#11
|
|||
|
|||
رد: طلب نصيحة و تسعير شراء كابريس كلاسيك موديل 1983
الاول ... السلام عليكم ...
ياسيادنا ... ليه البهدله دي كلها ..؟؟؟؟؟ انا بعشق الكابريس ... ولو معايا فلوس والله ما هستنا لحظه ... عربيه ركوبه ركوبه يعني .... مافيهاش غلطه .... وكل مشكله وليها حل .... الموتور والبنزين ؟؟ .... بقت غاز الحجم الكبير ؟؟؟ .... مش اعرض من الداتسون او السرفيس ؟؟؟ وموضوع الركنه ده ساعتها ربنا يفرجها .. وقطع الغيار ؟؟؟... ممكن تنزل وتشوف المحل ده وتجيب كل قطع الغاير المتوقع انها تبوظ زي الفوانيس وطرمبة بنزين وكام سير وشوية حبشتكانات كده ... مهما حصل ... اظن اللي هيسوق الوحش ده هيكون معاه رخصه .. او بيعرف يسوق مش واحد جاي من الشارع وعارف ومقدر المسؤوليه واكيد لما يركبها ويدوق طعم الدلع هيحافظ عليها اكتر وعندي اقتراح حلو ... ممكن بال20.000 دي يجيب حته موديل 89 واكيد هتبقى احلى وتعليقا على كلام الاخوه لما الموتور يبوظ .... حاتلي عربيه موتورها بيشتغل 25 سنه زي الوحش ده ويبقى لسه فيه صحه ؟؟؟؟ ولو الموتور مات .... بسيطه .... نزل موتور شيفروليه الدبابه جديد معاه تيربو ... هيخلع امها ... وربنا يوفقك للخير ... وتقبل تحياتي ... مع احترامي وتقديري لجميع اعضاء المنتدى .... |
#12
|
||||
|
||||
رد: طلب نصيحة و تسعير شراء كابريس كلاسيك موديل 1983
عزيزي صاحب الموضوع
مع احترامي الكامل لاراء الجميع ،،،، رايي الشخصي كما يلي :- المميزات العربية دي حاجة ثانية خالصصصص عربية قوية جدا و بالرغم من حجمها الكبير لكنها بتتعامل زي الطفل الصغير يعني هتشوف احلي باور و اقوي موتور اللي بلمسة بنزين بتحس ان العربية بتطير مش بتمشي ، و كمان معاملات امان غير عادية و هيكل من الفولاذ اللي يخلي اوتوبيسات النقل العام تبعد عنك و ماتفكرش ترمي عليك و انت ماشي ، هذا بالاضافة الي تكييف لا يوصف و صالون غاية في الوسع و الرفاهيه و كمان سعرها مش هيجيب حاجة محترمة من الماركات الاخري ،،، و علي فكرة كان جاري في العمارة معاه واحدة موديل 78 لونها اسود و باعها بـ 22000 ج بس الكلام ده كان من سنتين و كان وقتها الاسعار لسع ماسكه نفسها شوية و كمان العربيات دي معمرة جدا جدا لدرجة تفوق كل التوقعات. عيوبها الركن و صعوبة وجود مكان مناسب في الشوارع المزدحمه - زيادة الاستهلاك للوقود حتي لو كانت غاز ( عربية 5000 سي سي ) - قلة قطع الغيار ، يعني كفاية انها لو عاوزة اي حاجة فيها كام مشوار و كام يوم عقبال ما تلاقيها - كمان الضريبة السنوية 1000 ج - و حجم العربية الكبير يحتاج الي حد حريف سواقة علشان يلمها و يسيطر عليها و خصوصا انه لو غمز دواسة البنزين حاجة بسيطة بس هيلاقيها زي الثور الهائج و نصيحة اذا كانت امكانياته المالية جيدة و العربية حالتها جيدة يبقي يتوكل علي الله ، أما لو كانت امكانياته المادية محدودة يبقي يصرف نظر و يفكر في حاجة اكثر اقتصاديه
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|
#13
|
|||
|
|||
رد: طلب نصيحة و تسعير شراء كابريس كلاسيك موديل 1983
|
#14
|
||||
|
||||
رد: طلب نصيحة و تسعير شراء كابريس كلاسيك موديل 1983
و أنا كان رلأيي كدة برضه يخش في 131 حالتها نضيفة بس هي العربية عاجباه جدا و الفيصل الكشف على العربية طبعا
__________________
|
#15
|
||||
|
||||
رد: طلب نصيحة و تسعير شراء كابريس كلاسيك موديل 1983
شكرا يا باشا على الرد
بصراحة ورأيى الشخصى العربية دى جبارة فى كل حاجة, شكل وأداء وفخامة وراحة مافيش أى عربية قدرت توصلها فى السوق بتاعنا, عربية بمعنى الكلمة, وكان نفسى فيها من ساعة ماشفتها, حتى سعرها قليل. العربية دى مشكلتها الوحيدة بجد هى صعوبة أعادة بيعها, لأنه مش هيخسر فى الثمن قد اللى هيخسره لو أشترى عربية جديدة وباعها, أنما المشكلة صعب جدا يلاقى حد يقدر العربية ويشتريها. هو حاليا لو عجبته مش ناوي يبيع اللازم هو الكشف على السيارة 1000 مرة من كل النواحى قبل الشراء, عربية زى دى لوفيها بارومة ولا حاجة مش سليمة فى الموتور أو العفشة هتجننه فى التصليح وفى الأخر هتترمى فى الشارع, عيوب العربيات القديمة عيوب موت. أهم حاجة فعلا الكشف بس مش عارف فين ؟؟ وطالما صاحب حضرتك العربية عاجباه ومأمن لمشاكلها زى ماحضرتك قلت فى الأول يبقى يتوكل على الله ويفحصها, ويهز السعر مع صاحبها شوية يشوف أخرها كام. بس فى عيب مهم جدا حضرتك نسيته, العربية دى حجمها كبير بغباء, وسواقتها فى شارع زحمة أو ضيق عذاب, ده غير صعوبة ركنتها, وأن نص قطر لفتها واسع أوى, ولازم صاحب حضرتك يفكر فى الموضوع ده قبل الشراء علشان لو بيمشى بالعربية كتير جوه المدينة وبيركن فى عدة أماكن هتتعبه جدا. أعتقد برضه ان الموضوع دة غير مؤثر بالنسباله خصوصا إن الأسرة عددها كبير شوية بس للأسف أنا معرفش حد فى أسكندرية علشان الفحص, أهم حاجة تكشفوا كبس الموتور فى بنزينة كويسة, وترفعوا العربية وتكشفوا عليها من تحت, وفيه فى البنزينات الكبيرة حاجة أسمها كشف عام بيفحصوا فيه كبس الموتور وبيبصوا على العربية وبيطلع لحضرتك تقرير بالعيوب اللى فيها, وكمان لازم تجربوا العربية كويس قوى بحثا عن أصوات غريبة, حركات غير مفسرة, وتشوفوا سلاسة نقلات الأوتوماتيك, وهل ليها صوت ولا لأ, وتمشوا بيها فى وسط الزحمة علشان صاحب حضرتك يشوف أبعادها مناسبة ولا لأ وعلشان كمان تتأكدوا من عمل الفتيس الأوتو بكفاءة وتجربوا كل الكماليات اللى فيها لغاية أما تهروها. وأنا مع رأى كورسير فى قطع الغيار, لازم يروح يشوف المحل ده فين, ويتأكد من مكانه وأنه بيبيع للكابريس فعلا, الكابريس مش هتطير زى السيتى وربنا يوفق صاحب حضرتك للأختيار الصح, ومستنى رأى باقى الأعضاء الخبراء. مشكور على الرد [/QUOTE]
__________________
|
|
|