ماروتى ولا 128

[didos]

الماروتى بحس انها بسكلتة ال28 احلى ميزه فيها ان اى شغل فى شكلها بيبان حتى لو ب10 جنيه وعربية بتجرى وناعمة نسبيا لكن فيها عيبين اساسيين . الشاسيه ضعيف علب صاج وعلى كبالن والكبالن غالبا بتبوظ بسرعة لكن فى نفس الوقت مش غالية زى الكرونة عموما بر20-23 الف ممكن تجيب حاجات احسن من الاتنين يعنى لو مابيفرقش معاك استهلاك البنزين ممكن تجيب 132 -131 -504 1980 بس تلف كتير علشان تلاقى حالة ممتازة بالسعر ده وان شاء الله تلاقى عموما برضه الرانج ده يجيب ريجاتا فوق 1985 او 28 من 91-99 او bmw 316i 1980 او مرسيدس c200 1980 او لادا 2105 1995(افضل موديلات اللادا 95) عموما الاختيار ليك لان ريجاتا شاسيه ضعيف زى28 مرسيدس و بى ام باشا بس قطع الغيار نار ولادا 2105 دبابة بس ناشفة .. انا مش بسد نفسك انما اعرف العيوب قبل المميزات وماتتسرعش فى الشراء وخد ميكانيكى وسمكرى

[Kemo Kono]

128 عربية جميلة جدا...بس صعب تلاقى عربية نضيفة ..لان عربيه ليها اكتر من 30 سنة ف الشارع لازم تتبهدل ....حتى لو اتشدت ..هتلاقيها بتزاول كتير نظرا لان العربية هتكون مبرية ..مع مراعاة ان فى عربيات مشدوده من الالف للياء و جميلة بس مش هتلاقيها للبيع كتير ....خليك ف الماروتى افضل لان موديل اعلى و قطع غيار رخيصة برضه و موفرة بس عيبها انها مش بتاعت سفر يعنى خفيفة ..و طالما هى اول عربية ...يبقى ماروتى عشان متكرهش العربيات ..لان 128 هتبقى متعوده على كهربائى و ميكانيكى كل شوية ...ماروتى و ربنا يوفقك

[ABD_CHEMIST]

المشاركة الأصلية كتبت بواسطة DR_ALIMO 128 او 504 او 131 الماروتى والميرا مينفعوش فى الشوارع بتاعتنا

ممكن حضرتك توضح ليه مينفعوش فى شوارعنا لانى ناوى ع الماروتى والشوارع عندنا كلها مطبات

[ABD_CHEMIST]

المشاركة الأصلية كتبت بواسطة أحمد بيه 28 أفضل بكتيييييييييييييييييييييي ييييير فى كل حاجة واقولك على حاجة بيااااااااااااااااااااعة

شكرا ياجميل بس ممكن نقول ان الماروتى برده بيااااااااعة

[ABD_CHEMIST]

المشاركة الأصلية كتبت بواسطة didos الماروتى بحس انها بسكلتة ال28 احلى ميزه فيها ان اى شغل فى شكلها بيبان حتى لو ب10 جنيه وعربية بتجرى وناعمة نسبيا لكن فيها عيبين اساسيين . الشاسيه ضعيف علب صاج وعلى كبالن والكبالن غالبا بتبوظ بسرعة لكن فى نفس الوقت مش غالية حضرتك تقصد انها مش عملية فى شوارعنا ياريت توضحلنا زى الكرونة عموما بر20-23 الف ممكن تجيب حاجات احسن من الاتنين يعنى لو مابيفرقش معاك استهلاك البنزين ممكن تجيب 132 -131 -504 1980 بس تلف كتير علشان تلاقى حالة ممتازة بالسعر ده وان شاء الله تلاقى عموما برضه الرانج ده يجيب ريجاتا فوق 1985 او 28 من 91-99 او bmw 316i 1980 او مرسيدس c200 1980 او لادا 2105 1995(افضل موديلات اللادا 95) عموما الاختيار ليك لان ريجاتا شاسيه ضعيف زى28 مرسيدس و بى ام باشا بس قطع الغيار نار ولادا 2105 دبابة بس ناشفة .. انا مش بسد نفسك انما اعرف العيوب قبل المميزات وماتتسرعش فى الشراء وخد ميكانيكى وسمكرى

جزاك الله خيرا عن مشاركتك لنا