ساعدونى رجاءا أنا فى حيرة شديدة وامامى حتى الغد

[tham1010]

متشكر يا رجالة بس ممكن لو سمحتم تقولوا لى الإعتراض على ايه؟ على الثمن ولا على الحالة؟؟ تذكروا ان بشترى مستعمل. هو أنا قلبى رايح للأولى بتاع الإمكانيات الكتيرة بس عقلى رايح للثانية اللى عملة كيلوات اقل وحالتها احسن بس هتبقى زيها زى الماتركس بتاع غبور... طبعا السعر المذكور مش نهائى وفى فصال الف جنية وأكتر.....

المشكلة انى زنقت نفسى فى المنطقة الحرة فى شبين الكوم وفى تاجر واحد فقط فى المنطقة الحرة وبقالى شهرين متابع معاه لحد ما جاب العربيتين دول وقالى لى ان دة أحسن المعروض. محرج أرفض الأثنين وأضطر استنى شوية لحد ما يتصرف لى ويمكن يزرجن معايا لما يلاقينى مش مريحة ومتعب معاه.... هل من نصيحة اخرى؟؟؟؟؟

[hazem_khidr]

ماهو مش علشان تريح التاجر تتعب نفسك
و هو لازم يقولك ان دا احسن المعروض علشان يبيع العربيتين اللي عنده
اصبر شويه او انزل بور سعيد شوف المنطقه الحره هناك
انما العربيتين اللي بتقول عليهم فيهم شغل مش حلوين
و بعدين 200 الف كيلو دول تبقي خلاص العربيه انتهت و حتبتدي تطلب اصلاحات
مساعدين و بلي عجل و ..الخ الخ الخ

[ahmed_menaiem]

متستعجلش و اصبر ممكن ربنا يوفقك بعربية احسن من الاتنين لان صراحة مفيهمش اى مميزات واحدة نضيفة و غالية و واحده رخيصة و تعبانة

[tham1010]

المشاركة الأصلية كتبت بواسطة hazem_khidr ماهو مش علشان تريح التاجر تتعب نفسك و هو لازم يقولك ان دا احسن المعروض علشان يبيع العربيتين اللي عنده اصبر شويه او انزل بور سعيد شوف المنطقه الحره هناك انما العربيتين اللي بتقول عليهم فيهم شغل مش حلوين و بعدين 200 الف كيلو دول تبقي خلاص العربيه انتهت و حتبتدي تطلب اصلاحات مساعدين و بلي عجل و ..الخ الخ الخ

طيب واللى عملة 37 الف كيلوا وشكلها نضيف أعتراض حضرتك عليها ايه؟؟ سعرها؟

[tham1010]

المشاركة الأصلية كتبت بواسطة ahmed_menaiem متستعجلش و اصبر ممكن ربنا يوفقك بعربية احسن من الاتنين لان صراحة مفيهمش اى مميزات واحدة نضيفة و غالية و واحده رخيصة و تعبانة

الفرق الف جنية بس ( الاولى 39 الف والثانية 40 الف) وعلى فكرة هو دة السعر اللى هدفعه بس بدون اى مصاريف إضافية لان العربية داخلة معاقين ومتخلص عليها كل المصاريف يعنى هو دة السعر بدون وجود اى مصاريف إضافية. وطبعا لسة الفصال هينزل الف ولا الفين حسب الشطارة