البنزين بينقط اول لما بفوول

[mr_astra]

صباح الخير عليك يا ابو رقية
الموضوع ولا كبير ولا حاجة
دة الميكانيكى بيفكة فى اقل من عشر دقايق بالظبط ...........
وسيبك من نضافة بالخل والكلام دة لانة متعب وفى خطورة كمان
حضرتك هاتخلى الميكانيكى يفك التانك من العربية وتفضى البنزين المتبقى فى جركن
وتنضف التنك من برة كويس اوى وتجيب علبة بلك "اعزك الله"
وتديلة وش بفرشة دهان وتسيبة نص ساعة هتلاقية عضم
وتغير كاوتشة الكوع وكاوتشة الفايظ وبامر الله خير

[abu_ruqayyah]

صباح الجمال ياكبير
والله منغيرك هنلوص ويتعمل علينا شغل وانا اول ما الراجل السمكرى هقعد يقولى نجيب قماشة ونولع فى التانك وننقع فى خل وميكانيكي يفك وميكانيكي يربط وسمكرى يلحم قلت بس شكلهم بيعملوا شغل فرحت قايلهم طب هروح اوصل العيال وارجعلكم ووخلعت .....بس كدا ربنا يباركلك والله وانا هشوف الموضوع بتاع علبة البلك دي واعمله واعتقد هيبقي احسن

[mr_astra]

بامر الله لانى عملتة مع تانك قبل كدة وجاب نتيجة كويسة جدا بس المهم تنضف التانك قبل البيتومين كويس جدا
وعلبة البتومين السائل حوالى 15 جنية وفك وتركيب ميكانيكى 10 جنية

[abu_ruqayyah]

المشاركة الأصلية كتبت بواسطة mr_astra بامر الله لانى عملتة مع تانك قبل كدة وجاب نتيجة كويسة جدا بس المهم تنضف التانك قبل البيتومين كويس جدا وعلبة البتومين السائل حوالى 15 جنية وفك وتركيب ميكانيكى 10 جنية

تسلم يا اعز الناس ....

[احمد القطاوي]

انا كان عندي نفس المشكلة من فترة

رحت لواحد بتاع اصلاح الشكمانات وكنت فاكك التانك بنفسي

قاللي هات خل ونضف التانك من جوه

ونضفناه -- وكان فيه شرخ من تحت التانك لحمو بالنحاس وخد عشرة جنية

بس خد بالك من حاجة ------- لازم تفك عوامة البنزين كلها علشان لما تيجي تقلب التانك ممكن يبوظ وميشتغلي عداد البنزين

وقالي الراجل ادهين التانك وانا طنشت

ولما ركبت التانك شيلت مسافة 4 سم من خرطوم الراجع والسحب يتاع البنزين

والحمد لله ماعدشي ريحة بنزين واستهلاك البنزين بقي كويس اوي

وده من سنة ونص