دردشة بخصوص فيات 128

[abu_ruqayyah]

المشاركة الأصلية كتبت بواسطة ezzat2002mo بص ياباشا انا معايا 128 انا جايب الشداد ب28 جم من شهرين تقريبا ومش ده المهم المهم انك ما تديش الصنايعى اكتر من حقه يعنى ياخد 5جم بس هوة عمل ايه فك مسمارين وركبهم وانا عملتها بنفسى ثانيا سير الكاتينه تركبه ب15 -20 جم ليه 45 هوة حل المكنه لازم تبقى ناشف مع الصنايعيه دول يعنى تروح للواحد تقوله عاوز اعمل كذا يقولك ماشى ياباشا تقوله عاوز كام وتكون انت سالت قبلها على مصنعيتها لان معظم الصنايعيه بيستغلوا اى حد مش فاهم يعنى مثلا : ضبط الاسبراتير وتغيير الابلاتين والكوندسر 15 جم وساعات بعملها ب10 ولو هتغير لبوجيهات اديله 15 - 20 جم انت وذوقك تغيير اسطوانه ودسك وبليه اخر مرة عملتها ب50 جم من 3 سنين دلوقت قول 80 اقصاها ضبط الكربراتير 15جم ضبط الدينامو 15جم ضبط المارش وتنظيفه 15 جم انا شحمت السكاترا وغيرت كوبلن ومقص وضبط العفشه قدام ب 50 جم ضبط الزوايا 20 جم حاول تكون ناشف مع الصنايعيه ولو معجبكش واحد روح لغيرة لحد لما تستريح مع واحد

جزاك الله خيرا ياباشا والله الموضوع دا ممكن نعمله موسوعه كاملة شاملة كل شيء نرجعلها كلنا كملاك للنفاثة 128

[abu_ruqayyah]

يا مالكين وحش الطريق - الفيات 128 - ما تنسوش الموضوع بتاعنا دا هنا واى حد عمل اى حاجة ولو بسيطة وشايف انها ما تستاهلش يكتبها لان فى ناس كتيرة وانا أولهم بتبقي 128 أول عربية فى حياتهم - زى كدا الحب الأول -

[attia3333]

اخواني الأعزاء
كل عام وانتم بخير وعيد سعيد علي كل مصر
اناعندي مشكله ارجوكم ساعدوني في حلها
انا املك سياره ريتمو ريجاتا 4 فوانيس مشكلتي في التالي وديل 84
1-- احتاج اكرة كالون سمال التي بجوار السائق لأن قلب الأكره مقطوم (الأكره ليست المستديره
2- وش الفاموس الصغير مكسور واحتاج الي وش للفانوس.او فانوس كامل لوتعذر وجود وش للفانوس
ارجوكم مساعدتي علما انني اقيم بمدينة المنصوره.
والأيميل الخاص بي هو
attia3333@yahoo.com
0103667775
ارجوكم قولو لي عنوان او المكان الذي يمكنني ايجاد هذه الأشياء ولكم جزيل الشكر
مهندس/ محمد عطيه

[ezzhelmy]

بقالي 5 شهور عايز اشتري عربيه 128 ومش لاقي حاجة محترمه
اتمنى اني اشتري وابقى زائر دائم للموضوع ده
وهاحتاج خبرتك يا ابو رقيه بما اننا ولاد منطقة واحدة ( الكيت كات )

[abu_ruqayyah]

المشاركة الأصلية كتبت بواسطة ezzhelmy بقالي 5 شهور عايز اشتري عربيه 128 ومش لاقي حاجة محترمه اتمنى اني اشتري وابقى زائر دائم للموضوع ده وهاحتاج خبرتك يا ابو رقيه بما اننا ولاد منطقة واحدة ( الكيت كات )

ياباشا انا تحت امرك فى اى حاجة واللهى بس عايز اقولك ان انا لسة شارى العربية جديد وماليش قوى فى العربيات وحبة حبة ادينا هنتعلم انا وانت بس عايز انصحك مش تستعجل فى اى حاجة وخلاص واتقل وخلى حد بيفهم يعاينلك العربية كويس وكلم كل الناس اللى تعرفهم لو وقعت قدامهم حاجة

وبالتوفيق