المارش ...

[adhmmaamon]

السلام عليكم ورحمه الله وبركاته
من فتره ليست بالقليله وانا ماشى بالعربيه الاقى العربيه تطفى لوحدها .المهم كلمت الميكانيكى ..جه ونزل تحت العربيه وقال ان المارش مفكوك ؟؟؟؟؟ قبلها بشويه كنت واخد خبطه نيجه مطب واقف من اللى بيعملوه الاهالى فى الطريق (حاجه زى النيله يعنى ..كأنهم بيبنوا عماره) المهم ربط المارش ودور دارت ...قعدت فتره زى الفل وبعد ين اول امبارح اليوم اللى كان تقريبا بروفه لجهنم اجارنا الله منها واياكم ..صحيت الصبح ماكنتش عارف طبعا ان الحراره هاتبقى كده وكان عندى مشوار بقالى مده مكسل انى اعمله المهم خبطت المشوار ده وكان حوالى 300 كيلو صد رد وانا راجع مش عايز اقولكم العربيه كانها فرن المهم ربنا سهلها ورجعت .. بالليل نزلت ادور ...مفيش مارش ...سامع صوت وره ولكن مفيش لقط لترس الفلام ..استر يارب .
عشقت العربيه على التانى وزقيت ليكون الترس معلق ... مفيش .. خدت زقه ورميت ع التانى دارت . قفلت ودورت مفيش . نزلت تحت العربيه لقيت المارش برضه مهوى وبيلخلخ من مكانه.. جبت مفتاح 13 ونزلت ربطه .وجربت مفيش (العربيه دى ياخى بتخلى الاخرس يتكلم لغات ) خدت زقه تانى وروحت مشوارى ورجعت تمام ..
طبعا اول امبارح كان الاحد فامعرفتش اروح لكهربائى وامبارح كان عندى شغل ..هلى كده المشكله ان المارش لسه مهوى وملخلخ وانا معرفتش اربطه كويس ولا دا عيب ترس البندكس ولاايه...؟؟؟؟؟؟؟؟؟

[abokoko]

نصيحتى اشتري مارش جديد استعمال وبيع المارش اللى معاك واشترى دماغك
الاهم تخلى بالك من جودة مارش الاستعمال وتجربه وتسمع صوته بمعرفة حد خبره او كهربائي

[spider_amrdiab]

انت مقولتش نوع العربية و موديلها ليه؟؟؟

[مستر احمد الفهد]

ممكن خطوات تركيب المارش؟ ده طبعا بعد ما تقولى مكانه فين ؟ لك جزيل الشكر

[احمد عبد المقصود سيد]

انا عندى المارش فى ال 128 لقيت احسن طريقه انى بمجرد ما احس بتعبه اغيره . وده بيكون بعد مرور سنه . اخر مره تم تركيب مارش جديد : استعمال : يعنى جديد على العربيه . كان الشهر اللى فات بمبلغ 225 جنيه . و كان اللى قبله السنه اللى فاتت ب 150 جنيه و 20 مصنعيه . ودى لقيتها هى الطريقه اللى ارتحت عليها ...