هل الاكسيل فيها ثرموثتات كوعه ومشكلة فى العداد ياريت تساعدونى

[miam0502788391]

انا معايا اكسيل 1500 والمؤشر لا يزيد ابدا ابدا عن الربع وفى اسوأ الحالات يعدى الربع بشرطة او اتنين , لكن ابدا ابدا لا يصل الى النص
التفسير ان ترمستات الكوعة متشال عندى وانا كنت شاريها كده يعنى اللى كانت معاه كان شايله
انا نفسى اركبه بس مش عارف هيفيد ولا لأ

[sayed2077]

المشاركة الأصلية كتبت بواسطة Vanditta أستاذ سيد شوف لو عندك ثرموثتات كوعة يبقى اكيد هو دة التفسير المنطقى اللى يخلى المؤشر على النص ماينزلش لو مش راكبة بقى يبقى ممكن يكون عندك نفس العيب اللى عانيت منة واللى كان هيضيعلى الموتور اكتر من مرة وهو ان صباع الحرارة نفسة فية عيب بيقرأ زى الفل لحد النص وبعد كدة يثبت ولا يعلى ولا ينزل سواء بجرى فى هواء او المروحة اشتغلت مابينزلش الا لما ابطل العربية فترة وتبرد ملحوظة (انا شايل ثرموثتات الكوعة)

لا انا لسه مغير صباع الحرارة غير كدا اول ما جبت اعربيه ديه كانت عملت معايا موقف ان المراوح مشتغلتش فمؤشر الحرارة كان على اووى

فالحمد لله معندديش نفس المشكلة ديه وفى الاغلب فعلاه انه ثرموثتات الكوعه
لان حرارة العربيه بجرى بمروحه شغالة بكل حاجه المؤشر صامد على المنتصف لايطلع ولا ينزل

بخلاف ال 128 المروحه تشتغل المؤشر ينزل تجرى شوية المؤشر ينزل

فى الشتا كنت بأعانى بكل ما تعنية الكلمه من معنى

عارف كنت بسخن بتاع نص ساعه واول ما المؤشر يبداء يكون على النص اتحرك بالعربيه والله العظيم كنت على اخر شارعنا حوالى 500 متر مثالا الاقى المؤشر نزل لتحت تانى ولامؤاخذه فى الكلمه العربيه كانت لما تبرد اووى تبداء تعبط وتبقى كانها لسه بارده ولسه مدورها كانت تعبانى فى كدا

وفعلا انا مبسوط ان ثرموثتات الكوعه موجود

وبسم الله ماشاء الله درجة الحرارة ثابته

[sayed2077]

المشاركة الأصلية كتبت بواسطة borio1704 يا فندم... اللي حضرتك بتوصفه ده هو الحالة المثالية لثرموستات الكوعة... ربنا يباركلك في العربية واللي كان موجود في الـ128 (إزالة الترموستات) هو أسوأ ما يمكن وصفه من إفتاءات الميكانيكية المصريين... ربنا يهديهم لو عايز تعرف معلومات أكتر عن ترموستات الكوعة والفايدة منه ادخل على الموضوع ده: ثرموستات الكوعة.... المفترى عليه ومهما حد حاول يقنعك إنك تشيله... إوعى تعملها... ده لو عايز تحافظ على موتور عربيتك. بالنسبة لعداد الكيلومترات... متهيألي في حاجة مش واضحة بالنسبة لحضرتك مادام عداد السرعة مظبوط يبقى عداد الكيلومترات أكيد هو كمان مظبوط... لإنهم متوصلين ببعض. أول خانة على اليمين في العداد بيبقى لونها مختلف... دي مش بتتحسب كيلومتر... إنما كل رقم = 100 متر.. يعني لما تعد 10 يبقى حضرتك مشيت 1 كيلومتر أنا فاهم صح ولا أنا غلطان؟؟؟

فعلا انا اعتقد وبقوه ان الثرموثتات موجود

وفعلا بسم الله ماشاء الله اكثر من ممتاز بعنى الكلمه ايام ال 128 كنت لما اجرى والعربيه تبرد الاقيها عاوزه تتسخن تانى وانا مش كل اما امشى 500 متر افضل اسخن على كدا مش هروح

وخصوصا ايام الشتا القوية والله العظيم المؤشر مره نزل للصفر بعنى الكلمه كنت على الدائرى وبجرى والمؤشر نزل جامد جداااااااااا وكان قلبى بيتقطع لها بس كنت هعمل ايه بقى كان غصب عنى

وفعلا انا عمرى ما هشيل ترموثتات الكوعه ابدا لانه اكثر من ممتاز وكان من ايام ال 128 كان نفسى يبقى عندى ثرموثتات كوعه والحمد لله ربنا حققلى امنيتى

وحتى لو باظ متوفر عندى اباطرة لقطع غيار الكورى عندهم كل ما تتخيلة من قطع غيار للاكسيل اى حاجه تتخيلها وخلى بالك انا بتكلم على ناس بتبيع قطع غيار جديده

وباسعار انا شايفها رائعه

مثالا حساس مؤشر الحرارة ب 15 جنية
كتاوت مروحة الردايتير 20 جنية
رشاشات الاكسيل الاصلية كل رشاش فى كيس على سيريال نمبر من هيونداى و علامه مائية الرشاش ب 10 جنية
كف مرايه نحية السواق 25 جنية
كرتيرات عجل امامى الواحده 25 جنية


اما بالنسبه للعداد ففعلا اول رقم بلون مختلف ولكنى لا اعتقد انه يعبر عن فئة 100 متر

لان عداد الزيت عبارة عن 4 خانات واول خانه برضوا لونها مختلف وبتمشى مع اول خانه مع عداد الكيلومترات وديوقت عامل حوالى 5000 كيلو فى عداد الزيت
وانا صفرت عداد الزيت يجى 4 مرات قبل كدا فمعتقدش كدا ومازالت مشكلة العداد قائمه

[sayed2077]

المشاركة الأصلية كتبت بواسطة miam0502788391 انا معايا اكسيل 1500 والمؤشر لا يزيد ابدا ابدا عن الربع وفى اسوأ الحالات يعدى الربع بشرطة او اتنين , لكن ابدا ابدا لا يصل الى النص التفسير ان ترمستات الكوعة متشال عندى وانا كنت شاريها كده يعنى اللى كانت معاه كان شايله انا نفسى اركبه بس مش عارف هيفيد ولا لأ

انا من راى الخاص حضرتك ركبة واعتقد انه مش هيكون غالى اوى
هيكون فى حدود 70 جنية مثلا

بس فعلا فى الشتا والهوا بيدب فى الردايتير بيخلى الماور تلج

وبتبقى العربيه غير ممتعه نهائيا فى القياده بمعنى الكلمه

وانا فعلا انصح حضرتك تركبه

[borio1704]

المشاركة الأصلية كتبت بواسطة sayed2077 اما بالنسبه للعداد ففعلا اول رقم بلون مختلف ولكنى لا اعتقد انه يعبر عن فئة 100 متر لان عداد الزيت عبارة عن 4 خانات واول خانه برضوا لونها مختلف وبتمشى مع اول خانه مع عداد الكيلومترات وديوقت عامل حوالى 5000 كيلو فى عداد الزيت وانا صفرت عداد الزيت يجى 4 مرات قبل كدا فمعتقدش كدا ومازالت مشكلة العداد قائمه

أخي سيد.... لا مجال للاعتقاد هنا.... اللون المختلف يعني وحدة مختلفة... وكل السيارات يوجد بها نفس الشيء

الرقم في اللون المختلف = 100 متر = 0.1 كيلومتر

يعني العداد عند حضرتك عامل 16 ألف مش 160 ألف



بالنسبة لعداد الرحلات (عداد الزيت) فهو مكون من 3 خانات + 1 كسر الكيلومتر

بمعنى إن حضرتك مشيت حاليا 500 كيلو متر فقط



تقبل تحياتي



...