم الخارجى متطور جداً من ناحية الايروداينميك ويجمع ما بين عراقة التصميم الاوربى واللمحات الاسيوية (المصمم بتاعها يابانى )

العيوب

قطع غيار غالية ناااااااااااااااااااااااا اااار
واطية بشكل مستفز بحيث 50% من المطبات وانت لوحدك ممكن تحك
80% من المطبات وحد قاعد جمبك هتحك
99ز9 % من المطبات لو اكتر من واحد غيرك فى العربية هتحك

الشنطة مساحتها حلوة بس عموماً العربيه مش بتاعة شيل وحط وسفريات عائلية بمعنى الكلمة والا تجيبلها الصندوق اللى بيركب فوق السقف

الكاوتش الران فلات ده كويس بس غالى موت الفردة معدية الالف جنية وناشف جداً بس بيديك ثبات وامان وطبعاً مفيش استبن ولا كوريك

اقتباس:


اقتباس:
3- ايه اهم الحاجات اللى اشيك عليها وانا بستلم لو فيه نصيب وانا اقصد من ناحية الكمبيوتر و السيستم مش قصدى طبعا الكوريك والكلام دا

هى مفيهاش استبن ولا كوريك بتستلم بس اهم حاجة كل الكماليات شغالة وممكن يكون فيه وصلة aux ومسمار حديد كبير كده زى جنش لسحب العربيه من الاكصدام الامامى وشنطة عدة والكاتلوجات والمفاتيح الاضافيه

4 اقتباس:
- سعرها بيكون فى حدود كام مع العلم انى زى ما قلت العربيه فابريقه ماعدا الاكصدام الخلفى وكمان فيها تجريح بيط قوى فى الباب الخلفى
وكمان العربيه سبورت ايديشن ( عتب - جنوط 17 - اكصدام امامى سبورت اوريجينال )
من 160 - 170 حسب الحالة والتفاوض اللى بتتكلم عليها ديه لو تخلص 165 وعدادها قليل تبقى حلوة المهم العداد كمان والصيانات

اقتباس:
الغريب كمان فى الموضوع ان العربيه دى مش بينزلها استبن لان فيها سيستم بيحافظ على العجله لو تخرمت لـ 100 كم فهل الكلام دا صحيح؟؟
وهل دى بتمثل عائق على الطرق الطويله ؟؟؟
ده صحيح بس هو مش سيستم ولا حاجة هو الكاوتش الران فلات ده مميزاته كده بس فى المقابل سعر الفردة الف وشوية وطبعا لو عملتها معاك فى الطريق بتبقى ظرف مهبب لان لازم الكاوتش يترمى وتركب فردة تانية حصلت معايا فعلاً قبل كده فى التجمع واضطريت اشترى فردتين علشان يبقو مقاس واحد بس مجبتهومش رن فلات طبعاً
نسيت اقولك ان المقاس ال 17 كمان اغلى واغلى يعنى الفردة ممكن توصل الف ونص

اقتباس:
حاجه اخيره عايز اقولها ان العربيه مافيهاش اى درايف ولا فتحة سقف

ايه فايده الــ i drive بالظبط؟



موديلات 2006 كلها مفيهاش اى درايف ولا فتحة سقف

والاى درايف ده عبارة عن سيتستم كمبيوتر بيديك امكانيات افضل للتحكم فى التليفون والجى بى اس ووظائف وكماليات العربيه بس اجمالاً حوار مفتكس ملوش لازمة تستغنى عنه بتابليت 8 بوصة مثلاً هيديك كل الامكانيات واكتر

مرة تانية بكررلك لازم تشوف كل الكماليات الانوار وهى انوارها فى كل حتة ومساحات القزاز والستائر الكهرباء لو فيها والقزاز طبعا والمرايات بيبقى فيها سخانات وانوار مقابض الباب والصالون والتكييف والكاسيت والتلاجة وفتحات التكييف الورانية والمقابض والكوالين وباقى الاكسسوارت ممكن تبقى فى عربيه تانية مش قضية بس اقل بلاستكة فى العربيه ديه بفلوس وكتير كمان فخد بالك

كمان مهم تحدد حالة العربيه بالكشف فى التوكيل وبالصيانات والفواتير القديمة او حتى اخر صيانة علشان الصيانة الكبيرة فيها بالافات ممكن تخش فى 10 بواكى صيانة
وطبعاً الكشف على الكبيوتر والعداد يفضل يكون اقل من 100 الف كم

[Marlborooo]

شغل عالي اوي اوي يا ابو نورة ، وفعلا العربية تحفة بجد
بس عيبها حاجة واحدة قطع غيارها ومصاريف صيانتها نااااااااار
الف شكر ليك