صوت طقطقة في السيراتو :(((((

[ahmedamir78]

السلام عليكم جميعاً وكل عام وانتم بخير بمناسبة عيد الأضحى المبارك

أنا اشتريت سيراتو ex زيرو موديل 2011 منذ أسبوعين، وعامل بيها لحد دلوقتي حوالي 500 كيلو، المهم بأه امبارح كان أول مرة تقريباً يركب فيها معايا أوزان كبيرة ، أربع أشخاص منهم ثلاثة وزن كبير، وبدأت ألاحظ صوت طقطقة كده غريبة أو حاجة بتعمل جررررررر، وأعتقد لما أهدي السرعة، وبعدين جيت اناهرده بعد ما ركنت السيارة وكنت لوحدي مافيش حد معايا ، وانا نازل منها سمعت صوت طقطقة في العجلة الخلفية شمال، رحت نزلت واعدت أضغط على الشنطة من فوق لتحت عشان أشوف المساعدين أو حاجة ولكن الصوت لم يظهر،
ولما جربت إني أزق من الجانب الخلفي عند العجلة الخلفية شمال إلى الناحية اليمنى( يعني بزق بالجنب) سمعت صوت طقطقة من جوة الجنط !!!! ( العربية جنوط مش طاسات)
المهم انا الصوت ده محيرني جدا ومش قادر أحدد بظبط هل هو نفس الصوت اللي باسمعه لما كنت ماشي ومركب أوزان ولا لأ؟؟

أنا صبرت نفسي وقلت يمكن المساعدين لسة بيطبعوا وعشان أول مرة اوزان وكده يعني، وقلت كده كده في صيانة الألف هقولهم عليها، ولكن أرجوكم انا عاوز أطمئن، لو حد عنده إجابة أكيده يا ريت يفيدني

آسف على الإطالة بس انا باحب أشرح بالتفصيل، وشكراً جزيلاً

[عصام غنايم]

طيب شيك على رباط مسامير العجل

[احمد على 1999]

برضه بالاضافة لصواميل العجل
جرب نزل فرامل اليد و شوف الصوت حيظهر لو هزيت بايدك
لو الصوت مظهرش و انت منزل فرامل اليد يبقى الصوت بتاع هز الايد من العجلة بالجنب بسبب لقم التيل الخلفى و ده طبيعى
اما وانت ماشى فمش عارف لازم يتسمع فى الحقيقة

[mm_champion]

انا كان عندي نفس مشكلة حضرتك واكتشفت في الآخر ان زلطة محشورة في الكاوتش وهي اللي بتطقطق مع المشي على الاسفلت

[bunnybunny77]

ارط على العجل..فى عربيات زيرو كتير بتيجى بعجل مش متارط عليه و بالمرة ظبط الهوا و الف مبروك على العربية