سؤال بخصوص 128 ... دخان طالع من تحت الدريكسيو

[لامى السماحى]

السلام عليكم

النهاردة الصبح و قبل ما اقرب اوصل لشغلى بدقيقتين لقيت دخان طالع من تحت الدريكسيون بطلت العربية و فتحت الكبوت ما لقيتش حاجة و فتحت الكاربراتير لقيت المياة تمام و بعدين دورت العربية و مشيت بيها على الهادى لحد ما وصلت الشغل المشكلة فية ناس بتقول لى المكنة و ناس بتقولى عيب كهرباء بمعنى ان فية اسلاك سخنت و شاطت و هى اللى عملت الدخان ... مع العلم انى كنت فى ملف و على التانى و قبلها كنت ماشى على الرابع و السرعة ما بين 60 و 70 كم و المشوار كلة كان 12 كيلومتر

[ezzat2002mo]

اللى تحت الدركسيون علبة الفيوزات ممكن يكون فيوز منها اتحرق وعمل الدخان دة طلع واحد واحد وبص علية لو محروق غيرة بواحد زية تمام ومن الافضل توديها لكهربائى نضيف يشيك عليها وربنا يسلمك

[لامى السماحى]

شكرا لحضرتك انا كنت محتاج حد يأكدلى الموضوع و يطمنى خصوصا ان انا لسة شاريها بالغالى و لسة يا دوب رجلى بتبدا تاخد على العربية

[ahmedyt]

حصلت معايا كنت عامل مفتاح سرى لتبطيل العربية وبعد ما عملت العربية تانى يوم لقيت دخان كدة طلع السلك الى عمله للمارش هو الى ساح وضرب فيوز