|
BMW رغم ما تعرضت له الشركة من ازمات كثيره اخرها ازمة شرائها لروفر الانجليزية الا انها مازالت تؤكد على ريادتها فلسلفتها الخاصة فى سيارتها التى تجمع بين الجمال متعة الاداء اشترت حقوق رولز رويس الانجليزية بالاضافة الى مينى ومن اشهر سيارتها BMW X5 X3 M6 M5 7 series - 5 series - 3 series |
|
أدوات الموضوع |
#1
|
||||
|
||||
أجيب BMW 318 موديل 2001 ولا زيرو
انا في حيره يا رجاله والله ............ مش مقتنع بالزيرو خالص حاسس انها عربيات need for speed ...شكل وحركات وشويه الجيمس الى جوه العربيات ....... وبفكر فى 318 موديل 2000 او 2001 بس خايف من صيانتها ومصاريفها
فا يا ريت لو حد عندوا 318 يقولي اخبارها ايه في الصيانه وبيعملها فى التوكيل ولا الحرفيين ولا ايه ............وقطع غيارها متوفره استيراد ولا لا واسعارها ايه وانتوا ايه رأيكوا ,,,, زيرو وخلاص ولا 318 ...مع العلم انى الميزانيه لا تسمح باكتر من 125,000 لحلوح ولكم كل التقدير يا افضل منتدى سيارات رأيته بجد |
#2
|
||||
|
||||
رد: أجيب BMW 318 موديل 2001 ولا زيرو
شكرا للإفادة
|
#3
|
||||
|
||||
رد: أجيب BMW 318 موديل 2001 ولا زيرو
صباح الفل يا باشا
دايما الفرق بين الزيرو و المستعمل اللى بنفس التمن بيكون كما يلى .... الزيرو هتركب عربية جديدة انت اول رجل فيها و هتقعد معاك من 3 الى 5 سنين بتاخد منك صيانة دورية فقط لاغير يعنى تديها بنزين و تغيرلها زيت .... عيب الزيرو انك هتجيب عربية قليلة الامكانيات بالنسبة للمستعمل اللى ممكن تجيبه بتمنها و كذلك تفتقد الى متعة القيادة الحقيقية (لو انت راجل غاوى يعنى ) .. بس هتبقى عربية عملية معاك توديك و تجيبك و مؤدية للغرض منها ...... المستعمل ,, هتجيب عربية فخمة و و اداء قوى و متعة قيادة حقيقية .. ده طبعا بالنسبة لل 318 ... اللى انت عاوز تجيبها .. بس المشكلة بقى يا معلم و خصوصا فى البى ام انها عربية حساسة قوى عاوز حد يعاملها بالشوكة و السكينة يعنى المية ماتنقصش الزيت فى ميعاده بالظبط .. الكاوتش لو مش مناسب مابتمشيش اصلا... حاجات كدة يعنى.... انما المرسيدس مثلا عربية فحت و ردم عن تجربة مشكلة المستعمل عموما ان العربية اللى هتجيبها انت و حظك يا تريحك و مشاويرك على الميكانيكة هتبقى فى اللذيذ يعنى ,, يا اما هتطلع عينك و تكره بسببها حاجة اسمها عربيات ... تخيل انها بتستعمل بقالها 8 سنين و ماتعرفش اللى قبلك كان بيعاملها ازاى ... النهاردة الموتور عايز طقم شمبر بكرة الفتيس عاوز اسطوانة بعده المساعد عاوز يتغير و عيش حياتك الطبيعية بقى يا معلم.... و عموما البى ام قطع غيارها نار لو جديدة ... الاستيراد و الحرفيين اسعارها معقولة شوية ... فا انت شوف ايه اللى يناسبك من الحاجتين دول .. و ربنا يوفقك ان شاء الله فى عربية مناسبة
__________________
......................... .. يا ترى جاهزين لتجربة السواقة اللى جاية ؟؟؟؟؟!!!!!!! |
#4
|
||||
|
||||
رد: أجيب BMW 318 موديل 2001 ولا زيرو
تسلم ايدك يا ريس على الرد ...........ورأيك طبعا تمام بس حتي الزيرو بقى يخلى الواحد محتار .......... كل العربيات شبه بعضها وكل ما ادخل على قسم من اقسام المنتدى هنا الاقي شكاوي اد كده من كل العربيات يعنى مفيش حتى شبه اجماع على عربيه معينه ............ بيني وبينك فكرت فى التيجو بس طبعا عقده الصينى الى عند الشعب المصري مش سايبانى في حالى ........... فكرت في السيراتو ...... لائيت مصر كلها راكبه سيراتو خلال 6 شهور من نزولها وبقت اكتر من التاكسات
والله زهقت من التفكير بس فعلا بفكر جديا في التيجو بس اوتوماتيك ولوو حد يعرف اخبارها ايه يا ريت يفيدني |
#5
|
||||
|
||||
رد: أجيب BMW 318 موديل 2001 ولا زيرو
بص يا باشا لو ناوى تجيب بى ام لازم تكون عارف حد من اصحابك مثلا او قرايبك او معارفك تكون معاه عربية زيها و عارف المكينايكية الكويسين اللى بيفهموا فيها و كمان منين تجيب قطع الغيار و مظبط الدنيا يعنى .. لازم تعمل دراسة كاملة للمواضيع دى قبل ما تجيبها و قبل ما تجيب مستعمل عموما ....
اما لو بتفكر فى تيجو يا باشا بص على اللينكات دى كلها مواضيع عن التيجو ... انا عن نفسى بصراحة معرفش حاجة عنها .... المواضيع دى هتديلك فكرة عن العربية و دور فى المنتدى برده هتلاقى مواضيع تانية ... بس دور فى المنتدى العام علشان انا جبت لك كل المواضيع المجودة فى منتدى الصينى فلو فيه مواضيع تانية غالبا هتكون فى المنتدى العام و بالتوفيق يا باشا ان شاء الله http://www.masrmotors.com/vb/showthread.php?t=15041 http://www.masrmotors.com/vb/showthread.php?t=17117 http://www.masrmotors.com/vb/showthread.php?t=17396 http://www.masrmotors.com/vb/showthread.php?t=14807 http://www.masrmotors.com/vb/showthread.php?t=4856 http://www.masrmotors.com/vb/showthread.php?t=11012 http://www.masrmotors.com/vb/showthread.php?t=12263 http://www.masrmotors.com/vb/showthread.php?t=5060
__________________
......................... .. يا ترى جاهزين لتجربة السواقة اللى جاية ؟؟؟؟؟!!!!!!! |
|
|