فتيس السيراتو الاتوماتيك 4 سرعات ولا 6 سرعات؟

[ahmadmeleha]

السلام عليكم
انا مقبل على شراء كيا سيراتو 2010 خليجى
فتيس ستربتونيك 4 غيار
وكان ليا استفسار بخصوص الفتيس
واحد قالى ان الفتيس ال 4 سرعات فيه مشكله وان ال 6 سرعات كويس.
وصاحب العربيه بيقسم ويأكدلى ان ال 6 هو اللى فيه المشكله وليست ال 4

يا ريت لو حد يقدر يفيدنى بالفرق بين الفتيسين وأيهما أفضل
وايه المشكله اللى موجوده فى الفتيس؟

[svneleven]

أظن ال 6 سرعات بدأ من 2011 و الاتنين ما فيش فيهم مشاكل لكن ال 6 سرعات بحس أدائه أحسن بكتير في الجري.

[Hisham.Elgazzar]

لسه امبارح كنت راكب سيراتو الفتيس ال 4 أحسن وأفضل واكيد ال6 كويس لأن العربية دى ناجحة جدا وماحدش اشتكى منها ياريت تتأكد من التوكيل

[khaledazizeg]

الحمد لله ماسمعناش عن مشاكل اوى بس عامتا الفتيس الاربعه غيار نظام قديم ولو حتطله زيت مش لازم يكون الاصلي شغال وبيمشي لكن الفتيس الجديد دا كهربا وبيكون حتى زيت الفتيس بتاعه ابيض كهربا ولو ماهتمتش بيه هيكون زفت بصفه عامه اى حاجة تحافظ عليها هتعيش معاك
بس الاربعه عامتا ماظهرتش منه مشاكل تذكر

[وائل شريف]

اكيد ال 6 سرعات احدث ويوفر بنزين