استشارة بخصوص توكيل بيع السيارة ؟

[iyounes]

يا شباب انا روحت معرض سيارات اشترى عربية مستعملة وعملت عقد مع صاحب المعرض بأسمه ودفعت الفلوس وبقيت 3000 جنيه ادفعهم بعد عمل التوكيل وشهادة المخالفات

ولما روحت استلم التوكيل لقيت التوكيل بأسم واحد غير صاحب المعرض ، يعنى صاحب العربية الاصلى اللى الرخصة بأسمه عامل توكيل للراجل اللى عملى توكيل والراجل ده عملى توكيل وجاب شهادة المخالفات

يعنى انا معايا توكيل من الراجل ده حسب تسلسل التوكيلات لكن عقد شراء السيارة بأسم صاحب المعرض وهو اللى ماضى بأستلام الفلوس

هل الموضوع كده مفيهوش مشكلة ؟

وشكراً على الافادة من الاخوة الاعضاء

[Mr.Law]

يفضل تاخد العقد موقع من صاحب التوكيل نفسه
و إحتياطي روح للشهر العقاري الصادر منه التوكيل واستخرج صوره رسميه او شهاده توضح وجود ذلك التوكيل بالشهر العقاري

[نبيل عبدالرحمن]

العقد الذى بينك وبين صاحب الصاله لا أهمية له
إعمل عقد آخر مع الشخص الذى بإسمه آخر توكيل
وعموماً ادارة المرور لا تنظر فى العقد الموقع من البائع والمشترى ولكن أهم حاجة هو العقد المسجل فى الشهر العقارى

[iyounes]

شكراً للاخوة الافاضل على الافادة
ولكن لى سؤال الا يكفى التوكيل اللى عامله الراجل بأسمى لأن صاحب المعرض كان بيقول ان العقد الغرض الاساسى منه اثبات الفلوس اللى خدها منى لكن التوكيل هو المهم وانه يعتبر كأنه عقد بيع منفصل ولا اهمية للعقد الموقع منه بعد عمل التوكيل ؟
وهل يفضل انى اعمل تسجيل دلوقتى بدل ما استنى كمان سنه ونصف لغاية ما الرخصة تخلص ؟

وشكراً على المساعدة

[Mr.Law]

المشاركة الأصلية كتبت بواسطة iyounes شكراً للاخوة الافاضل على الافادة ولكن لى سؤال الا يكفى التوكيل اللى عامله الراجل بأسمى لأن صاحب المعرض كان بيقول ان العقد الغرض الاساسى منه اثبات الفلوس اللى خدها منى لكن التوكيل هو المهم وانه يعتبر كأنه عقد بيع منفصل ولا اهمية للعقد الموقع منه بعد عمل التوكيل ؟ وهل يفضل انى اعمل تسجيل دلوقتى بدل ما استنى كمان سنه ونصف لغاية ما الرخصة تخلص ؟ وشكراً على المساعدة

كلام صاحب المعرض صحيح وعلشان كده طلبت من حضرتك تاخد عقد مكتوب من المالك وإن كان عقد عرفي لا يعتد به رسميا ولكن يثبت حقك في البيع والشراء وإستلام كامل الثمن
والتوكيل شئ شبيه بالبيع ولكنه ليس ببيع يعني العربيه بمعني اصح في الفتره اللي انت مش مسجل فيها العربيه فإنت لك توكيل بإدارتها وبيعها لليك ولغيرك "كما نص التوكيل"
اه التوكيل مبيلغاش الا في حضور الطرفين
لكن بينقضي بوفاة أحد أطرافه
لكن بإختصار شديد عدم تسجيلك للعقد بالشهر العقاري قد يؤدي لضياع حقوقك
أعتقد ثمار العام ونصف للرخصه مش أكبر من المخاطر اللي ممكن تقع فيها
ومبروك العربيه الجديده