هيونداى ﻻفيتا 2001 - مشكلة وﻻعة السجائر

[tham1010]

معلش هتقل عليك مرة أخيرة....
الجهاز أبو 350 جنية حضرتك جابته منين؟ يعنى فى شركة ولا مكان الواحد يروح له علشان يشترى منه؟ أعتقد إنه جهاز مستورد ولا فيه منه مصرى دة..

وأخيراً أحب أسألك بعد قيادتك للماتركس.. ما هو إحساسك بيها؟ حاسس أنها عربية حلوة فى قيادتها. سمعت أن الماتركس الكورى فيها بور ستيرج فى الدركسيون وكمان ABS فى الفرامل.. حاسس بفرق عن العربية اللى كانت معاك مع وجود تلك الإضافات؟؟....

أستاذ ساسو.. الأسئلة السابقة ستكون أخر أسألة أطرحة عليك ولكن بجد أحب ان أتواصل معاك على المستوى الإنسانى لانك إنسان فاضل وواسع الصدر.....

[sasso_soha]

المشاركة الأصلية كتبت بواسطة tham1010 معلش هتقل عليك مرة أخيرة.... الجهاز أبو 350 جنية حضرتك جابته منين؟ يعنى فى شركة ولا مكان الواحد يروح له علشان يشترى منه؟ أعتقد إنه جهاز مستورد ولا فيه منه مصرى دة.. وأخيراً أحب أسألك بعد قيادتك للماتركس.. ما هو إحساسك بيها؟ حاسس أنها عربية حلوة فى قيادتها. سمعت أن الماتركس الكورى فيها بور ستيرج فى الدركسيون وكمان ABS فى الفرامل.. حاسس بفرق عن العربية اللى كانت معاك مع وجود تلك الإضافات؟؟.... أستاذ ساسو.. الأسئلة السابقة ستكون أخر أسألة أطرحة عليك ولكن بجد أحب ان أتواصل معاك على المستوى الإنسانى لانك إنسان فاضل وواسع الصدر.....

وﻻ يهمك كلنا اخوات
الجهاز زى ما قلت لك فى المشاركة السابقة عملته فى ورشة بشبرا - خلف قسم الشرطة - ورشة يسرى

و الله العربية حلوه بس انا للاسف مش هقدر افيدك بالموضوعات دى , على العموم فى كتالوج لماتركس 2002 (وده للاسف اقرب كتالوج لقيته على النت) ممكن تلاقى فيه جميع المعلومات و التفاصيل بخصوص العربية او ممكن تعمل بحث عادى و تلاقى مقالات كاملة عن موضوع ABS ده
ده لينك الكتالوج و خلى بالك مره تانيه ده مش بتاع ﻻفيتا ده ماتركس 2002
http://download.en.hellshare.com/hyu...nual.rar/74111

و بالتوفيق

[tham1010]

متشكر يا ساسو.. ربنا يوفقك. أنا قرأت عن نظام ABS وهو زى ما فهمت نظام فى الفرامل بتاع العربية ووجودة بيخلى العربية مش تقف على طول أول ما تضغط دواسة الفرامل ولكن بتقف بالتقطيع لان الجهاز دة بيضغط على العجل ويفتح كذا مرة فى الثانية لحد ما العربية تقف ودة بيمنع العربية من الزحلقة أو الإنحراف لو ماشى على سرعة عالية. حاجة للأمان يعنى بيدى ثبات على الطريق لو وحبيت توقف العربية وأنت ماشى على طريق سريع أو فى مطر...

ولكن واحد كاتب فى موقع أجنبى ان السائق لازم ياخد بالة إن العربية بالنظام ABS بتحتاج لمسافة أكبر لحد ما تقف خالص. ولهذا يجب أن الواحد يتدرب لحد ما يعرف المسافة اللى بتقف عندها العربية بتعته وخاصة ان العربية اللى حضرتك كنت بتسوقها قبل كدة مفهاش النظام دة.

العربيات الغالية اللى فوق 100 ألف هى اللى بيركب لها النظام دة فى مصر ولكنة منتشر أوى فى الخارج وعلشان كدة تلقيها فى عربية الماتركس المستوردة من كوريا ومش تلاقيها فى عربيات غبور.

[tham1010]

زى ما فهمت من حضرتك ورشة يسرى هى اللى بتشترى الأجهزة دى وبتركبها كمان وحضرتك مش أشتريت الجهاز... فهمت صح؟؟؟؟؟

[sasso_soha]

المشاركة الأصلية كتبت بواسطة tham1010 زى ما فهمت من حضرتك ورشة يسرى هى اللى بتشترى الأجهزة دى وبتركبها كمان وحضرتك مش أشتريت الجهاز... فهمت صح؟؟؟؟؟

احنا روحنا لورشة يسرى و ركبنا الجهاز فعلا و شغالين به تمام دلوقتى