|
#1
09-01-2015, 02:39 AM
|
|||
|
|||
استفسار عن تركيب بطارية السيارة
اشتريت بطارية جديدة سائلة ( أدلر ) 70
فيها الطرفين واحد احمر وواحد أزرق مين يا جماعة اللى اركب فيها الطرف اللى متوصل بجسم السيارة ارجو الاجابة السريعة والعذر لأنى مبتدىء التعديل الأخير تم بواسطة AbOnOrA ; 09-01-2015 الساعة 07:13 AM سبب آخر: توضيح العنوان 
|
|
#2
09-01-2015, 07:24 AM
|
||||
|
||||
رد: استفسار عن تركيب بطارية السيارة
اولاً مبروك البطارية الجديدة وتحت امرك فى اى استفسار طبعاً كلنا بنتعلم
عادة قطبين بطاريات العربيه بيبقو مميزين عن بعض كالاتى + الموجب + علامة زائد = ده بيتوصل بالكابل + الاحمر + او اللى عليه غطاء احمر + وده اللى رايح للضفيرة + وده اللى بيركب اولاً - السالب - علامة السالب - الارضى - ده بيوصل بالكابل بالاسود وغالبا من غير كاب - وده اللى رايح لجسم العربية - ده بيركب بعد الموجب pic01.jpg طبعاً فى الفك العكس السالب يتفك الاول وبعدين الموجب فى التركيب الموجب يركب الاول وبعدين السالب وتاخد بالك وانت بتركب ومتبقاش لابس ساعة او انسيال او اى حاجة معدنية فى ايدك وتسمى الله وتركب بالترتيب اللى قولناة ويفضل بعد التركيب يكون معاك افوميتر تقيس بيه البطارية
|
|
#3
09-01-2015, 08:42 AM
|
|||
|
|||
|
رد: استفسار عن تركيب بطارية السيارة
مفيش كلام بعد كلام أستاذنا كلنا (أخونا الغالى أبو نورا)
أحب أضيف حاجه بسيطة (من باب توضيح إنى مذاكر لأستاذى الفاضل)  - بعد التركيب , إربط القواطش حلو بمفتاح 10 (ممكن بنسة) بس المهم تربط حلو مش تلمس بس. - بما إن البطارية سايلة, يعنى غالباً مع الوقت هتبدأ تفور و تطلع أملاح و أحماض و .... و القواطش ييجى عليها ملح و تتعزل و يبقى التوصيل مش كويس ... الأفضل تحط شحم على القواطش بعد تركيبها . غطيها كلها بالشحم علشان تعزلها من الأملاح. - لو سيبتها و بدأت تكون الأملاح, تغسلها بمياة ساخنة (قصدى القواطش ) و تنشف حلو و برضو تحط شحم - لو تعرف تركب كرتونة البطارية (اللى أشتريتها فيها) على جسم البطارية قبل توصيلها يبقى عملت الصح , يعنى تجيب الكرتونة تقص القاعدة بتاعتها و تلبسها للبطارية بعد تثبيتها فى مكانها, و تربط قطاشاتك و تحط الشحم. الكرتونة هتحمى البطارية جزئياً من حرارة المكنه و تقلل الفوران و تحافظ على عمر البطارية. (السخونة بتبوظ البطاريات, لذلط فى بعض موديلات BMW البطارية ورا فى الشنطة) - لو مش عامل لها قفص حديد أو حزام لمنع السرقة, على أقل تقدير إشترى سلسلة من أى محل حدايد و بويات و لف عليها كيس بلاستيك (للعزل) و بعدين لفها على البطارية و القاعدة و أربط الطرفين ببعض بمسمار قلاووز بصامولتين على بعض. زى كده مثلاً  أعانك الله
__________________
|
|
#4
09-01-2015, 09:40 AM
|
||||
|
||||
|
رد: استفسار عن تركيب بطارية السيارة
و متنساش توصل خرطوم الفايظ او لو مفيش ركبلها خرطوم فايظ
__________________
سبحانك لا علم لنا الا ما علمتنا
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| استفسار من فضل حضراتكم ضرورى بخصوص الماركه | senior105 | مقارنات | 2 | 22-11-2014 12:48 AM |
| استفسار هام وارجو الرد ضرورى عن سياره لادا 2105 ؟ | عبد الرحمن البدرى | لادا LADA | 19 | 20-12-2013 12:10 AM |
| استفسار ضروري جدا بخصوص مرور الشرقية | shooter123 | المرور والشهر العقارى | 3 | 16-11-2013 01:18 AM |
| استفسار ضروري عن طقم دبرياج فاليو | MAHMOUD HATEM | 127 Fiat Ritmo | 2 | 26-09-2013 03:58 AM |
| شباب ضرورى رأيكوا ,,,,,,, يهمنى استفسار بسيط كدا | mahmoudelmasry2016 | منتدى السيارات العام | 10 | 26-03-2013 10:55 PM |
