|
|||||||
| رينو ميجان Mégane The Renault Mégane is a small family car produced by the French automaker Renault since 1995. It is offered in 3- and 5-door hatchback, saloon, coupé, convertible and estate bodystyles. The Renault Scénic (launched 1996) is the first modern compact MPV to be built in Europe |
 |
|
|
أدوات الموضوع |
|
#1
18-06-2013, 07:10 PM
|
|||
|
|||
المراية الضم ....... من الآخر
السلام عليكم
طبعا مشكلة المرايا الضم المعروفة واللى اتعمل كتير من المواضيع عنها والناس قدمت حلول تفضلوا هنا http://www.masrmotors.com/vb/showthread.php?t=115464 من كام يوم لورا كدا كنت قاعد عادى مش فى دماغى حاجة قمت جبت الأباجورة دى اللى بقالها سنين عندى من وأنا طفل وقلت أشيل منها المسمار أعمل بيه المرايا  طلعت منه المسمار  طوله 11 سم المسمار دا وبعدين قلت افك المرايا كدا مع إنى مكنش ليا نفس أعملها بس قلت ألقى نظرة على طول المسمار اللى قال لى عليه الاستاذ شريف محمد الله يمسيه بالخير إنه جمع الموتور تانى بيه عشان الموتور مينفعش يتفك من الاساس مش عارف إيه اللى خلانى فكيت الموتور وفضولى خلانى أفوره برغم إن المسمار اللى معايا عايز يتقص منه لأنه طويل تانى يوم الجمعة بعد ما فكيته خبطت العربية خبطة خفيفة فى الباب بسبب إنى كنت شايل المرايا برضه بس الحمد لله نصيب موتور المرايا الضم مصنوع فى أستراليا وهو اللى بيحرك المرايا بيفتحها ويقفلها هو دا اللى أغلب الأعضاء اشتكوا منه طيب أزاى نفك الموتور ونطلعه من وسط السلوك اللى معدية وسطه ( لازم نقرأ موضوع فك المرايا الضم اللى فوق وموضوع الباش مهندس شريف ) بعد ما نفك المرايا الضم ونفك الغطاء بتاعها ونفك المسامير اللى رابطة الموتور فى جسم المراية طبعا لازم يكون معانا طقم الألانكى النجمة الجديد هنا إننا مش هنقطع السلوك زى ما عمل الأستاذ شريف محمد والباش مهندس شريف هنفك الفيشة نفسها اللى فيها السلوك هى قابلة للفك دا منظر الفيشة نفسها شايفين مكان السهم الأحمر فيه كلبسة لونا أصفر هنجيب أى مفك رفيع ونرفعها سنة ونزقها لبرا ونفس الكلام من ال جمب التانى للفيشة    بكدا طلعنا الفيشة الصفراء دى الخطوة اللى جاية إننا نفك السلوك من الفيشة السوداء كل pin لكل سلك متثبت فى الفيشة السوداء عن طريق الضغط بيبقى فيه زى لسانين على كل سلك ما سكينه هنمسك مجموعة السلوك فردة فردة سلك سلك ونتبدى نشد السلك لتحت وفى نفس الوقت نزيح اللسان بتاعه من جوا الفيشة بأى حاجة رفيعة هينزل حبة بسيطة ونروح للسان التانى اللى ماسك السلك نزيحه برضه السلك هيطلع ف إيدينا نعمل كدا مع جميع الأسلاك  بس ننتظر ثوانى لازم نحفظ مكان كل سلك كويس  الفيشة فيها صفين صف فيه 5 سلوك والصف اللى تحته فيه سلكين السلكين دول هما الخاصين بالمحرك بتاع المرايا اللى بيفتحها ويقفلها أما الصف التانى خاص بمحرك كف المرايا اللى هو فيه 5 سلوك الكلام دا بالنسبة للمراية الشمال أما المرايا اليمين هيزيد فيها سلكين لحساس الحرارة لازم نحفظ أماكنهم كويس جدا فيه ناحية من الفيشة مكتوب عليها clinch ودى اللى تحتها الصف اللى فيه الخمس سلوك نبدأ بالترتيب حرف السى c مع أول سلك بنفسجى حرف ال l مع السلك البنى حرف I مع السلك الأحمر حرف n مع السلك الرمادى حرف ال ch مع السلك البنفسجى الأخير ونعلم السلك دا وأحنا بنفك بأى لون تانى عشان منتلغبطش بينه وبين السلك البنفسجى الأولانى نروح للجمب التانى من الفيشة هنلاقى عليه علامة رينو فيه خمس فتحات مستغل منهم 2 فقط لأسلاك الموتور اللى هما لونهم أصفر وأخضرأول خانة فاضية تانى خانة فيها السلك الأصفر تالت خانة فاضية رابع خانة فيها السلك الأخضر خامس خانة فاضية بالترتيب من اليمين لليسار نحفظ أماكنهم برضه عشان لما نيجى نركب بكدا حررنا الفيشة من الأسلاك عشان نحرر الموتور من غير ما نقطع السلوك  بعد ما نطلع السلوك نفك الموتور من القاعدة بتاع المراية ( ياريت نقرأ موضوع فك المرايا الأولانى )  آدى حزمة السلوك فى الصورة عليها الغلاف الأزرق اللى بيبقى موجود فى المرايا الشمال ودا بيحمى السلوك أثناء الدوران إنها متتقطعش فى المراية اليمين بيبقى لونها أصفر هنبتدى نطلع الموتور نفسه بعد ما نفك المسمارين اللى ماسكينه فى جسم المراية نفك الكابل اللى داخل للموتور بنشده هيطلع معانا  دى أماكن تثبيت الغطاء اللى بنفكها عشان نفك الموتور  الموتور متبرشم فى النقاط دى بنكسرها عشان نفك الغطاء  ناخد بالنا كويس من الغطاء دا فيه قطعتين حديد بيوصلوا الكهرباء لأحسن يقعوا مننا  دا الموتور من جوا  بوردة كهربائية تحتها الموتور  بعدها ترس أبيض بلاستيك بينقل الحركة من الموتور للترس الأسود الحديد اللى بعده بعدهم الترس الأسود الدائرى البلاستيك لحد هنا مفيش أى مشاكل فى الموتور كله سليم أحنا محتاجين نطلع الترس الدائرى البلاستيك دلوقتى وهو متثبت فوقيه غطاء الغطاء دا متثبت ببرشام برضه !!! بحيث إنه مينفعش يتفك او بالمعنى الاصح لو فكيته مش هتعرف تركبه بس احنا معانا المسمار اللى هنربط بيه متخفوش بس دى سياسة من المصنع عشان اللى يبوظ يترمى شايفين فى الصورة اللى قبل اللى فاتت فوق أنا معلم بالأحمر على المناطق اللى فيها البرشام اللى هنكسره بأى مفك ودى الصورة بعد كسر البرشام نلاحظ فى الصورة حاجة لونها أبيض ودا شحم أبيض  بعدين نشد قاعدة الموتور من تحت هتطلع معانا بالشكل دا ودا شكل الغطاء اللى فيه البرشام اللى كسرناه من فوق  زى ما أحنا شايفين القاعدة من فوق طالع من وسطها مسمار بلاستيك مفرغ من جوا اللى بيعدى منه ال سلوك العلبة اللى معدى منها المسمار من تحت كدا من عند السهم الأحمر فيه ترس هو مش ترس بمعنى الكلمة هو حتة حديدة مدورة بيعدى منها المسمار المسمار لما بيعدى هو عبارة عن بنز شوفوا المناطق اللى معلم عليها بالأخضر بيعدى من الترس الحديد المدور عاشق ومعشوق يعنى لازم ال 3 أماكن المفرغة اللى فى المسمار البلاستيك دا يتقابلوا مع ال 3 مناطق ا لبارزة فى الحديدة المدورة اللى فى العلبة بحيث إنهم كلهم بيلفوا مع بعض   شايفين المسمار لما خلعناه فيه سوستة السوستة فايدتها إنها بتضغط القرص الحديد المدور اللى فى العلبة السابق ذكره لفوق وبطول ما هو مضغوط لفوق ما تقدرش تلحلح المرايا من مكانها دا ترس حديد عشان المراية تلف فيه ترس تانى راكب فوق العلبة اللى فيها المسمار أول ما الموتور يشتغل الترس بيلف يضغط على الترس الحديد دا لتحت يقوم المرايا تلف ووبعدين يرجع يطلع مكانه تانى فى منطقة معينة المشكلة بقى إن الترس دا بلاستيك أول ما تضغط على المرايا بقوة الترس دا بيتكسر وبيفضل دايس على الترس الحديد والموتور يفضل يلف ويفتح المرايا على الآخر أنا لقيته عندى عبارة عن قطع صغيرة جدا فى الحالة دى المرايا يا إما الموتور هيلف على الفاضى يا إما هتفضل المرايا تلف ومش هتقدر تطفى الموتور غير بفصل الفيشة بس أنا كنت بقعد ألعب فى الزرار نفسه لحد ما تفصل بالصدفة ما علينا أنا هشرح عمل الموتور من الأول فى البداية انت بتلف الزرار من الباب عندك اللى بيحصل الآتى الموتور بيتحرك بسرعة عالية الحركة بتنقل من ترس الموتور البلاستيك الاساسى لترس تانى أبيض بلاستيك بسرعة أقل نسبيا وعزم أكبر نسبيا نرجع للصور فوق هنفهم توالى الحركة من الموتور مع التروس  ومنهم إلى الترس الحديد الأسود بسرعة أقل وعزم أكبر كل مانروح السرعة بتقل والعزم بيكون أشد  ومنهم إلى الترس المدور الأسود والسرعة تكون أقل والعزم يكون فى أقصى مرحلة الترس الأسود المدور دا من تحت فيه 3 نقاط بارزة ال 3 نقاط دول بيعشقوا فى الترس أو القرص المدور الأبيض اللى تعذر تصويره لأنه مكسر خالص عندى ومعرفتش حتى شكله الترس دا مش ترس مسنن لكنه مصمم بطريقة أول ما يلف بيضغط القرص الحديد ( اللى السوستة ضاغطاه لفوق ) بينضغط وينزل ويلف بالمسمار الأسود والمراية تلف وتقفل أو تفتح وبعدين الترس الحديد يرجع يعشق فى البيت بتاعه ويقف عن الحركة طيب إيه اللى بيوقف الموتور عن الحركة الله أعلم بالضبط أنا أعتقد إن السر فى البوردة بتاع الموتور  اللى ممكن يكون دورها كالآتى إن لما الموتور بيواجه ضغط عالى بترسل أشارة لفصل الكهرباء عنه أو فى نفس الوقت بتكون بتخفض الجهد الواصل ليه من العربية اللى هو تقريبا 12 فولت لأقل من كدا لأن زى ما انتم شايفين الموتور صغير نسبيا ممكن يكون 4 فولت أو ممكن يكون 12 والله أعلم بس البوردة دى عايزة حد يكون فاهمها كويس ودا تعذر عليا زى ما قلت إن حركة المرايا باليد أو أى مؤثر خارجى الترس الحديد مش بينضغط لتحت وبالتالى أضعف نقطة هو الترس الأبيض اللى بيضغطه لتحت بيتكسر ما الحل ؟؟؟ بعد ما فكينا دا كله لو لقيت الترس ينفع يتلحم الحمه وركبه تانى لو الترس مدشدش إنسى انك تصلح المرايا غير لما تجيب ترس زيه على فكرة إنت ممكن تعرف أذا كان الترس مدشدش ولا لأ من غير ما تفك المرايا أزاى ؟؟ لو المرايا لما توقفها بإيدك بتقف بسهولة أطمن احتمال كبير الترس يجى منه لو المرايا بتطقطق ومش بترضى تقف نهائى وبتفضل تلف وكإنها عايز تطير لبرا كدا الترس بايظ خالص لو الموتور بيلف على الفاضى إنسى برضه عشان كدا الترس متدهور جدا نيجى للتركيب أنا استغنيت عن المسمار اللى طلعته من أباجورتى العزيزة وركبته تانى مكانه بعد ما رحت لمحل أدوات أضاءة طلبت منه المسمار المفرغ أدانى واحد ومعاه صامولتين ووردتين وبنزين ( ورد زنق )  مرضيش ياخد منى فلوس نركز قوى فى الصورة دى صامولتين وردتين + وردتين زنق الوردتين عشان لما نلف الصامولة منبوظش البلاستيك اللى تحتها وورد الزنق عشان بعد ما نجمع الموتور مع الفتح والقفل الصامولة ما تفكش مهمين جدا جدا وببلاش لأن دلوقتى المسمار دا هو اللى ماسك المراية فى العربية لو اتفك المراية هتطير وانت ماشى نيجى للمسمار نفسه المسمار اللى أنا جبته طوله 7,5 سم أحنا هنحتاج 6 سم هيبقى تمام قوى مع الوورد وورد الزنق بس وبعد ما نلحم الترس نجمع الموتور عادى جدا  طيب لما نيجى نقص من المسمار نعمل إزاى ؟؟ نربط صامولة من طرف المسمار وبعدين نحدد المسافة اللى هنقصها تبقى قبل الصامولة من برا و نقص هنقص بصفيحة منشار أو عندى أى حد عنده ساروخ يطيرها طيب ليه نربط الصامولة عشان مكان القطع ممكن منعرفش نربط منه ودا اللى خلانى ربطت الصامولة قبل ما أقطع  بعد ما نربط المسمار تمام نضغط بحيث إن السوستة تكون مضغوطة ورافعة الترس الحديد اللى فوقيه لفوق كويس لأنها لو مش مضغوطة كويس الترس مش هيرشق فى المكان الخاص بيه بعد ما المراية تقفل وهتفضل المرايا تلف على الفاضى عشان نتأكد أنا ممكن يكون معانا محول 12 فولت ونشغل بيه الموتور مع تغيير الأقطاب للفتح والقفل للتجربة مش أكتر أو تجيب الفيشة وتوصل فيها السلكين بتوع الموتور وتروح عند العربية توصل الفيش مع بعض وتلف الزرار طيب ضبطت كل شئ تعمل إيه دلوقتى ؟؟ هنعدى السلوك تانى اللى فكيناها بس من جوا المسمار الحديد مش هيبقى مرحرح زى المسمار البلاستيك طبعا لأنه معدى من جواه بس هيعدى مجموعة الأسلاك حواليها غطاء لونه أزرق أو أصفر بلاستيك وطرف الاسلاك عبارة عن حديد مينفعش نعدى الأسلاك مرة واحدة عشان الأطراف الحديد كلها مع بعض هتبقى أكبر من قطر الماسورة بتاعتنا نعمل إيه ؟؟ الأول هنرجع الغلاف الأزرق بإيدنا لورا قدر الأمكان لو معانا سشوار سخن هيساعدنا فى كدا وبعدين نيبتدى نعدى الأسلاك نفسها سلك سلك لحد ما نعديهم كلهم طبعا الغلاف الأزرق اتكرمش لورا بس هنعديه برضه بإذن الله نجيب حتة شحم وندهن بيها طرف الغلاف واحنا بندخله ونفضل نكاركله بإيدنا لحد ما يطلع من الناحية تاني من الماسورة وبعدين نشده بملقاط مثلا عشان نفرده ياريت ميكونش فايض أى شئ من المسمار بعد ما نركبه عشان الأسلاك معمولة بالظبط فلو طولنا المسمار الأسلاك مش هتطول معانا الفكرة كلها كإنك بالبلدى كدا بتشمر أكمامك أكمامك هى الغلاف الأزرق ودراعك هو الأسلاك عشان تعديهم سلك سلك بالنسبة للباش مهندس شريف متهيقلى مركبش الورد وورد الزنق وعدى السلوك من غير الغلاف بتاعها ودا خطر ممكن لو عايز تعدى السلوك من غير ما تتعب نفسك وتعدى معاهم الغطاء بتاعهم عن طريق إنك تجيب سيليكون وتدهن بيه كل سلك من السلوك ودا حل أسهل طبعا وفى النهاية الم وضوع مفيهوش أى خساير يعنى لو الترس اتلحم وحالته كويسة المراية هتشتغل لو الترس مطحون هتجمع زى ما فكيت ومش هتخسر حاجة برضه سؤال للباش مهندس شريف ؟؟ حضرتك صلحتها بالطريقة دى بالظبط ولا بطريقة غيرها ؟؟ طبعا زى ما احنا شايفين الموتور من جوا ترس بلاسيتك وترس حديد والموتور فى تصميمه غير قابل للفك يعنى ملهوش قطع غيار بالتأكيد المفروض إن التروس تكون مصممة بشكل إنها تقبل الحركة العكسية بحيث إن لو حد خبط المرايا تقفل مش تبوظ من جوا بس هما مش عايزين كدا طبعا وطبعا أشكر الأستاذ شريف محمد والباش مهندس شريف اللى سبقونى و صلحوا المراية بتاعتهم بالطريقة دى لكن أنا حاولت أشرح اللى فهمته لما فكيت وأوضح أكتر 
|
|
#2
18-06-2013, 07:54 PM
|
||||
|
||||
|
رد: المراية الضم ....... من الآخر
موضوع جميل ومجهود تشكر عليه
__________________
 الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn
|
|
#3
18-06-2013, 08:21 PM
|
||||
|
||||
|
رد: المراية الضم ....... من الآخر
السلام عليكم
الله ينور عليك ويعطيك العافيه مجهود مشكور والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
#4
12-08-2015, 05:53 PM
|
||||
|
||||
|
رد: المراية الضم ....... من الآخر
مشكور على المجهود
__________________
سبحان الذى سخر لنا هذا وما كنا له مقرنين وانا الى ربنا لمنقلبون
|
|
#5
13-08-2015, 01:36 AM
|
||||
|
||||
|
رد: المراية الضم ....... من الآخر
افكار عبقرية ومجهود رائع الف شكر ع الشرح الرائع
__________________
جميع موضوعاتى حصرية لمنتدى مصر موتورز ولا اسمح بنقلها
|
|
|
|
